Kronikat ....

Titulli: Re: Kronikat .... Sat Dec 01, 2007 5:30 pm

Gjykata le ne burg drejtuesit e autoshkollave

Gjykata e Rrethit Gjyqesor Tirane vleresoi dje masat e sigurise per pese personat qe u arrestuan gjate operacionit te koduar “Fshehja”, me akuzen e “falsifikimit te dokumenteve zyrtare”, duke lene ne qeli, deri ne perfundim te hetimeve, vetem kater prej tyre. Keshtu, togat e zeza vendosen masen e sigurise "arrest me burg" per te pandehurit, Mariglen Zeneli, 25 vjeç, Nevila Zeneli, 33 vjeç, Ruzhdi Fatusha, 57 vjeç, pronar i nje autoshkolle, Gezim Kurti, 51 vjeç, pronar i nje autoshkolle, me banim ne Tirane. Nderkohe, gjykata vleresoi masen “detyrim paraqitje” per te pandehuren tjeter Marinela Zeneli, 25 vjeç.
Operacioni i koduar “Fshehja” u organizua para tri ditesh nga Policia e Tiranes, duke bere te mundur goditjen e nje baze ne kryeqytet, qe sherbente per falsifikimin e dokumenteve. Te arrestuarve te ketij operacioni iu sekuestruan nje sere dokumentesh false si 40 formulare certifikata mjekesie, te gjitha te vulosura dhe te firmosura, por te paplotesuara dhe 20 dosje te shtetasve te ndryshem, te cilet do te aplikonin per provimin me shkrim per pajisje me leje drejtimi te automjeteve. Gjithashtu, iu bllokuan edhe 26 vula te mjekeve specialiste te Spitalit “Nene Tereza” si dhe te poliklinikave te ndryshme ne Tirane, 60 formulare certifikata mjekesie te paplotesuara, 50 vertetime te shkollave te ndryshme te Tiranes, te gjitha te vulosura, te paplotesuara, 50 vertetime te universiteteve te ndryshme ne Tirane, 200 vertetime te kontributeve shoqerore dhe mjekesore, 50 vertetime te Komisariatit te Policise Nr. 2 Tirane, te vulosura te paplotesuara, 100 vertetime te Qytetit Studenti, te vulosura dhe te paplotesuara, 100 vertetime te “Raiffeisen Bank” te paplotesuara etj.

1 Dhjetor 2007

Titulli: Re: Kronikat .... Sat Dec 01, 2007 5:31 pm

Ndalohet anija turke me flamur bolivian, shiste hekur

VLORE - Policia kufitare e Vlores bllokoi nje anije, e cila prej mese dy javesh qendronte e ankoruar ne port dhe shiste hekur te ardhur nga Turqia. “Anija ‘Bancar’, me flamurin e Bolivise, eshte ankoruar me daten 14 nentor ne Portin e Vlores dhe prej 16 ditesh ekuipazhi i saj ka kryer tregti ne port ne emer te nje firme turke”, - bejne te ditur burimet policore. Sipas tyre, “Bancar” ka shitur nje sasi te konsiderueshme hekuri me lidhje firmave te ndryshme ne qytetin e Vlores. Nga te dhenat ne policine kufitare ne port, anija ka ardhur ne Vlore nga Porti i Durresit, ndersa ishte nisur nga Turqia, me destinacion Portin Dar es Salam, ne Tanzani. Produkti realisht ka qene i regjistruar ne emer te firmes Metal Market Dis Ticaret LTD, firme turke, ndersa kapiteni i anijes, ne bashkepunim me ekuipazhin, e kane tregtuar ate ne Vlore ne emer te nje tjeter kompanie, duke ia shitur ate bizneseve te ndryshme ne qytet. Vetem dje eshte prezantuar ne Portin e Vlores nje nga administratoret e firmes turke Metal Market qe ka denoncuar shitjen e paligjshme. Nga te dhenat e policise mesohet se anija ‘Bancar’ ka bere ndryshimin e destinacionit qe kishte destinacion Tanzanine per llogari te kesaj firme.
Pasi ka regjistruar denoncimin, policia kufitare e Portit te Vlores ka bllokuar anijen dhe ka mbajtur pasaportat e 10 anetareve te ekuipazhit, te cilet jane shtetas egjiptiane dhe nuk do te lejohet nisja e anijes deri ne zbardhjen e ngjarjes.

1 Dhjetor 2007

Titulli: Re: Kronikat .... Sat Dec 01, 2007 5:32 pm

Vajza gjimnaziste denoncon babain dhunues

LIBRAZHD – Pas ngjarjes se rende qe ndodhi ne Gramsh, nje tjeter rast i dhunshem ne familje ka ndodhur ne Libraazhd, ku vajza ka denoncuar babain e saj. Burime policore pohojne se shtetesja Suada Rrupulli, nxenese e vitit te trete te shkolles se mesme te pergjithshme “Ibrahim Muça” ne qytetin e Librazhdit, eshte paraqitur ne zyrat e policise lokale me shenja dhune. Ajo mesohet se ka denoncuar babain e saj, Latif Rrupullin, 45 vjeç, per keqtrajtim sistematik. Se fundi, ai e ka dhunuar ate shume rende edhe fizikisht duke e bere te padurueshme sjelljen e tij brutale ne familje. Policia menjehere ka bere shoqerimin e tij ne ambientet e komisariatit duke e marre ne pyetje per ngjarjen. Burime policore pohuan se 45-vjeçari e ka mohuar faktin qe ai e keqtrajton te bijen, por eshte shprehur se ai vazhdimisht e keshillon qe ajo te mos perdore duhanin e alkoolin sepse ato jane te demshem per shendetin. Ndersa e bija ka pretenduar se ajo ndihet e dhunuar sistematikisht dhe kjo ia ka bere jeten te merzitshme.

1 Dhjetor 2007

Titulli: Re: Kronikat .... Sat Dec 01, 2007 5:32 pm

Gjykata le ne qeli babain qe la vajzen e tij shtatzene

ELBASAN – Gjykata la ne qeli babain monster, qe perdhunoi dhe la shtatzene vajzen e tij te mitur. Burimet bejne te ditur se dje eshte zhvilluar seanca per dhenien e mases se sigurise per 42-vjeçarin Ferit Jaupi nga Gramshi, i cili nga marredhenieja seksuale me te bijen e mitur ka nje femije. Prokurori i çeshtjes kerkoi gjate seances caktimin e mases se sigurise “burg pa afat”. Burime zyrtare nga gjykata pohuan se 42-vjeçari e pranoi akuzen dhe ka perseritur kerkesen per te marre denimin maksimal per vepren penale qe ka bere. Ferit Jaupi eshte ndaluar te marten ne mbremje ne banesen e tij, ne fshatin e Gjere ne Gramsh. Prokuroria leshoi nje urdher arresti pas nje viti hetimesh per keqtrajtim dhe perdhunim te vajzes se tij A.J., 15 vjeçe, me te cilen ka nje foshnje.

1 Dhjetor 2007

Titulli: Re: Kronikat .... Sat Dec 01, 2007 5:33 pm

“Naftetari” çon ne pranga kryesindikalistin, akuzohet per vjedhjen e 107 milione lekeve

FIER – Pas 8 muaj hetimesh, me ne fund eshte arrestuar kreu i Sindikates se Pavarur te Naftes, i cili akuzohet per abuzime me fondet e organizates ne miliona leke. Burimet zyrtare te policise pohojne se dje ne mesdite, permes operacionit te koduar “Naftetari”, ka rene ne pranga shtetasi Veli Fejzullari, 58 vjeç, lindur ne Skrapar dhe banues ne lagjen e re ne Patos. Ndalimi i presidentit te sindikates eshte bere dje ne mesdite, pas nje urdhri te dale nga Prokuroria e Fierit. “Fejzullari akuzohet per vjedhjen e shumes prej 16 milione lekesh te reja”, - pohojne burimet policore.
Veli Fejzullari mban postin e presidentit te sindikates prej me shume se 12 vitesh. Kjo eshte organizata me e madhe persa i perket numrit te anetaresise. Ai ka qene ne krye te sindikates, e cila ne radhet e saj ka mbi 3000 anetare, por ky numer ka qene mbi 6000 anetare vite me pare. Si rezultat i reformave ne sektorin e naftes dhe shkurtimeve te bera per shkak te reformes, ky numer ka ardhur duke u reduktuar kohet e fundit. Realisht fondet qe disponon kjo sindikate jane te medha si nga kuotizacionet e anetaresise dhe nga pronat qe disponon kjo sindikate, te cilat i ka dhene me qira.
Sipas grupit hetimor, Veli Fejzullari ka shfrytezuar nje vakuum ligjor, duke perdorur vulen qe ai mbante personalisht. Ne fund te vitit 1997 dhe ne fillim te 1998-s ka terhequr nga llogaria bankare e sindikates nje shume prej rreth 107 milione leke te vjetra. Ne ate periudhe, per shkak te konflikteve te shfaqura ne gjirin e sindikates shqiptare ku u shfaq dueli per kreun e saj midis Valer Xhekes dhe ish-sekretarit te Pergjthshem, Fatmir Musaku dhe me pas te Azem Hajdarit qe tentoi per kreun e kesaj sindikate, keto llogari sindikale kane qene te ngrira per disa vjet rresht.
Pasi ka terhequr kete shume, ai eshte justifikuar ne kryesine e kesaj sindikate se do te bente rikonstruksionin e nderteses se sindikates ne qytetin e Patosit, godine qe prej vitesh pretendohej si prone e kesaj organizate. Por, realisht edhe me vendim gjyqesor godina i ka kaluar Bashkise se Patosit fale edhe nje urdhri per mostjetersimin e objekteve kulturore. Realisht, objekt i fillimit te hetimeve ndaj ish-kreut te sindikates kane qene denoncimet e vete anetareve te sindikates dhe te kryesise se kesaj sindikate per abuzimet e presidentit te tyre. Sindikata e pavarur e naftes, e cila disponon shume prona si ne Vlore, Divjake, Sarande etj., i ka tjetersuar duke i dhene keto ambjente me qira 90-vjeçare dhe qiraja e vjele prej tyre eshte shperdoruar ne menyre abuzive po nga Fejzullari.

1 Dhjetor 2007

Titulli: Re: Kronikat .... Sat Dec 01, 2007 5:34 pm

Vetedorezohet ne Tirane vrasesi i bashkeshortes: “Ishte nje pakujdesi”

BURREL - Eshte vetedorezuar ne policine e Tiranes, pas me shume se 10 oresh nga kryerja e krimit, 64 vjeçari Ibrahim Lika, autori i vrasjes se bashkeshortes se tij dy dite me pare ne qytetin e Burrelit. Lika ka pranuar autoresine e krimit para policise duke deklaruar se gjithçka kishte ndodhur nga pakujdesia. “Nuk kam patur asnje lloj motivi per te vrare gruan”, - mesohet te kete thene 64-vjeçari para agjenteve te policise. Ai akuzohet tashme nga ana e policise se Burrelit per vrasjen me arme zjarri te gruas se tij dhe “armembajtje pa leje”,
Vrasja
Sipas burimeve te policise se Burrelit, Ibrahim Lika, 64 vjeç, ka kryer krimin ne banesen e tij private rreth ores 13:30 te dy diteve me pare, duke vrare bashkeshorten e tij Fiknete Lika, ne qytetin e Burrelit. Sipas policise, 64-vjeçari e ka qelluar tri here me kallashnikov bashkeshorten e tij, e cila gjeti vdekjen e menjehershme ne shtepi. Pas krimit, autori eshte larguar nga Burreli me nje mjet tip “Audi” ne drejtim te Tiranes, duke kaluar tre komisariate policie pa u kapur nga postblloqet e ngritura pas ngjarjes. Me pas ai eshte vetedorezuar ne Komisariatin Nr. 4 te policise se kryeqytetit. Ne momentet e para Ibrahim Lika eshte shprehur: “Jam nga Burreli, sot ne mesdite kam kryer nje krim duke vrare bashkeshorten time, Fiknete Liken”.
Ekspertiza e policise
Burime te policise se Burrelit shprehen se, “ekspertiza e policise ka treguar se Fiknete Lika eshte goditur tri here me plumba kallashnikovi ne gjoks, duke gjetur vdekjen e menjehershme. Pavaresisht nga pretendimet e bashkeshortit ne hetuesi se vrasjen e ka kryer ne momentin qe po pastronte armen, kjo hipoteze eshte hedhur poshte. Sipas deshmise, “pasi e kishte lyer me vaj, ai e ka mbushur armen pa vetedije, duke terhequr edhe kembezen e shkrehjes, prej nga ku doli edhe bresheria e plumbave qe moren jeten e bashkeshortes se tij”. Por kjo “alibi” nuk i ka bindur ekspertet e policise, te cilet kembengulin ne hetimet e metejshme. Tashme eshte pergatitur dosja, e cila i ka kaluar Prokurorise se Burrelit. Ibrahim Lika eshte vene nen akuzen e “vrasjes me paramendim” dhe “armembajtje pa leje”. Ne oret e para te mengjesit te djeshem, policia e Burrelit ka marre nga Komisariati Nr. 4 i Tiranes Ibrahim Liken, duke e izoluar ne qelite e paraburgimit ne Komisariatrin e Burrelit. Pritet qe sot ai te dale para trupit gjykues ku do te jepet vleresimi i mases se sigurise per autorin.

1 Dhjetor 2007

Titulli: Re: Kronikat .... Sat Dec 01, 2007 6:34 pm

Banoret e Transballkanikes: S’dalim nga banesat
E Shtune, 01 Dhjetor 2007

Pas publikimit te vlerave te shpronesimeve per pronaret e banesave te rruges Transballkanike, keta te fundit duket se kane dale serish te pakenaqur. Kerkesat e tyre ne fillimin e problemit te shpronesimeve kane qene qe shtepite e tyre te shpronesohen me vlerat e tregut, duke kerkuar 42 mije leke per banesat dhe 20 mije per truallin. Pas shume polemikash e bllokimit te punimeve ne rrugen Transballkanike, pikerisht nga problemi i shpronesimit, Keshilli i Ministrave miratoi vlerat e shpronesimit per keta pronare, ku per banesat eshte vleresuar 42 mije leke/m2, dhe per trojet nga 1700-4500 leke/m2, ne varesi te vendndodhjes se truallit. Banoret e kesaj zone shprehen se nuk do t’i lirojne banesat, por do te vijojne me ankime ne institucionet e shtetit ne Vlore e me gjere. Aferdita, nje nga grate qe edhe hyri ne greve urie, per problemin e shtepise, thote se me 13 milione leke qe i takon nga shpronesimi, nuk ka se ku te shkoje. “Une nuk dal e gjalle nga shtepia. S’kam ku te shkoj, jam vete i peste, kam kater vajza. Mire pa pune qe po rrime e po hame nje here ne dite, por pa shtepi s’kemi ku te vemi. Me 13 milione leke te vjetra, une nuk kam se cfare te blej. Une nuk dale nga shtepia dhe pres qe Kryeministri Berisha te mbaje fjalen e tij. Na tha qe do te na jepte shtepi. Ne duam strehim dhe aq, se s’kemi ku te shkojme”.

Banoret e Transballkanikes deklarojne se do te shkojne te ankohen fillimisht te prefekti, e me pas edhe ne instanca me te larta, deri te Kryeministri. Ata vijojne te kerkojne mbajtjen e premtimeve nga ana e organeve shteterore, me qellim qe te mos ngelen me mes kater rrugeve. Nga deklaratat e tyre, ata theksojne se nuk do te dalin nga banesat per t’i lene rruge te lire punimeve ne rrugen Transballkanike, punime keto qe jane bllokuar prej disa javesh. Nga ana tjeter, prefekti i Qarkut te Vlores, Xhevahir Rexhepi, thote se institucioni i prefektit dhe deputeti Kollozi, kane bere te pamunduren qe pronaret e banesave ne rrugen Transballkanike te shpronesohen me vlerat e tregut. 42 mije leke/m2 banesa, dhe 1700-4500 leke/m2 trualli, keto jane vlerat e tregut ne Vlore. Ne rast se banoret kane ankesa, une nuk di c’t’u them”, perfundoi prefekti Rexhepi. Aktualisht punimet ne rrugen Transballkanike kane ndaluar. Dhe pikerisht ky ka qene problemi kryesor i kesaj nderprerjeje per shpronesimet.

Titulli: Re: Kronikat .... Sat Dec 01, 2007 6:37 pm

Pervetesimi i fondeve, pranga kryesindikalistit
E Shtune, 01 Dhjetor 2007

Presidenti i Sindikates se Naftes ne Patos, denoncohet nga kompania “Albpetrol” dhe arrestohet nga agjentet e policise per shperdorim detyre dhe abuzim me fondet e rikonstruksioneve pergjate periudhes 1998-2007. Veledin Fejzullahu eshte ndaluar rreth ores 12:00 te dites se djeshme nga blute e Fierit, pas nje urdhri te leshuar nga Prokuroria dhe hetimit tete-mujor te zhvilluar per demin 10,6 milione leke. Operacioni eshte konsideruar si pjese e “Duarve te Pastra”, ndersa eshte koduar “Naftetari”. Juristi i kompanise se naftes kishte kerkuar hetime nga policia tete muaj me pare, sepse dyshonte se parate nuk ishin perdorur per rikonstruksionin e godines se sindikates qe rezultoi se ishte nje objekt “fantazme”.

Pakenaqesite per zhdukjen e nje pjese te parave nga arka e sindikates eshte bere shkak qe organi i akuzes dhe krimi ekonomiko-financiar ne policine e Fierit te niste nje hetim tete muaj me pare, per zhdukjen e mbi 10 milione lekeve, qe ishin destinuar per rikonstruksionin e godines se sindikates. Dy dite me pare, Prokuroria kishte miratuar urdhrin e ndalimit, ndersa dje ne mesdite agjentet zbarkuan ne banesen e Veledin Fejzullahut, ne “Lagjen e Re” te qytetit te Patosit, ku dhe banonte. Burime zyrtare thane dje, per gazeten “KJ”, se 58-vjecari, baba i tre vajzave, gjate vitit 1998 ka qene ne krye te sindikates se naftes Patos. Mesohet se hetimi ka ardhur pas denoncimit te juristit te kompanise “Albpetrol”, Partizan D., per dyshimet qe kishte rreth abuzimeve ne kete sindikate. Fejzullahu, sipas hetimeve, kishte marre nje fond te caktuar per rikonstruksionin e godines, qe dyshohet te jete shperdoruar. Parate jane marre vazhdimisht nga sindikata sipas rregullores se kompanise, me qellim ardhjen ne ndihme te punetoreve dhe perfaqesise mbrojtese te tyre.

Gjate terheqjes se parave, Fejzullahu ka pretenduar se i duheshin per rikonstruksionin e godines se sindikates, me vendndodhje ne Patos. Por, sipas zyrtareve te policise, gjate verifikimeve te kryera rezulton se ky objekt i pretenduar eshte “fantazme” dhe nuk ekziston gjekundi. Ky informacion ka mjaftuar per te kryer hetime se ku kishin perfunduar parate e terhequra me mandate nga arka e sindikates se naftes Patos. Por nuk jane gjetur as dokumentacione qe te verifikohej destinacioni i parave ne nente vite, ndaj agjentet po investigojne per te zbuluar keto shuma qe dyshohet se jane pervetesuar. Sipas procedurave dhe rregullave, kompania “Albpetrol” ka pasur nje marreveshje dypaleshe me sindikaten dhe shpeshhere ndihmonte kete organizem me fonde.

Titulli: Re: Kronikat .... Sat Dec 01, 2007 6:38 pm

“Me arrestuan se denoncova vjedhjet ne Albpetrol”
E Shtune, 01 Dhjetor 2007

Veledin Fejzullahu ka punuar per shume vite si teknik nafte ne disa ndermarrje te Patosit. Qe nga viti 1998 eshte zgjedhur president i sindikates se naftes Patos.

I pyetur rreth arrestimit te tij, Fejzullahu pohon, per gazeten “Koha Jone”, se “eshte nje sulm i paster politik qe me kryhet mua personalisht”. Ai tregon se mengjesin e djeshem ishte nisur drejt Tiranes, pasi kishte disa takime pune, por edhe mbledhje. “Forcat e policise erdhen e me arrestuan. Disa vite me pare e ne vazhdim, si ne qeverisjen e kohes se socialisteve, ashtu edhe ne ate te demokrateve, une kam denoncuar shume vjedhje qe jane bere nga drejtues e punonjes se kompanise se naftes “Albpetrol”. Keto jane publikuar edhe ne gazeta, madje i kam denoncuar edhe te Kryeministri aktual, Sali Berisha”, tha Fejzullahu per gazeten. Mesohet se kreu i sindikates eshte paditur edhe ne gjykate per dyshimet rreth vjedhjeve qe ka kryer. “Une i kam fituar te gjitha gjyqet dhe per kete disponoj vendime gjyqesore, si ne Shkallen e Pare, ashtu edhe ne ate te Apelit. Kam fituar pafajesine”, perfundon Fejzullahu deklaraten e tij per gazeten.

Arrestimi zyrtareve te Transporteve

Ish-zv/ministri i Transporteve, Nikolin Jaka, u arrestua tre muaj me pare ne saje te operacionit te koduar “Duart e Pastra”. Shkak i arrestimit u be nje kallezim penal nga nje prej firmave konkurrente ne 15 tenderet e zhvilluara ne Drejtorine e Pergjithshme te Rrugeve. Nga pergjimet telefonike dhe ambientale, organi i akuzes ka mundur te vere ne pranga 9 persona. Te akuzuarit e kesaj dosje jane Nikolin Jaka, Ilir Berzani, Bashkim Kamberi, Xhevahir Mucogllava, Arber Qato, Arjan Sheti, Skender Bokciu, Enton Resuli dhe Isuf Ukperaj.

Akuzat per tatimoret e Lushnjes

Gjate operacionit te koduar “Duart e pastra 2”, rane ne pranga pese zyrtare, nen akuzen e “shperdorimit te detyres” dhe “falsifikimit te dokumenteve”. Aksioni kishte qellim goditjen e fenomenit ne Drejtorine e Tatim-Taksave te Lushnjes. Policia ndaloi Gramoz Veliu, ish-kryetar i Deges se Tatim-Taksave Lushnje dhe vartesit e tij te zyres se regjistrimit, Xheladin Brahkola, Namik Taullahu, Ruzhdi Sina, e Naim Sina. Pas nje procesi dyjavor ne gjykate, Apeli i Fierit pranoi garancine pasurore te pese zyrtareve me nga 500 mije leke secili, duke i lene ne masen “arrest shtepie”, deri ne perfundim te procesit.

Titulli: Re: Kronikat .... Sat Dec 01, 2007 6:45 pm

Vrasja e gruas, burri i falet para arkivolit
E Shtune, 01 Dhjetor 2007

Bashkeshorti, qe akuzohet per vrasjen e gruas se tij, i lutet policise pas arrestimit qe te marre pjese per disa minuta ne ceremonine mortore. Ndersa eshte shoqeruar nen masa te rrepta sigurie ne shtepine ku ndodhej trupi i pajete i 55-vjecares Fitnete Lika, Ibrahimi i ka prekur ballin, duke i kerkuar falje. Vetem 24 ore pas ngjarjes, 64-vjecari eshte derguar ne Burrel, ndersa rreth ores 00:10 te mengjesit te djeshem u kap ne periferi te Tiranes. “Me fal, nuk desha te qelloja”, eshte shprehur Lika mbi arkivolin e ish-bashkeshortes se tij dhe pak minuta me pas eshte derguar ne qeli, ku dhe u mor ne pyetje nga hetuesit. Burime zyrtare te policise thane se 64-vjecari, shofer i ambulances se qytetit te Burrelit, kishte mundur te largohej pas krimit nepermjet zonave malore, duke kaluar ne territorin e Tiranes. Por gjate ndjekjes eshte dorezuar pas nje operacioni. Agjentet e moren ne pyetje Liken, i cili mohoi akuzen e vrasjes me dashje te gruas se tij pas nje konflikti te hershem ne familje. “Nuk e kam vrare me dashje, por pa dashje. Isha duke pastruar me vaj automatikun kallashnikov, kur arma kreu nje qitje te pavullnetshme”, ka thene i dyshuari gjate rrefimit. Por ekspertet hodhen poshte pretendimet, duke thene se viktima eshte qelluar me bresheri dhe me tre plumba, ndersa 64-vjecari eshte larguar nga vendi i krimit. Ngjarja ndodhi ne rrugen “Pjeter Budi” te qytetit verior, brenda baneses se ciftit Lika, rreth ores 14:00 te se enjtes, ndersa dhjete ore pas arratise i dyshuari eshte kapur ne kryeqytet, ne perpjekje per t’u larguar jashte vendit. Lika ka pranuar akuzen e vrasjes se bashkeshortes dhe armembajtjes pa leje, por tha se krimi ishte kryer aksidentalisht. Ai eshte larguar pas ngjarjes me nje makine “Audi”, por ishte vetedorezuar ne Komisariatin nr. 4 ne Tirane.

Akuzat :

Vrasjes me paramendim
Armembajtje pa leje

I dyshuari :

Emri: Ibrahim
Mbiemri: Lika
Mosha: 64 vjec
Vendbanimi: Burrel

Titulli: Re: Kronikat .... Fri Dec 07, 2007 11:32 pm

Prangosen 3 vëllezërit për vrasjen e dyfishtë. Motra nuk hiqte dorë nga i dashuri

Policia ndalon vëllezërit Buci për ekzekutimin e motrës së tyre Nazife dhe të Granit Gjosit. Zhvillohen ceremonitë funerale të viktimave. Ja dëshmia e Urim Bucit...

DIBËR – Tre vëllezërit e akuzuar për vrasjen e motrës së tyre dhe të dashurit të saj janë prangosur më në fund nga policia. Pas ndalimit të Urim Bucit mbrëmjen e së mërkurës, gjatë ditës së djeshme policia ka ndaluar edhe dy të tjerët; Selmanin dhe Yllin, të cilët pritet të dalin para drejtësisë për vrasjen e dyfishtë, e cila është interpretuar si një krim për “motive morale”. Ndërsa dje dy familjet kanë nisur ceremonitë mortore për të rinjtë, Nazife Buci dhe Granit Gjosi, familja e këtij të fundit ka pohuar se ditët e fundit kishin rënë dakord për të shkuar në familjen e vajzës. Burimet policore bëjnë të ditur se i ndaluari i parë, Urim Buci, është shprehur se vrasja ka ndodhur për çështje nderi, por është hedhur poshtë versioni se çifti fatkeq është gjetur në banesë.
Arrestimet
Në Lurën e rrethuar nga bora, të tre vëllezërit Buçi e kanë pasur të vështirë largimin nga zona ditën kur vranë motrën e tyre dhe Granit Gjosin. Me t’u afruar në një magazinë, në afërsi të banesës së Gentin Gjosit, tre të vëllezërit Buci kanë qëlluar mbi 18-vjeçarin dhe motrën e tyre, duke i lënë të dy të vdekur. Menjëherë pas ngjarjes që ndodhi në qendër të fshatit, autorët janë larguar në drejtim të Mirditës. Por pa kaluar as 12 orë, Urimi është arrestuar. Pak orë më vonë, policia ndaloi edhe vëllain e dytë, Selmanin. Ylli Buci, 56 vjeç, është zbuluar dhe ndaluar dje në orën 16:40 në fshatin Pregje të Lurës, ku ai ndodhej i fshehur pas vrasjes. Në momentin e ndalimit është sekuestruar edhe një automatik model 56 me një krehër me fishekë dhe një krehër të boshatisur. Arma që i është gjetur, sipas policisë, do t’i nënshtrohet ekspertizës, pasi mendohet se është një nga armët që është përdorur në vrasjen e Nazife Bucit dhe Gentin Gjosit.
Sipas dëshmisë së Urimit, tre vëllezërit i kanë thënë motrës së tyre që të heqë dorë nga Graniti. Ata e kanë kërcënuar disa herë. “Madje edhe e kanë rrahur, por Nazifja nuk ka pranuar të hiqte dorë, duke u shprehur se edhe sikur të jepte jetën asgjë nuk do ta ndante nga i dashuri i saj”, - pohojnë burime në familjen e Granitit.
Ceremonia mortore
Edhe se kanë ëndërruar që të martoheshin së bashku dhe të kishin një jetë të lumtur mbi tokë, dy të rinjtë nga fshati Lurë Qendër në rrethin e Dibrës, tashmë prehen jo shumë larg njëri – tjetrit, në varrezat e zonës. Viktima e parë që është dërguar në banesën e fundit ka qenë Nazife Buci. Në orën 11:00 të paradites së djeshme është zhvilluar ceremonia funerale në varrezat e fshatit. Rreth 90 minuta më vonë, në orën 13:00, është dërguar në varreza edhe trupi i pajetë i Granit Gjosit. Forca të shumta policore kanë qenë të pranishme në këtë fshat, duke mbajtur situatën nën kontroll nga frika e ndonjë hakmarrjeje të mundshme të familjes së Gentianit. Ndërkohë që familja Buci, në ditën e vrasjes i kishte dërguar haber familjes Gjosi, në bazë të zakonit, që të lejonte lëvizjen e burrave të shtëpisë së familjes së 17-vjeçares deri në momentin e varrimit. Familja Buci ka marrë përgjigjen se ata do të lejoheshin që të kryen ritin mortor dhe më pas do të zbatojnë kanunin, duke iu kërkuar që të ngujohen në banesë.

7 Dhjetor 2007

Titulli: Re: Kronikat .... Sat Jan 12, 2008 3:59 pm

Burg perjete vrasesit te komisionereve
E Shtune, 12 Janar 2008

Vrasja e dy komisionereve ne Shkoder gjate zgjedhjeve te 29 qershorit 1997, i ka kushtuar burgim te perjetshem autorit Dede Stragut. Gjykata e Krimeve te Renda ka deklaruar fajtor, diten e djeshme, 55-vjecarin, qe nuk ka qene prezent ne sallen e gjyqit, pasi eshte i shpallur ne kerkim. Gjyqtarja Liljana Bako ka dhene denimin kapital per vepren penale te “vrasjes ne rrethana te tjera cilesuese”, ndaj Gjon Boges dhe Gjelosh Fierzes. Per armembajtje pa leje, Stragu eshte denuar me 3 vjet burg, ndersa eshte pushuar ceshtja per vepren penale te plagosjes me dashje.

Ne bashkim te vendimit per tre akuza, togat e zeza e kane denuar 55-vjecarin Dede Stragu me burgim te perjetshem. Sipas organit te akuzes, ngjarja, per te cilen akuzohet Stragu, ka ndodhur me 6 korrik te vitit 1997, ne qytetin e Shkodres, nje jave pas zgjedhjeve te pergjithshme. Ne dosjen e prokurorise thuhet se krimi ka ndodhur per shkak te nje konflikti te te pandehurit me dy bashkefshataret e tij ne Kuje, te komunes se Pultit. Grindja ka nisur pikerisht diten e zgjedhjeve, me 29 qershor te vitit 1997, kur i pandehuri Stragu ka qene anetar komisioni ne qendren e votimit, kurse Gjon Boga, nje prej viktimave, ishte nenkryetar.

Diten e ngjarjes, kryetari i komisionit eshte vonuar. Nenkryetari Gjon Boga ka qene dakord me nisjen e procesit zgjedhor, edhe pa pranine e kryetarit, nderkohe qe i pandehuri ka qene kunder nisjes se procesit. Ky debat i nisur ka cuar edhe ne nje sherr me fjale me te shara e me pas me grushte. Konflikti u duk sikur perfundoi pas largimit te te pandehurit nga qendra e votimit, por eshte kthyer ne tragjedi, pasi Stragu, sipas hetimeve, eshte rikthyer me nje arme te tip automatik. Viktime e bresherive kane mbetur Gjon Boga e anetari i komisionit, Gjelosh Fierza.

I denuari:
Dede Stragu, 55 vjec
Burgim i perjetshem

Viktimat:
Gjon Boga
Gjelosh Fierza

Akuzat:
Vrasje ne rrethana te tjera cilesuese
Vrasje me dashje ne rrethana te tjera cilesuese
Armembajtje pa leje

Titulli: Re: Kronikat .... Sat Jan 12, 2008 4:04 pm

Vetevaret me rrip e divorcuara
E Shtune, 12 Janar 2008

Divorci nje vit me pare ka cuar ne depresion dhe drejt aktit te veteflijimit nje 31-vjecare nga fshati Mbrostar, i rrethit te Fierit. Entela Hajdarasi eshte gjetur e vetevarur prej nuses se vellait ne dhomen e saj, ne katin e dyte te nje vile. Ngjarja ka ndodhur rreth ores 16:00 te pasdites se djeshme, nderkohe qe policia tha se motivi kryesor pas marrjes se deshmive te te afermve mbetet ai i depresionit pas divorcit te viktimes. Familjaret kane njoftuar policine, e cila ka shkuar ne vendin e ngjarjes, ku ka derguar trupin e pajete ne morgun e spitalit, per t’i kryer ekspertizen mjeko-ligjore. Entela jetonte ne banesen e nenes se saj, pas divorcit dhe prej nje viti kishte shqetesime mendore. Sipas policise, 31-vjecarja kishte marre rripin e pantallonave me qellim vetevarjen, duke hipur ne nje stol. Ne momentin final, ajo ka bertitur, duke vene ne levizje pjesetaret e shtepise, por ka qene teper vone, pasi dera ishte e mbyllur me kyc nga brenda. Familjaret arriten t’i vinin ne ndihme, duke i hequr rripin nga qafa, por dergimi ne spital ka qene i kote. Ata deshmuan se Entela kishte qene nje muaj e martuar, por eshte divorcuar per shkak te depresionit, ndersa nuk ka pasur femije.

Titulli: Re: Kronikat .... Sat Jan 12, 2008 4:04 pm

Perdhunimi i femijes, pranga 40-vjecarit

Nje 40-vjecar, nga Seman Sektor, i rrethit te Fierit, dyshohet se ka perdhunuar paraditen e djeshme nje nxenese te shkolles 9-vjecare te ketij fshati. Policia e Fierit tha mbreme se ka prangosur Vasil Kanen, pas denoncimit te kryer nga babai i nje vajze 13-vjecare. Burimet shtuan se 37-vjecari me iniciale R.K. u paraqit perpara ambienteve te Drejtorise se Policise se Qarkut te Fierit per te denoncuar abuzimet seksuale me vajzen e tij. Ne rrefimin e tij, ai ka saktesuar se gjithcka e ka treguar vete vajza, pas insistimit te prinderve. Nderkohe, mesohet se ne deklarimin paraprak perpara uniformave blu, 40-vjecari eshte shprehur se asgje nuk eshte e vertete dhe gjithe historia eshte e sajuar. Vasil Kane ka shtuar se denoncimi eshte nje kurth dhe ka ngritur gishtin mbi babane e vajzes, bashkefshatar i tij, si personin qe ka treguar nje histori te rreme per ta mbyllur ne qeli.

Denoncimi nga prindi me iniciale R.K. eshte paraqitur ne policine e Fierit rreth ores 15:30 te pasdites se djeshme. Babai ka treguar se vajza e tij, nxenese e klases se tete te shkolles se fshatit, eshte perdhunuar nga 40-vjecari, i cili fillimisht e ka mashtruar per ta terhequr ne nje qoshe larg syrit te banoreve te fshatit. Vajza ka mberritur ne banese ne gjendje shoku. Fillimisht, ajo nuk ka pranuar te tregoje asgje. Por kembengulja e prinderve ka bere qe vajza “te zberthehet”, duke treguar gjithcka, duke perfshire edhe kercenimet e perdhunuesit ne rast se do te tregonte. Babai ka treguar se me te marre rrefimin e vajzes, ai eshte nisur per ne qytetin e Fierit, ku paraqiti denoncimin.

Nje furgon i grupit te gatshem eshte nisur drejt fshatit qe ndodhet rreth 17 kilometra larg qendres administrative. Vasil Kane, i martuar dhe me dy femije, eshte prangosur ne oret e para te mbremjes ne nje nga rruget e fshatit, prane baneses se tij. Burime nga Drejtoria e Policise se Qarkut te Fierit bejne te ditur se mbi 40-vjecarin rendon akuza e “marredhenieve seksuale me dhune me te mitura”, veper per te cilen do te perballet se shpejti me togat e zeza.

Titulli: Re: Kronikat .... Sat Jan 12, 2008 4:05 pm

Hakmarrja ndaj prinderve, vetehelmohet 24-vjecari

Nje 24-vjecar, nga qyteti i Cerrikut, ka vendosur te hakmerret ndaj prinderve te tij, duke u vetehelmuar me fostoksine. Burime te policise bene te ditur dje se 24-vjecari Fatjon Th., ka pire helm te llojit fostoksine dhe aktualisht ndodhet i shtruar ne spitalin kirurgjik te Elbasanit, ne gjendje te rende per jeten. Po sipas ketyre burimeve, mesohet se rreth ores 07:30 te mengjesit te djeshem, 24-vjecari ishte grindur me prinderit e tij, per arsye qe ende nuk dihen. Pas kesaj grindjeje, ai ka vendosur te vetehelmohet, me qellim qe t’i jape fund jetes. Fatmiresisht kane qene familjaret, ata qe e kane transportuar menjehere 24- vjecarin ne spitalin kirurgjik, ku edhe i eshte dhene ndihma e menjehershme nga ana e mjekeve. Ne vendin e ngjarjes ka shkuar edhe grupi hetimor, i cili po heton per zbardhjen e rrethanave te kesaj ngjarjeje.

Titulli: Re: Kronikat .... Sat Jan 12, 2008 4:06 pm

Gjykata, burg per kasapin e Ballshit
E Shtune, 12 Janar 2008

Fier :
- Gjykata e Rrethit te Fierit ka vendosur te lere ne burg pa afat Florian Brakaj, 50-vjecarin e akuzuar per vrasjen e tri diteve me pare ne Ballsh te 31-vjecarit Sadush Hyskaj. Trupi gjykues degjoi pretendimet e te akuzuarit, i cili deklaroi se krimin e ka kryer per vetembrojtje, pasi ishte sulmuar nga viktima dhe kusheriri i tij. Mbrojtja kerkoi nje mase te bute sigurie, ndersa prokurori i ceshtjes, Genci Mane, eshte shprehur se i pandehuri paraqet rrezikshmeri shoqerore dhe nuk mund te lihej i lire. Ne perfundim te seances, gjyqtari Fatri Islamaj vendosi te konsideroje te arsyeshme kerkesen e akuzes, duke lene ne burg kasapin 50-vjecar, deri ne perfundim te hetimit gjyqesor.

Titulli: Re: Kronikat .... Mon Jan 14, 2008 7:32 pm

Plumba ne rulete, plagoset 17-vjecari
E Hene, 14 Janar 2008

Nje 17-vjecar nga qyteti i Lushnjes eshte plagosur mbremjen duke u gdhire dita e djeshme pas nje grindjeje per motive banale. Policia e ketij qyteti beri te ditur dje se Ervin Xh. ndodhet i shtruar ne spitalin e Lushnjes jashte rrezikut per jeten, ndersa eshte ndaluar 22-vjecari Ardit Kercuku. Sipas deshmitareve ne vendngjarje, dy te rinjte kane qene duke luajtur ne nje lokal me lojera fati, prone e Dush Beges, prane stadiumit “Roza Haxhiu”. Dy te rinjte fillimisht kane debatuar ne lidhje me fituesin e nje loje, ndersa grindja ka degjeneruar ne sharje dhe kercenime reciproke.

Policia beri te ditur dje se 22-vjecari Ardit Kercuku ka rendur ne shtepi dhe ka marre nje pistolete tip “TT”, qe mbante pa leje. Rreth ores 21.00 te mbremjes, duke u gdhire dita e djeshme, me armen ne dore ai eshte shfaqur ne lokalin ku 17-vjecari vazhdonte te luante. Nga tyta e ftohte kane dale dy plumba, te cilet e kane kapur Ervin Xh. ne shpatull. Adoleshenti eshte derguar me te shpejte ne spitalin e qytetit, ndersa atentatori eshte zhdukur ne rrugicat e lagjes, duke perfituar nga erresira e mbremjes. Uniformat blu jane vene ne kerkim te 22-vjecarit te dyshuar si autor i krimit, por Ardit Kercuku ate nate nuk ka shkuar ne shtepi. Rreth ores 10.00 te paradites se djeshme ai eshte ndaluar ne nje nga rrugicat e qytetit te Lushnjes dhe eshte derguar ne ambientet e komisariatit te ketij qyteti. Burime nga uniformat blu bejne te ditur se 22-vjecari ka pranuar autoresine e krimit, ndersa te gjitha provat konfirmojne dyshimet e policise. Ai akuzohet per “tentative vrasje” dhe armembajtje pa leje, ndersa ne ditet e ardhshme pritet vendimi i Gjykates se Rrethit te Lushnjes ne lidhje me masen e sigurise.

Titulli: Re: Kronikat .... Mon Jan 14, 2008 7:32 pm

Perdhunoi shqiptaren, kapet italiani
E Hene, 14 Janar 2008

TARANTO - Nje italian eshte vene ne pranga, pasi akuzohet per perdhunimin e disa prostitutave mes te cilave dhe nje shqiptare. Policia pas disa muaj hetimesh tha dje se ka mundur te vere ne pranga Umberto Basile, 27 vjec, nga Lizano, i arrestuar dhe marsin e kaluar, per tentative vjedhjeje. Te gjitha perdhunimet qe dyshohet se jane kryer nga Basile, kane ndodhur ne pjesen e dyte te vitit 2007, duke nisur nga muaji tetor, ne Kalenzano te Toskanes. Sipas policise, i arrestuari deri tani akuzohet per perdhunimin e nje vajze shqiptare dhe dy rumuneve. Policia beri te ditur se mbi 27-vjecarin rendojne akuzat e “perdhunimit”, “pervetesim te titujve”. “Basile ka perdhunuar nje 25-vjecare shqiptare dhe dy 21-vjecare rumune, ngjarje te ndodhura ne muajt tetor dhe nentor te vitit 2007”, - tha policia. Ajo shtoi e i dyshuari i mashtronte vajzat deri ne momentin qe ngjiteshin ne makinen e tij, me pas i detyronte qe te benin seks me te, pa i paguar. Por denoncimet e bera nga viktimat kane bere qe te nisnin hetimet dhe pas disa muaj hetimesh, 27-vjecari Umberto Basile, nga Taranto, eshte vene ne pranga. Ai eshte duke u hetuar dhe per ngjarje te tjera ne kete zone, qe kane ngjashmeri me tre rastet te cilet jane te provuar.

Titulli: Re: Kronikat .... Mon Jan 14, 2008 7:33 pm

Digjet banesa 300-vjecare, rrezikohet lagjja karakteristike
E Hene, 14 Janar 2008

Zjarri i rene dje ne lagjen “Varosh” ne qytetin e Gjirokastres ka shkrumbuar plotesisht nje banese te gurte karakteristike 300-vjecare. Rreth ores 16.30 flaket kane perfshire shtepine e gurte te Koloit, objekt i shpallur “monument kulture”. Prej vitesh kjo banese ishte plotesisht e braktisur dhe ne te nuk jetonte njeri. “Pasi morem njoftimin ne mberritem menjehere ne kete pjese te qytetit per te lokalizuar zjarrin”, thote shefi i repartit zjarrfikes te Gjirokastres, Lefter Qirici. Zjarrfikesit, te ndihmuar edhe nga banoret e lagjes “Varosh”, kane filluar punen per shuarjen e zjarrit. Nderkohe flaket, qe kishin perpire shtepine e gurte tri katershe, rrezikonin te perhapeshin edhe ne banesat e tjera ngjitur me te. Per vete profilin arkitektonik te lagjes “Varosh” banesat jane prane njera-tjetres, cka rrezikonte qe flaket e zjarrit te perhapeshin nga shtepia e Koloit ne drejtim te banesave te tjera, fqinje me te.

Ne lagjen “Varosh” ka mberritur mbreme edhe prefekti i Gjirokastres, Spiro Ksera, nderkohe qe ne ndihme te zjarrfikesve jane vendosur edhe efektivat e policise se Gjirokastres. “Duke pare specifiken e vatres se zjarrit ne fillimisht u perpoqem te lokalizonim ate per te shmangur perhapjen e flakeve ne banesat e aferta”, thote njeri prej zjarrfikesve, pjesemarres ne operacionin per shuarjen e flakeve. Nepermjet dy autoboteve zjarrfikesit kane bere shkeputjen e catise karakteristike, te ndertuar me skelet druri dhe pllaka ngjyre hiri nga banesat ngjitur me te. Sipas eksperteve te policise, shkak i kesaj vatre zjarri ka qene loja ne mjediset e brendshme te saj e nje grupi femijesh. Duke qene se banesa ishte e braktisur ajo perdorej nga femijet e lagjes per lojerat e perditshme te tyre. Duket se ne nje moment zjarri loja e femijeve ka shkaktuar vatren e zjarrit, e cila ka shkrumbuar banesen “monument kulture”, nderkohe qe ka rrezikuar edhe shtepite e tjera te lagjes.

Titulli: Re: Kronikat .... Mon Jan 14, 2008 7:57 pm

Lushnjë, plagoset rëndë 17-vjeçari
14/01/2008 Sherr mes dy adoleshentëve

Një plagosje me armë zjarri është regjistruar në orët e vona të mbrëmjes së djeshme në qytetin e Lushnjës. Një 17-vjeçar është qëlluar me pistoletë TT në një nga lokalet e lojërave të fatit pranë stadiumit të futbollit në këtë qytet.
Një grindje banale për shkak të një prej lojërave të fatit në lagjen “Kadri Qystri” të qytetit të Lushnjës ka degjeneruar në një plagosje të rëndë me pistoletë.

Edi Kërçuku, 22 vjeç, banues në Lushnjë ka shkuar në një nga lojërat e fatit pranë stadiumit të futbollit “Roza Haxhiu” dhe në lojë e sipër, pasi është grindur me fjalë fyese me një 17-vjeçar Elton Xhafa, ka shkuar me shpejtësi në shtëpi dhe ka marrë armën e zjarrit pistoletën TT dhe pasi është kthyer sërish te lojërat e fatit ka qëlluar mbi Elton Xhafën, duke e plagosur rëndë atë.

I plagosuri është dërguar menjëherë në spitalin civil të Lushnjës dhe pas përpjekjes të shumta të bluzave të bardha pohohet se është jashtë rrezikut për jetën, ndonëse në gjendje të rëndë shëndetësore.
Në vendngjarje kanë shkuar forca të policisë së Lushnjës, të cilat sipas hetimeve paraprake identifikuan autorin.
Autori është kapur nga forcat e rendit dhe ato kriminale vetëm rreth orës 10.00 të ditës së djeshme pranë shtëpisë së tij.
Ai është dërguar në dhomat e izolimit të komisariatit të
policisë së Lushnjës, ndërkohë që materialet iu kaluan Prokurorisë së rrethit për veprime të mëtejshme.

Titulli: Re: Kronikat .... Mon Jan 14, 2008 7:59 pm

“Bishti i Zhurit” kap prostitutën
14/01/2008 Pranga edhe për kamerieren dhe pronarin

Pronari dhe kamerierja e një lokali në Rrogozhinë u arrestuan, pasi mbanin si prostitutë në këto ambiente një vajzë 18 vjeçe. Seksioni i Luftës kundër Trafiqeve dhe ai i Luftës kundër Krimit të Organizuar në Policinë e Tiranës, në bashkëpunim me komisariatin e Kavajës, finalizuan me sukses operacionin e koduar “Bishti i Zhurit 2”, ku u mundësua arrestimi në flagrancë i tre shtetasve për “Mbajtje të lokalit për prostitucion”, dhe “Shfrytëzimit për prostitucion në bashkëpunim”. Në pranga ka rënë Bujar Gjuzi, 48 vjeç, lindur dhe banues në Rrogozhinë, i dënuar më parë për “Shfrytëzim prostitucioni dhe mbajtjes të lokalit për prostitucion”; Kaje Rustemi, 29 vjeçe, lindur dhe banuese në Tiranë, kameriere në këtë lokal dhe prostituta Amarilda Habibaj, 18 vjeçe, lindur dhe banuese në Tiranë. Arrestimi i tyre u bë pasi dje, rreth orës 13.30, u kapën në ambientet e hotel “Pishat” në Rrogozhinë, ku Amarilda Habibaj u kap në flagrancë duke ushtruar prostitucion kundrejt shumës së parave prej 5.000 lekësh. Pas hetimeve u konkludua se klientët i siguronte pronari i lokalit, shtetasi Bujar Gjuzi dhe kamerierja Kaje Rustemi. Në cilësinë e provës materiale u sekuestruan shuma e parave prej 44.700 lekë, 300 euro, dy telefona celularë, një armë gjahu me nr. 9249402, 30 fishek çifteje që i mbante pa leje, një komplet thikash dhe një sëpatë.

Titulli: Re: Kronikat .... Mon Jan 14, 2008 8:00 pm

“Arrest me burg” për “Inaugurimin”
14/01/2008 Gjykata për të ndaluarit

Kapen në flagrancë me një sasi të konsiderueshme lëndë narkotike, marrin nga gjykata masën e sigurimit “Arrest me burg”. Vendimi u dha dje në mesditë nga gjyqtarja Blerina Muça. Marius Sulaj, Migen Mele, Romeo Kio dhe Elton Dodo, janë të pandehurit që dje mbetën në burg, pas kërkesës së prokurorit dhe vendimit të gjykatës së shkallës së parë Tiranë. Katër të pandehurit e arrestuar në kushtet e flagrancës nuk e pranuan akuzën në gjykatë. Megjithatë, bëhet e ditur se asnjë prej tyre nuk ka dhënë sqarime të mëtejshme, duke ia lënë në dorë avokatëve mbrojtës. Avokatët i thanë gjykatës se klientët e tyre nuk kanë patur dijeni për sasinë e gjetur në lokal, ndërkohë që u shfajësuan me faktin se kanë qenë që të gjithë të pranishëm për inaugurimin e ambientit. Katër të ndaluarit, që dje morën masën e sigurimit nga gjykata, janë nga Erseka dhe Fieri. Mësohet se tre prej tyre janë të afërt dhe kanë bashkëpunuar për marrjen e lokalit me qira. Nga ana e tij, prokurori i çështjes tha para gjyqtares Blerina Muça se të pandehurit janë kapur në kushtet e flagrancës dhe në këtë mënyrë nuk ka asnjë pengesë ligjore për t’i lënë në arrest me burg. Ata akuzohen për veprën penale të “Prodhim dhe shitje të lëndëve narkotike” dhe “Përshtatje të lokaleve për përdorim droge”. Shtetasit Marius Sulaj, Migen Mele, Romeo Kio dhe Elton Dodo u arrestuan në kushtet e flagrancës, para tri ditësh, nga Policia e Tiranës.

Titulli: Re: Kronikat .... Mon Jan 14, 2008 8:01 pm

Tutorët shqiptarë prangosen në Shqipëri
14/01/2008 Të kërkuar në Itali

Nënshkrimi i marrëveshjes së ekstradimeve mes Shqipërisë dhe Italisë mundësoi prangosjen e tre shqiptarëve, për llogari të shtetit italian. Burimet e policisë thanë se në kuadër të operacionit “Adriatik 2008”, nga Drejtoria e Policisë së Qarkut Fier në bashkëpunim me Prokurorinë e Rrethit Gjyqësor Fier, është bërë e mundur kapja dhe ndalimi i shtetasve Albert Kurti, 35 vjeç, lindur dhe banues në Fier, me arsim të mesëm, i padënuar më parë dhe Gëzim Komini, 36 vjeç, lindur dhe banues në Fier, me arsim të mesëm, i padënuar më parë. Ndalimi i tyre është bërë pasi Gjykata e Apelit për Krimet e Rënda Itali, me vendimin nr. 18/04, datë 21.04.2004 i ka deklaruar fajtorë për veprat penale të “Pjesëmarrjes në organizatë kriminale” dhe “Shfrytëzim prostitucioni”, pasi në periudha të ndryshme kohore kanë ushtruar aktivitet kriminal në shtetin italian. Në bazë të vendimit të gjykatës, shtetasi Albert Kurti është dënuar me 7 vjet burg dhe 25.400 euro gjobë, ndërkohë që shtetasi Gëzim Komini është dënuar me 6 vjet e 6 muaj burg si dhe 25.400 euro. Gjithashtu, në kuadër të këtij operacioni është ndaluar shtetasi në kërkim

Leonard Avdia, 29 vjeç, lindur dhe banues në Fier, me arsim 8 klasë, i padënuar më parë. Në datën 31.10.2007 është dënuar me 10 vite burgim për veprën penale të “Trafikimit të femrave për prostitucion”.

Titulli: Re: Kronikat .... Mon Jan 14, 2008 8:11 pm

Grinden në lokal, qëllon me pistoletë
14/01/2008 Arrestohet autori

Janë grindur 24 orë më parë në një nga lokalet e lagjes “11 Shkurti”, për arsye banale dhe në kushtet e konsumit të tepërt të alkoolit, ndërsa më pas nuk kanë kursyer as plumbat e një pistolete për shokët e tavolinës.

Ngjarja e pazakontë që ka tronditur opinionin e këtij qyteti, i cili ka vite që nuk ka dëgjuar ngjarje të tilla, ka ndodhur paraditen e djeshme rreth orës 10.30 minuta, në vendin e quajtur Kthesa e gjimnazit, në rrugën që të çon për në spitalin e qytetit. Burime të policisë që i referohen lajmit, thanë për gazetën se në mbrëmjen e ditës së shtunë, në një lokal që ndodhet në qendër të lagjes “11 shkurti”, grupi i përbërë prej 4 vetash ku kanë qenë at e bir Vangjel e Majrues Pando 47 e 21 vjeç, si dhe Taulant Hoxha e Adriatik Kundja 21 e 23 vjeç, kanë qenë të ulur në lokalin në fjalë dhe në një tavolinë tjetër kanë qenë Ervin e Dritan Nuku si dhe Albian Licaj e Elton Masati.

Të dy grupet e djemve gjatë qëndrimit në lokal kanë konsumuar alkool dhe në një moment kanë filluar të grinden me njëri-tjetri dhe më pas grindja ka degjeneruar në grushte.

Burimet policore thanë se në paraditen e djeshme, rreth orës 10.30 minuta, Vangjel dhe dhe Majrues Pando si dhe Taulant e Adrian Kundja, të hipur në një makinë tip benz gri me targa të Kuçovës, kanë ndaluar në afërsi të lagjes ku ndodhi sherri dhe sapo kanë parë grupin e 4 djemve kundërshtarë, kanë ndaluar dhe Majrues Pando ka dalë nga makina me një pistoletë tip TT e ka qëlluar drejt tyre dy herë, por i është bllokuar arma dhe “kundërshtarët” kanë shpëtuar.

Forcat e policisë, të cilat kanë identifikuar menjëherë autorët e kësaj ngjarjeje, janë vënë në ndjekje të tyre dhe kanë arritur të arrestojnë menjëherë autorin e këtij atentati, si dhe të bllokojnë edhe pistoletën e tij.

Titulli: Re: Kronikat .... Tue Jan 15, 2008 7:04 pm

Zvicer, pranga 5 shqiptareve per droge
E Marte, 15 Janar 2008

Zyrih :
- Policia zvicerane ka arrestuar pese shqiptare te dyshuar si trafikante te drogave te renda ne Zyrih, pas nje operacioni te zhvilluar dy dite me pare. Agjentet arriten qe te sekuestronin 1,2 kg heroine, 70 gr kokaine dhe 1,5 kg perzieres per narkotikun. Gjate kontrollit fizik shqiptareve, emrat e te cileve nuk u bene publik, u gjeten edhe 7 mije franga dhe telefona celulare. Fillimisht policet ndaluan njerin prej shqiptareve qe transportonte 120 gr heroine ne nje cante. Me pas kane zbarkuar ne nje apartament ne Zyrih ku banonte i dyshuari. Aty eshte zbuluar pjesa tjeter e narkotikut dhe sendeve te dyshimta, pasi aty qendronin edhe kater shqiptare te tjere. Aktualisht, tre prej shqiptareve gjenden perballe akuzes se rende te trafikut te droges, ndersa dy te tjeret jane nen hetim si te dyshuar per fshehje te krimit dhe bashkepunim ne aktivitet te paligjshem.