Te reja nga bota e Vipave *****

Titulli: Te reja nga bota e Vipave ***** Thu Oct 04, 2007 6:17 pm

Ndërroi jetë Luçiano Pavaroti

Tenori italian i rangut botëror Luçiano Pavaroti, ndërroi jetë të enjten në mëngjes në moshën 71 vjeçare, lajmëroi menaxheri i tij.

Pavaroti ishte i sëmurë nga kanceri në pankreas, ndërsa ka ndërruar jetë në shtëpinë familjare, në qytetin italian Modena.

Këngëtari me famë botërore u hospitalizua për shkak të etheve më 8 gusht, ndërsa dy javë më vonë e braktisi spitalin.

Në korrik të vitit 2006 në një spital në Nju-Jork, Pavaroti u operua nga kanceri në pankreas dhe prej atëherë nuk kishte paraqitje.

Për shumë njerëz, Pavaroti ishte një ndër tenorët më të mëdhenj të gjeneratës së vet.

I lindur në Modena, Italinë veriore, më 12 tetor të vitit 1935, paraqitjen e tij debituese e mbajti në moshën 26-vjeçare në operën në Rexho Emilia, në konkursin për këngëtarë të rinj operistik. U paraqit si Rodolfo në "Boemë" nga Xhakomo Puçini.

Në korrik të vitit 1967 për herë të parë mori pjesë në Metropolitan operën prestigjioze në Nju-Jork.

Do të mbeten në kujtime edhe me koncertet e tij me pop dhe rok muzicientë të njohur, si dhe paraqitjet e tij me Hose Karerasin dhe Plasido Domingon, në turneun botëror të tre tenorëve më të famshëm botëror.

Pavaroti prej dy martesave la pas vetes katër vajza, prej të cilave më e reja është katër vjeçe.

Për herë të fundit mori pjesë në ceremonialin e hapjes së Lojërave Dimërore Olimpike në Torino, në shkurt të vitit 2006.

Titulli: Re: Te reja nga bota e Vipave ***** Sat Dec 08, 2007 6:13 pm

Ermira Babaliu, rikthim pas 12 vjetesh ne "Bylis"
E Shtune, 08 Dhjetor 2007

Koncertin e fundit, para se te ikte ne Amerike, gati 12 vjet me pare, e ka dhene per qytetaret fierake, te cilet i konsideron nje publik mjaft mikprites dhe te ngrohte. Ndaj dhe ne kete kthim te saj te perkohshem ne atdhe, kengetarja e njohur e muzikes se lehte, shqiptarja Ermira Babaliu nuk kishte si ta harronte publikun e ketij qyteti. Koncerti u mbajt mbreme ne kinoteatrit "Bylis" ne Fier dhe e emocionuar, pak ore para koncertit tregon se "eshte gati te dale perpara publikut fierak". Prej vitesh ne SHBA, ajo pos punes dhe familjes tregon se, pasioni per kengen shqiptare dhe ne vecanti per ate korcare nuk eshte shuar. Ndaj edhe ka dhene disa koncerte per shqiptaret qe jetojne ne SHBA. Po pse ka zgjedhur pikerisht Fierin per te dhene kete koncert te saj ne Shqiperi. Babaliu rrefen se, "shume qytete si Elbasani, Librazhdi, Fieri, Korca, Tirana, me kane bere ftese per koncerte, por koha shume e shkurter nuk me premton. Por nuk mund te refuzoja ftesen e bere me shume ngrohtesi nga kryebashkiaku i Fierit. Koncertin e fundit para se te ikja ne Amerike e kam dhene per qytetaret fierake". Ndersa tregon se, "e reja eshte nje album, per te cilin jam duke punuar. Me baze shqiptare, te ndertuar me ritmet moderne te kohes".

Titulli: Re: Te reja nga bota e Vipave ***** Sat Dec 08, 2007 6:14 pm

Kristaq Skrami thyen heshtjen
E Shtune, 08 Dhjetor 2007

Skrami thyen heshtjen!
Paraditen e djeshme, drejtori i Teatrit Kombetar, Kristaq Skrami, ka dale ne nje konference "te detyruar" per mediat, duke thene: "per perbaltjen qe po hidhet mbi institucionin me te rendesishem kombetar te teatrit". Pikerisht nga Hervin Culi. "Aktoret e TK-se jane te indinjuar, te fyer thellesisht nga kjo perbaltje qe po i behet ketij institucioni, pikerisht ne momentin qe po perjeton periudhen e tij me te suksesshme te ketyre viteve te fundit. Gjate gjithe sezonit, TK ka qene perballe spektatorit me cilesi artistike. "Pamje nga ura" eshte kulmi i ketij suksesi", u shpreh ai. Duke vijuar me tej, Skrami u shpreh se "eshte rruga ligjore ajo qe kam zgjedhur per kete fyerje qe kam zgjedhur per kete perbaltje qe po i behet institucionit. Para 1 muaj, kam deponuar ne gjykate nje padi ndaj Hervin Culit per shpifje dhe fyerje ndaj administrates dhe TK per vjedhje dhe akuzime. Pas nje letre derguar ne MTKRS erdhi kontrolli, i cili pas kontrollit te veprimtarise financiare dhe me 5 nentor 2007 ka sjelle raportin mbi auditimin". Raport i cili eshte pozitiv dhe nuk tregon shkelje, per te cilat akuzohet administrata e teatrit. Gjyqi mes Culit dhe TK-se do te mbahet me 15 janar 2008.

Titulli: Re: Te reja nga bota e Vipave ***** Sat Dec 08, 2007 6:15 pm

Dhjete personalitete, me zgjedhje populiste
08 Dhjetor 2007

Te gjithe ata qe kane mirembajtur nje rruge, kane strehuar nje te varfer, apo kane dhene kontribut per zhvillimin e Tiranes, do te mund te propozohen per t'u shpallur "personaliteti i vitit". Gjithsej do te shpallen 10 te tille, qe te gjithe fale propozimit te bere nga njerez te zakonshem. Sepse ne fakt, te zakonshem do te jene edhe te zgjedhurit. Sipas keshilltares per Marredheniet me Publikun ne Bashkine e Tiranes, Belinda Balluku, projekti me i ri i ketij institucioni ia ka lene ne dore popullit te Tiranes qe te shfaqe vleresimin qe ka per cdo figure.

Nje nisme e tille do te funksionoje ne forme konkursi. E vecanta eshte se per here te pare, zgjedhja behet nga populli. Jo me njerez te quajtur VIP, por njerez teper te thjeshte qe ne fakt bejne gjera te medha. Balluku, beri te ditur dje ky projekt, ashtu si dhe shume te tjera qe Bashkia e Tiranes organizon, synon kthimin ne tradite te ketij evenimenti, ku do te promovohen 10 personalitetet me te rendesishem te vitit, qofshin keta te njohur dhe jo vetem, mjafton qe me vepren e tyre t'i kene ofruar komunitetin kryeqytetas dicka te vecante e sigurisht te rendesishme. Sipas keshilltares Balluku, bashkia eshte e hapur per te pritur propozime duke filluar nga dita e djeshme e deri me 20 dhjetor, e cila eshte dita e fundit e pranimit te tyre. "Nga data 21 dhjetor te dhenat e mbledhura do t'i dorezohen nje jurie te perbere nga personalitete te njohura, por edhe nga nje noter, i cili do te siguroje vertetesine e procesit", u shpreh Balluku gjate lancimit te ketij projekti. Pas gjithe kesaj, me date 28 dhjetor, ne nje mbremje te organizuar posacerisht ne nder te "10 Personaliteteve te Vitit 2007", Bashkia e Tiranes do te shpalle rezultatet. Ajo u ka uruar suksese te gjithe qytetareve qe kane pasur guximin dhe aftesine t'i ofrojne Tiranes me shume ne rrugen e saj evropiane.

Duke filluar nga data 6 dhjetor, te gjithe qytetaret e interesuar jane te ftuar te dergojne prane Bashkise se Tiranes, propozimet e tyre per "10 Personalitetet e Vitit 2007", ne tre menyra. E para eshte metoda elektronike. Keshtu, ata qe e ndiejne te vlefshme te bejne nje propozim mund ta dergojne ne adresen 10@tirana.gov.al, e cila funksionon duke filluar nga dita e djeshme. Menyra tjeter eshte dergimi me poste ne adresen: Drejtoria e Marredhenieve me Publikun, Bashkia Tirane, Bulevardi "Deshmoret e Kombit", Tirane. Ndersa menyra e trete eshte dorazi, prane Zyres se Informimit Qytetar, Bashkia e Tiranes. Belinda Balluku ka terhequr vemendjen se prane cdo emri te propozuar duhet te vendoset arsyeja per te cilen e keni perzgjedhur dhe ka kujtuar se nje person mund te propozoje vetem 10 apo me pak emra, por jo me shume.

» Te reja nga kultura ....
» Te Reja Nga Bota
» Botimet e reja te javes
» MASH: Ja rregullat e reja per maturen 2008-te