Burg Per Dy Vellezerit Selimi

Titulli: Burg Per Dy Vellezerit Selimi Sun Nov 18, 2007 9:51 pm

Gjykata, burg për dy vëllezërit Sinani

17 November 2007

“Arrest në burg” është masa e sigurisë që ka vendosur Gjykata e Krimeve të Rënda për dy vëllezërit Vladimir dhe Nestor Sinani, të akuzuar si pjesëmarrës në masakrën e Qafë- Gjashtës dhjet vjet më parë. Dy vëllezërit ishin dy të arrestuarit e fundit që janë përballur me togat e zeza, por nuk kanë pranuar akuzën madje kanë preferuar të mos japin asnjë shpjegim në seancën e masës së sigurisë. Të arrestuari të bashkëpunëtorë të tyre janë njohur me masën e arrest ditë më parë pasi prokuroi i çështjes ka kërkuar që vlerësimi i masës për të dyshuarit të bëhet veçmas për shkak të hetimeve.Dy vëllezërit Sinani, Eduard Cipa, Alqi Paguni dhe Edmond Sejko do të qëndrojnë në qeli deri në përfundim të hetimeve për masakrën e Qafë Gjashtës në vitin 1997 kur një polic u torturua dhe u dogj i gjallë.

Seanca
Kanë preferuar të mos japin asnjë shpjegim para togave të zeza në lidhje me masakrën e Qafë Gjashtës edhe pse në një kasetë filmime që disponon prokuroria shfaqen qartë imazhet e dy vëllezërve të arrestuar. Vladimir dhe Nestor Sinani janë paraqitur ditën e djeshme në Gjykatën e Krimeve të Rënda për tu njohur me akuzat dhe masën e arrestit. Prokurori i çështjes i kërkoi togave të zeza vlerësimin si të rregull dhe lënien në qeli të dy të arrestuarve. Ndërsa në cilësinë e provës materiale ka paraqitur një kasetë filmime, ku për veç dy vëllezërve Sinani perceptohen qartë dhe tre të arrestuarit e tjerë si autor të masakrës ku u masakrua dhe u dogj i gjallë një polic. Ndërkohë avokatët kërkuan një masë më të lehtë sigurie për të arrestuarit, por gjykata pasi ka dëgjuar pretendimet e palëve vendosi të lerë në qeli deri në përfundim të hetimeve dy të arrestuarit.

Ngjarja
Ngjarja daton më 4 mars 1997, kur një grup të rinjsh i kanë bërë pritë një makine, me të cilën udhëtonin tre oficerë policie. Njëri prej tyre, Gjergj Mehmeti u ekzekutua dhe u dogj brenda automjetit, një tjetër oficer u mbajt peng për disa dite për t’u liruar më vonë, ndërkohë që i treti mundi të largohej nga vendi i ngjarjes, edhe pse i plagosur. Vetëm tre ditë pas fillimit të trazirave në rrugën mes Sarandës dhe Qafës së Gjashtës është djegur oficeri i policisë nga Tepelena, Gjergji Mehmeti. Ai bashkë me tre shokë të tjerë, Sokol Bizhgën, ish-shef i Krimeve në Vlorë, Edi Alia, oficer policie nga Vranishti i Vlorës dhe një polic tjetër kanë udhëtuar drejt Sarandës me një makinë tip Benz. Ishte koha kur Saranda ishte shkatërruar e djegur, kur ishin rrëmbyer armët, kur komisariati i policisë nuk ekzistonte, kur ishin këputur të gjitha lidhjet me shtetin dhe bëheshin përpjekje për ta ndalur rebelimin dhe për ta normalizuar atë. Ata janë diktuar tek po udhëtonin me makinë dhe janë ndalur Me sa dihet ata kanë pasur si qëllim që të udhëtojnë në jug, të vëzhgojnë gjendjen dhe të shikoheshin mundësitë e ringritjes së komisariatit. Pasi janë diktuar në të dalë të Sarandës, janë ndaluar dhe urdhëruar që të dalin nga makina. Një person ka futur kokën në makinë, ndërkohë një nga policët ka qëlluar në ajër dhe personat e ndodhur atje janë larguar në drejtim të pishave. Postblloku i dytë afër karburantit fare pranë atij të parit është lajmëruar dhe makina është qëlluar direkt në ecje. U plagos Gj. Mehmeti dhe një polic tjetër. S.Bizhga bashkë me policin e plagosur kanë dalë nga makina, duke qëlluar me automatik dhe u larguan. Siç mësohet, një person që ka kaluar me motor ka hedhur një granatë mbi makinë. Gjergj Mehmeti mbeti në këtë pritë i vrarë. Ish- polici u vra më 4 mars të 1997 në Qafë Gjashtë, Sarandë.

Hetimet
Gjashtë persona janë të shpallur në kërkim nga Policia e Shtetit të dyshuar si autor të masakrës së ndodhur në 4 mars të vitit 1997, ku humbi jetën një efektiv policie, Gjergj Mehmeti dhe ngelën të plagosur dy të tjerë. Ministria e Brendshme në një konferencë për shtyp bëri të ditur dje identitet e pesë personave të arrestuar, gjatë operacionit "Mars". Sipas të njëjtave burime mësohet se tashmë janë shpallur në kërkim dhe gjashtë persona të tjerë, të cilët dyshohet se janë pjesëmarrës në masakrimin e efektivit të policisë. Për gjashtë personat e shpallur në kërkim, janë lëshuar urdhër-arrestet e Prokurorisë së Krimeve të Rënda. Sipas burimeve nga organi i akuzës ato akuzohen për disa vepra penale. Ndërkohë burimet zyrtare pohojnë se ata janë larguar gjatë operacionit të policisë dhe dyshohet se janë njoftuar nga persona që kanë qenë në dijeni për operacionin, apo familjarët e të arrestuarve. Burimet zyrtare nga Ministria e Brendshme kanë bërë të ditur dhe identiteti i pesë të arrestuarve. Sipas zëdhënësit të kësaj ministrie mësohet se në pranga janë vënë, Vladimir Sinani, 52 vjeç, Nestor Sinani, 50 vjeç, Alqi Paguni, 36 vjeç, Edmond Sejko, 36 vjeç dhe Eduart Çipa, 37 vjeç, të gjithë të lindur dhe banues në qytetin e Sarandës, ku ndodhi dhe masakra e 4 marsi, të dhjetë viteve më parë, ku ngeli i vdekur punonjësi i policisë Gjergj Mehmeti dhe është mbajtur peng e torturuar ish punonjësi i policisë Eduart Aliaj. Ndërkohë që gjatë kontrollit të banesës së të arrestuarit Edmond Sejko janë gjetur dhe sekuestruar një pistoletë tip TT si dhe dy granata dore.

Në pranga
Vladimir Sinani, 52 vjeç, nga Saranda
Nestor Sinani, 50 vjeç, nga Saranda
Alqi Paguni, 36 vjeç, nga Saranda
Edmond Sejko, 36 vjeç, nga Saranda
Eduart Çipa, 37 vjeç, nga Saranda