Ekonomi...

Titulli: Ekonomi... Mon Nov 19, 2007 4:15 am

Energjia, vihet ne pune nenstacioni i ri i Portoromanos ne Durres

Korporata Elektroenergjetike Shqiptare ka arritur qe te vere ne pune nenstacionin e ri te Portoromanos ne Durres, i ndertuar ne kuadrin e projektit "Rehabilitimi dhe rikonstruksioni i sektorit te shperndarjes", me nje kredi te Bankes Boterore. Ky projekt eshte pjese e investimit prej 8,8 milione euro, ne te cilin perfshihen edhe dy transformatore 25 MVA dhe 10 fidera dales 20 kilovolt, te cilat do te sigurojne furnizimin me energji te zones perreth Portoromanos dhe nje pjese te rajonit te Durresit. Nenstacioni do te rrise keshtu sigurine dhe cilesine e furnizimit me energji elektrike ne kete zone, si dhe do te ule ndjeshem humbjet ne rrjet.

Perurimi

Drejtori i Pergjithshem i KESH-it, Gjergj Bojaxhi, ka bere dje dhe inaugurimin e ketij nenstacioni, qe ka nje kapacitet prej 110-120 kv/oresh. Kreu i KESH-it, Bojaxhi, u shpreh se, "ky nenstacion i paraprin zhvillimit te zones industriale te Portoromanos". Ai shtoi me tej se ne rastin e ndertimit te nje TEC-i ne Portoromano, ky nenstacion krijon mundesine e lidhjes direkte pa nevojen e investimeve shtese. Investime te tjera te kryera nga KESH-i, me kredi te BB-se per fuqizimin e rrjetit te shperndarjes dhe transmetimit ne kete rajon, jane edhe ndertimi i rrjetit 20 kilovolt, ku perfshihen rreth 50 kabina te reja 20 kilovolt si dhe 15 km kabell 20 kilovolt.

Situata
Situata e nivelit te prurjeve te lumit Drin ne kaskaden e hidrocentralit te Fierzes eshte ne nivel te larte, me rreth 820 metra kub uje ne sekonde, bene te ditur dje burime zyrtare nga KESH-i. Sipas te dhenave te KESH-it, niveli i ujit ne Fierze rritet çdo dite me rreth 2 metra, nderkohe qe niveli aktual eshte 267.8 metra dhe rreth 22.5 metra me pak se niveli maksimal. Kjo situate ka ndikuar dhe ne rritjen e prodhimit te energjise ne vend. Sipas KESH-it, prodhimi ditor i energjise ne Fierze eshte pak me shume dhe 11 milione kilovat-ore, nderkohe qe po importohen rreth 6.8 milione kilovat/ore, ndersa konsumi i pergjithshem ditor eshte 18 milione kilovat/ore.

17 Nentor 2007

Titulli: Re: Ekonomi... Mon Nov 19, 2007 4:16 am

Qeveria merr kredi nga BERZH-i dhe BEI per Levan-Vlore
Lidhja e 2 marreveshje me bankat e huaja per kete segment parashikon nje shume prej 45 milione eurosh. Kostoja totale e parashikuar per projektin arrin ne 60,1 milione euro

Qeveria shqiptare ka nisur nga marrja e huave nga bankat e huaja per realizimin e investimeve ne infrastrukture, sidomos ne ndertimin e projekteve te medha. Per kete jane nenshkruar dje dy marreveshje huaje, njera me Banken Europiane per Rindertim dhe Zhvillim dhe Banken Europiane te Investimeve per financimin e projektit te rruges Levan-Vlore, pjese e seksionit Paneuropian te Korridorit te 8-te. Marreveshja per palen shqiptare eshte firmosur nga ministri i Financave, Ridvan Bode dhe ministri i Transporteve, Telekomunikacioneve dhe Puneve Publike, Sokol Olldashi.

Kredia

Kredia e marre nga qeveria shqiptare ka nje vlere prej 45 milione eurosh, e cila do te huazohet perkatesisht nga BERZH-i me nje hua prej 22 milione eurosh dhe BEI, me nje hua prej 23 milione eurosh. Kostoja totale e parashikuar per kete projekt arrin ne 60,1 milione euro, perfshire edhe kontributin e qeverise shqiptare, qe perballon taksat, shpronesimet dhe TVSH-ne. Kredite e BERZH-it dhe BEI-t do te perdoren per te perballuar koston e ndertimit te rruges, ndersa granti i qeverise italiane, do te perdoret per te perballuar sherbimet e konsulences dhe te supervizionit.

Projekti

Projekti parashikon ndertimin e segmentit rrugor Levan-Vlore, te gjate 24.2 km, me kater korsi dhe paraqitet per miratim ne kuadrin e permbushjes se objektivave te qeverise shqiptare, per sigurimin e nje infrastrukture rrugore kombetare ne standardet nderkombetare. Kjo rruge eshte pjese e korridorit Rrogozhine-Lushnje-Fier, qe parashikohet te lidhe Portin detar te Vlores dhe parkun energjetik te saj me Portin detar te Durresit dhe Korridorin VIII. Ministri i Financave Bode ka falenderuar dy donatoret per mbeshtetjen qe u kane dhene programeve te qeverise, veçanerisht per zhvillimin e shpejte te infrastruktures shqiptare. Nderkohe, marreveshjet jane pershendetur edhe nga perfaqesuesit e BERZH-it dhe BEI-t, te cilet kane vleresuar bashkepunimin e mire me qeverine shqiptare.

1. Termat e huas se akorduar nga BERZH-i jane:

Principali 22,000,000.00 euro
Maturimi 15 vjet

Periudha pa pagese principali 3 vjet

Komisioni i Angazhimit 0,5 % ne vit

Interesi eshte variabel mbi bazen e tregut

Komisioni Fillim-Mbarim 1% e shumes se kredise, i cili perballohet nga fondet e kredise

2. Termat e huase se akorduar nga BEI jane:

Principali 23,000,000.00 euro

Maturimi 20 vjet

Periudha pa pagese principali 5 vjet

Interesi eshte variabel mbi bazen e tregut

3. Shuma e mesiperme sigurohet nga burimet ne vijim:

BERZH-i me nje hua prej 22 milione eurosh

BEI me nje hua prej 23 milione eurosh

Kooperacioni italian me nje grant prej 0.8 milione eurosh

Kontributi i qeverise shqiptare 14.3 milione euro

17 Nentor 2007

Titulli: Re: Ekonomi... Mon Nov 19, 2007 4:18 am

Posta Shqiptare, partneritet me bankat per transfertat e emigranteve

Banka Amerikane e Shqiperise dhe Posta Shqiptare tashme kane konkretizuar nje partneritet te ri per sherbimin e transfertave te emigranteve nga jashte, drejt Shqiperise.
BASH, ne bashkepunim me 541 zyra te Postes Shqiptare, mund t’i dergoje parate nga jashte vendit ne çdo cep te Shqiperise, madje edhe direkt ne shtepine e marresit. Sherbimi mundeson dergimin e parave ne Shqiperi me nje komision prej vetem 6 eurosh. Nderkohe, marresi i fondeve nuk paguan asnje komision shtese. Sipas Postes Shqiptare, “parate dergohen mjaft shpejt dhe ne menyre te sigurt”. Ne kete faze te pare, mundesia e transferimit te fondeve eshte e vlefshme vetem per shtetin fqinj te Greqise, nga ku kushdo mund te dergoje fonde duke u paraqitur ne nje prej 4 degeve te BASH-it ne Greqi (Athine, Selanik, Pire dhe Peristeri). Per te perfituar nga ky sherbim nuk eshte e nevojshme te kesh llogari bankare, pasi marresi ose perfituesi i fondeve, mund qe t’i terheqe parate e derguesit ne cilendo prej 541 zyrave te Postes Shqiptare te shperndara ne te gjithe vendin, edhe atje ku BASH-i nuk eshte e pranishme. Gjithashtu, derguesi mund te zgjedhe t’ia dergoje fondet marresit edhe ne adresen e tij, pra ne shtepi apo zyre. Ne momentin e terheqjes se fondeve, marresi duhet te jete i pajisur me nje dokument identifikimi si pasaporte, leternjoftim, apo certifikate te vlefshme.

Pensionet, ISSH-ja zbardh skemen se si do te behet favorizimi i te vetepunesuarve ne bujqesi
Favorizimi per fermeret, sipas Ligjit “Per faljen e kamatevonesave” dhe Ligjit “Per sigurimet shoqerore”, behet per pagesa te uleta te kontributeve te sigurimeve shoqerore

Instituti i Sigurimeve Shoqerore ka bere dje te njohur skemen se si duhet te behet sigurimi per te gjithe te vetepunesuarit ne sektorin e bujqesise, te cilet deri tani nuk e kane perfituar kete sherbim. Nisur edhe nga mungesa e informacionit te meparshem, specialistet e ISSH-se kane njoftuar te vetepunesuarit ne bujqesi qe te mos humbin favorin e madh per te bere sigurimin shoqeror te tyre, duke blere me pak para vjetersine e punes per efekt pensioni (ne forme pagese sigurimesh vullnetare).
Megjithese ligji i faljes se kamatevonesave per te vetepunesuarit ne bujqesi ka kohe qe eshte miratuar ne Parlament, specialistet kane konstatuar se ai nuk eshte kuptuar financiarisht nga fermeret. Pra ligji nuk eshte interpretuar nga disa inspektore te sigurimeve shoqerore, tek te gjithe te vetepunesuarit ne bujqesi, per t’u sqaruar atyre favorizimet e medha financiare dhe perfitimet qe rrjedhin nga ky ligj dhe nga ligji i sigurimeve shoqerore. Sipas kryespecialistit Vullnet Sadushi, ne Drejtorine e Kontributeve ne Institutin e Sigurimeve Shoqerore, favorizimet e te vetepunesuarve ne bujqesi, duke iu referuar ligjit te faljes se kamatevonesave dhe ligjit te sigurimeve shoqerore, mund t’i ndajme ne dy grupe te medha, si me poshte:

I. Favorizimi ne pagesa teper te uleta te kontributeve te sigurimeve shoqerore

Per te njohur vitet e vjetersise ne pune, per efekt te perfitimit te pensionit te pleqerise ,te vetepunesuarit ne bujqesi, ndryshe nga personat qe sigurohen vullnetarisht, i paguajne kontributet e viteve te kaluara me kuoten perkatese te viteve qe kerkon te siguroje i vetepunesuari ne bujqesi. 1) Keshtu, per te blere 14 vjet e 3 muaj ne skemen e sigurimit vullnetar, nje person, jo i vetepunesuar ne bujqesi, duhet te paguaje 537 000 (mije) leke, ndersa nje i vetepunesuar ne bujqesi duhet te paguaje vetem 60 000 (mije) leke. Pra te njejten periudhe vjetersie ne pune, ose te njejtin sigurim i vetepunesuari ne bujqesi e ben me 477 000 (mije) leke me pak. Ne kete rast pagesen per 477 000 (mije) leke per te vetepunesuarin ne bujqesi e ben buxheti i shtetit, ne favor te çdo te vetepunesuari ne bujqesi, me kusht qe ky te kete paguar pjesen e tij. Eshte e nevojshme te nenvizohet fakti se fermeri nuk duhet te humbase 477 000 (mije) leke qe atyre ua ka vene ne dispozicion buxheti i shtetit. 2) Ne se fermeri nuk i paguan kontributet e tij brenda dates 31.12.2007, atehere ai nuk perfiton faljen e kamatevonesave, sipas ligjit te faljes se tyre, qe per 14 vjet e 3 muaj llogaritet te jete rreth 100 000 (mije) leke. Pra, nese fermeri do te kerkoje qe te paguaje kontributet vitin tjeter, duke filluar nga data 1 janar 2008, ai do t’i paguaje ato me kamatevonese. Siç nxjerrin llogaritjet, nese fermeri do te sigurohet per 14 vjet e 3 muaj vjetersi ne pune, kundrejt pageses se 60 000 lekeve, ai do te perfitoje gjithsej 5 milione e 770 mije leke. Specialisti Sadushi, tha se “shqetesimi i paraqitur per zgjedhjen me te mire, ne favorin e te vetepunesuarve, eshte nxitimi per te realizuar pagesen e mesiperme”.

II. Perfitimet nga ligji, pas plotesimit te moshes per pension

Sipas specialistit te ISSH-se, Sadushi, favorizimi nuk eshte vetem ne fushen e pagesave te uleta, por ai eshte i prekshem dhe behet i dukshem ne momentin e lindjes se te drejtes per pensionin, pra me plotesimin e moshes, dhe ky eshte grupi i dyte i favorizimeve ose i perfitimeve te medha. Ne kete grup, favorizimi me i madh ligjor eshte fakti se ligji i sigurimeve shoqerore, ne periudhat per te cilat jane paguar kontributet si i vetepunesuar ne bujqesi, i njeh individit vjetersi pune ne marredhenie me shtetin. Duke marre per baze kete fakt, nga specialistet jane pergjithesuar disa raste, kur te vetepunesuarit ne bujqesi kane paguar kontributet e sigurimeve shoqerore, qe nga dalja e ligjit, tetor 1993, ose i paguajne keto kontribute tani, para dates 31.12.2007. 1) Kur nje i vetepunesuar ne bujqesi ka paguar kontributet per 14 vjet e 3 muaj dhe vazhdon ti paguaje ato duke plotesuar 15 vjet sigurim, nderkohe qe nuk ka sigurim tjeter te meparshem, me plotesimin e moshes ne fund te vitit 2008, atij i llogaritet nje pension i pjesshem qyteti. Ne keto kushte atij do ti llogaritet dhe do ti paguhet nje pension mujor prej 3707 lekesh. 2) Kur nje i vetepunesuar ne bujqesi ka sigurim te meparshem nga puna ne ish kooperativat bujqesore dhe ka paguar kontributet si i vetepunesuar ne bujqesi per 14 vjet e 3 muaj, duke arritur te plotesoje 35 vjet pune gjithsej dhe ne fillim te vitit 2008 ploteson edhe moshen per pension, ne kete rast duke mos arritur te kete vjetersine e kerkuar ne pune shteti atij i llogaritet nje pension i perbere nga dy pjese. Keshtu pensioni i tij do te perbehet nga pensioni i fshatit ne masen 4110 leke ne muaj dhe nga shuma e llogaritur e 1 per qind shtese, per çdo vit qe ka paguar kontributet si i vetepunesuar ne bujqesi. Pra atij do t’i paguhet nje pension mujor fshati ne shumen 4110 leke, plus shtesa prej 1563 lekesh ne muaj, duke bere qe pensioni i fshatit se bashku me shtesen te arrije shumen 5673 leke ne muaj. 3) Kur nje i vetepunesuar ne bujqesi ka sigurim te meparshem nga puna ne ish ndermarrjet bujqesore dhe paguan kontributet si i vetepunesuar ne bujqesi, duke plotesuar 35 vjet vjetersi pune gjithsej, atij do t’i llogaritet nje pension mujor qyteti ne shumen 8650 leke ne muaj, plus shtesa mbi pension e qytetit prej 1350 lekesh ne muaj. Ne keto kushte, se bashku me shtesen e qytetit, te ardhurat mujore te tij arrijne shumen 10 000 leke ne muaj. 4) Megjithese gjate gjithe materialit perdoret fjala “te vetepunesuar” ne bujqesi, duhet te nenkuptojme qe ketu perfshihen edhe “te vetepunesuarat” ne bujqesi, te cilat me kete sigurim mund te perfitojne edhe pagesen per barre-lindje.

Rendesia e ligjit te faljes se kamatevonesave

Keto dokumente mund te perdoren edhe per sigurimin e pjesetareve te tjere te familjes qe jane ne moshe pune dhe qe nuk jane te siguruar nga punesimi ne sektore te tjere. Per te marre sqarime me te hollesishme duhet te kontaktoni detyrimisht me inspektorin e sigurimeve shoqerore te komunes, i cili do t’u shpjegoje gjithçka ne lidhje me kete sigurim. Te interesuarit nuk duhet te bejne asnje pagese pa marre kontakt me pare me inspektorin dhe po nuk ju dha ai dokumentin per veprim. Me kete dokument do te kryhen pagesat e kontributeve, ne qendren e pageses te rekomanduar nga inspektori dhe ne çdo rast nje kopje te dokumentit qe verteton pagesen, paguesi duhet ta mbaje gjithmone per vete. Sipas specialistit te ISSH-se, Sadushi, ligji i sigurimeve shoqerore dhe ligji i faljes se kamatevonesave, jane teper te rendesishem per fermeret. Sipas specialistit, teper e rendesishme per fermeret eshte fakti se, ata po i kap ne kohe falja e kamatevonesave duke realizuar keshtu pagesen e kontributeve, brenda dates 31.12.2007. Kjo eshte nje perfitim i madh financiar, per çdo te vetepunesuar ne bujqesi, perfshi edhe pjesetaret e tij te familjes.

Nga Vullnet Sadushi, kryespecialist i Drejtorise se Kontributeve ne ISSH

Ligji i faljes se kamatevonesave, favorizues per zonat malore

Ligji i mesiperm i faljes se kamatevonesave eshte shume i rendesishem, por dhe shume me favorizues per zonat malore. Ky eshte rasti qe te njihen te gjithe te larguarit nga fshatrat e ndryshme te vendit, sidomos ata te zonave malore. Keta te fundit, sipas ligjit, duhet ta bejne sigurimin e tyre ne ato fshatra ku kane qene, ku dhe kuotat e pageses kane qene dhe vazhdojne te jene me te uleta se ato te zones fushore. Nje i vetepunesuar ne bujqesi per zonat malore, per sigurimin e 14 viteve e 3 muaj vjetersi pune, do te paguaje vetem 38 865 leke gjithsej dhe pa kamatevonese. Sigurimi i tyre ne zonat ku kane qene do te behet per periudhen qe kane pasur token ne pronesi, por nderkohe duhet te kene qene edhe banore te atij fshati. Keto sigurime, si dhe sigurimet per zonat fushore, behet kundrejt dokumentacionit vertetues, qe do t’u kerkohet nga inspektori i sigurimeve shoqerore te komunes, ku me kryesoret jane: 1. Dokumenti qe verteton pronesine e tokes
2. Certifikata familjare.

18 Nentor 2007

Titulli: Re: Ekonomi... Tue Nov 20, 2007 7:59 pm

Red Bull, shitjen kalojne Coca - Cola-en
Nentor 2007

Red Bull, pija energjike me e perhapur ne bote, tashme ka arritur vendin e pare ne shitje ne konsorciumin me te madh austriak te supermarketeve. Pija "qe te ben me krahe" tashme ne Austri eshte pija me e shitur ne raftet e supermarketeve te konsorciumit Rewe, e cila perbehet nga zinxhiret e supermarketeve Billa, Merkur, Penny dhe Bipa.

Sipas kerkimit me te fundit te tregut te kryer nga agjencia e mirenjohur nderkombetare "Nielsen Market Research", Red Bull tani eshte pija me e shitur ne zinxhirin austriak te Rewe, dhe mendohet se deri ne fund te vitit 2007, do te kete nje shitje prej 3,1 miliarde euro ne 143 vende te botes. Eshte hera e pare ne historine 20-vjecare te kompanise qe shitjet e Red Bull kane qene me te larta se cdo marke tjeter e pijeve joalkoolike bazuar ne xhiron e shitjes ne dyqanet e zinxhirit Rewe ne Austri, nje sukses qe eshte rezultat kryesisht i instalimit te ftohesve te pijeve teper inovative. Koncepti i ftohesve, qe ishte rezultat i bashkepunimit ndermjet Rewe dhe Red Bull, u mundeson konsumatoreve te blejne pijen e tyre energjike te ftohte, ashtu sic rekomandohet te pihet. Suksesi i pijes energjike eshte akoma me domethenes nese merr parasysh faktin qe kanocja me nje format me te vogel, harxhon me pak hapesire rafti ne krahasim me pijet e tjera. Ftohes per gjithe kategorine e pijeve joalkoolike tashme jane vendosur ne shume prej supermarketeve Billa te konsorciumit Rewe, ashtu sikurse ftohes te posacem jane vendosur prane kasave te te gjitha dyqaneve Penny. Popullariteti i pijes energjike numer 1 ne bote ne zinxhiret austriake te supermarketeve, i ka dhene krahe te gjithe tregut te pijeve ne pergjithesi. Paralelisht me rritjen e shitjeve te markes Coca-Cola, sipas Rewe, Red Bull ka qene katalizatori per rritjen e shitjes se pijeve ne pergjithesi, me nje rritje prej 4% ne keto vitet e fundit. Konsorciumi Rewe perfshin zinxhiret e supermarketeve Billa (1011 dyqane), Merkur (105), Penny (255) dhe Bipa (535), duke e bere Rewe Austria, konsorciumin me te madh te vendit ne tregun e shitjes me pakice.

Titulli: Re: Ekonomi... Tue Nov 20, 2007 8:13 pm

Rondelez:“Shqiperia, probleme me Krimin Ekonomik”

E Marte, 20 Nentor 2007

Lufta kunder Krimit Ekonomik dhe Financiar ka qene objekti i nje takimi dhe deklarates se nje prej eksperteve te Europolit, qe ka bere dje ne Tirane. Kryekomisari i Europolit per Krimin Ekonomik, Rafael Rondelez, ka thene se, “Shqiperia, per momentin, gjendet ne nje gjendje te veshtire ne luften ndaj kesaj dukurie. Europoli ka marreveshje me Shqiperine dhe po punohet per detajimin e problemeve per te dhene ndihme”, - deklaroi dje eksperti i policise evropiane, Rondelez. Ndersa drejtuesit e policise shqiptare kane sjelle statistika, sipas te cilave, per 2007 jane goditur 40 grupe kriminale te ketij lloji, numri me i madh i regjistruar ne vend per kete periudhe. Ne takim ka marre pjese edhe ministri i Brendshem, Bujar Nishani, qe ka vleresuar ndihmen e nderkombetareve.

Titulli: Re: Ekonomi... Sat Nov 24, 2007 4:13 pm

Investimet, qeverisë i "teprojnë" 500 mln USD / 24 nentor 2007

Mosrealizimet në investime, në 10 muajt e parë të këtij viti, shkojnë në 500 milionë dollarë

Ministria e Financave: Realizimi i investimeve në 10 muaj, është 38% e fondit vjetor

Realizimi i investimeve mbetet në nivele tepër të ulëta për 10 muajt e parë të këtij viti. Sipas buletinit të treguesve ekonomikë, të botuar nga ana e Ministrisë së Financave, realizimi i investimeve në 10 muajt e parë të këtij viti është vetëm 38% ose në shifra 320 milionë dollarë, nga 820 milionë dollarë që është fondi i investime i parashikuar për t'u realizuar gjatë vitit 2007. Mosrealizimi në investime shkon në 500 milionë dollarë, ndërsa qeveria bën të ditur se është optimiste se këto 500 milionë dollarë do të mund që t'i realizojë gjatë 2 muajve të fundit të vitit

Mungesa e kapaciteteve të kompanive ndërtuese, ka qenë edhe shkaku që investimet e parashikuara për këtë vit nuk janë realizuar. Kjo ka qenë deklarata që ka bërë dje ministri i Financave, Ridvan Bode. Sipas Bodes firmat shqiptare nuk janë përshtatur dot me një nivel kaq të lartë investimesh, që për këtë vit shkon në 820 milionë dollarë, ose rreth 70 miliardë lekë. Por një deklaratë e tillë është e vështirë për t'u besuar se edhe në vitin 2006, kur volumi i parashikuar i investimeve ishte i vogël, realizimi i tyre ishte në të tilla nivele. Një fakt i tillë nxjerr në dukje problemin e madh që vjen nga mungesa e kapaciteteve të qeverisë për të menaxhuar fondet publike.

Mosrealizimi i totalit të ardhurave në buxhet për këtë 10 mujor shkon në 47 milionë dollarë, sipas Ministrisë së Financave. Ndërsa mosrealizimi më i madh në treguesit e të ardhurave është në zërin "Të ardhura tatimore". Ky zë, sipas raportit, ka një mosrealizim prej 4.42 miliardë lekësh ose 53 milionë dollarë. Ndërsa taksa mbi të ardhurat personale, pas vendosjes së taksës së sheshtë dhe pagave të referencës, ka kaluar edhe planet më optimiste të tatimorëve. Ky tregues për 10 mujorin ka shënuar një realizim në masën 118.2%.

Malaj: Qeveria mbytet nga korrupsioni

"Në dy muajt e ardhshëm, do të duhet çdo muaj të bëhen 22 miliardë lekë investime"

Mungesa e investimeve janë arsye reale pse shqiptarët kanë sot më pak drita, më pak ujë, shkolla në kushte të vështira, spitale pa medikamente dhe pajisje dhe infrastrukturë të rënduar. Deputeti i Partisë Socialiste, Arben Malaj ka komentuar gjatë ditës së djeshme treguesit fiskalë të 10 mujorit të parë të këtij viti, duke deklaruar se "qeveria ka dështuar sepse nuk ka vizion të qartë, nuk ka projekte të qarta, ka spontanitet dhe korrupsion të rritur në përzgjedhjen dhe realizmin e investimeve publike". Malaj ka kritikuar realizimin e ulët të investimeve gjatë këtij 10 mujori, ndërsa ka bërë të ditur se e njëjta situatë ka qenë prezente edhe në vitin 2006. "Vazhdon realizmi i ulët i investimeve për 10 muajt e parë të vitit, ndërsa e njëjta situatë ka qenë edhe në vitin 2006, ku gjatë 10 muajve u realizuan vetëm 22 miliard lekë",- tha Malaj. Nga ana tjetër nënkryetari i Komisionit të Ekonomisë ka sqaruar se qeveria po kërkon ta shesë si një suficit buxhetor, mosrealizimin e investimeve. "Deklarimi i qeverisë se ka suficit buxhetor, është abuziv dhe joprofesional. Janë të parealizuara brenda rreth 10 muajve të parë të vitit, rreth 16 miliardë lekë investime publike, janë të parealizuara deri në fund të vitit rreth 44 miliardë lekë ose rreth 500 milionë dollarë, ka mosrealizim të të ardhurave tatimore gjatë 10 muajve të parë të vitit rreth 50 milionë dollarë, do të thotë që jo vetëm nuk ke suficit real, por ka paaftësinë reale dhe në nivele shqetësuese për realizmin efektiv të investimeve, duke vonuar dhe cenuar rëndë përmirësimin e jetës së përditshme të qytetarëve shqiptarë",- tha Malaj. Qeveria vazhdon që të realizojë një nivel tepër të ulët të investimeve edhe gjatë muajve të fundit. "Në muajin tetor qeveria ka realizuar vetëm 5 miliardë lekë investime, çka do të thotë se sa do të rritet rritmi i investimeve në dy muajt e fundit të vitit, ku investimet fizike janë të vështira edhe për shkak të periudhës së vështirë. Qeveria në vitin 2007 do të ketë mosrealizime të mëdha",- ka sqaruar Malaj. Duke analizuar buletinin e Ministrisë së Financave, për treguesit fiskalë të vitit 2007, Malaj ka deklaruar se, "në vitin 2007, gjatë 10 muajve u realizuan vetëm 26 miliard lekë ose vetëm 37 % e investimeve vjetore, ku janë realizuar vetëm 41% e investime brendshme dhe vetëm 28% e investime me financim të huaj. Qeveria ka pa realizuar për dy muaj e fundit të vitit rreth 44 miliardë lekë ose 500 milionë dollarë, pra në dy muajt e ardhshëm do të duhet çdo muaj të bëhen 22 miliardë lekë investime".

Titulli: Re: Ekonomi... Sat Nov 24, 2007 4:14 pm

BB: Barra e taksave, Shqipëria renditet e 105-ta / 24 nentor 2007

Shqipëria është renditur në vendin e 105 nga 178 vende të marra në studim, për barrën e taksave që paguan biznesi

Ndërsa, përsa i përket numrit të pagesave vendi ka një pozicion më poshtë, duke u renditur në vendin e 132 nga 178 vende të studimit

Shqipëria renditet në vendin e 132 për pagesën e taksave, sipas raportit të fundit të Bankës Botërore "Paying Taxes" që merr në studim 178 vende. Sipas Bankës Botërore ky raport botohet për herë të dytë nga ky institucion dhe është vlerësuar i një rëndësie të veçantë, për të dhënat që ai jep për vendet dhe renditjen e tyre. Raporti merr në studim disa tregues në pagesën e taksave, si edhe bën një krahasim midis barrës së taksave, kohës që i duhet një biznesi për të paguar taksat, si edhe reformat e ndërmarra nga ana e qeverive.

46.8% e fitimeve paguhen taksa

Për vitin 2007 Shqipëria vlerësohet nga ana e Bankës Botërore në vendin e 105 përsa i përket normës së taksave që biznesi paguan. Taksat e paguara nga ana e biznesit nxirren në krahasim me fitimet që ka realizuar sipërmarrja. Referuar studimit të Bankës Botërore, një biznesi në Shqipëri 46.8% e fitimeve i shkon për pagesën e taksave. Në këtë barrë taksash bëjnë pjesë: taksa mbi të ardhurat e Korporatës, që zë 17.7% të pagesës totale që bën biznesi; taksa mbi punën, që shkon në 24.5% dhe taksat e tjera 4.6%. Në normën e taksave që paguan biznesi janë përfshirë: taksa mbi punën dhe sigurimet shoqërore; taksa mbiu pronën; taksa mbi shitjet dhe taksa mbi të ardhurat.

Biznesi, 240 orë në vit për pagesën e taksave

Ky është edhe treguesi më pozitiv për Shqipërinë, në raportin për taksat të vitit 2007. Shqipëria renditet e 87 në listën me 187 vende, përsa i përket kohës që biznesi ka harxhuar gjatë këtij viti për pagesën e taksave. Në totalin prej 240 orësh që një biznesi i duhen për të paguar taksat, në harkun kohor të një viti, 120 orë janë dashur për të paguar taksën mbi të ardhurat e biznesit, 96 orë për të paguar taksën mbi punën dhe 24 orë për të paguar taksën mbi konsumin.

Numër rekord pagesash

Numri i total i pagesave për taksat nga biznesi në Shqipëri, sipas raportit të BB shkon në 44. Sipas studimit, biznesi në vend ka një numër tepër të lartë pagesash për taksat, duke u renditur në vendin e 132 nga 178 vende të marra në studim. Nga këto pagesa 13 biznesi i paguan për taksën mbi të ardhurat, 12 për taksën mbi punën dhe 19 pagesa realizohen mesatarisht në një vit nga biznesi, për pagesën e taksave të tjera.

Titulli: Re: Ekonomi... Sat Nov 24, 2007 4:15 pm

Taksat, ndryshimet në Paketën 2008 / 24 nentor 2007

Biznesi i Vogël dhe ai i Madh do paguajnë një nivel të njëjtë takse, në nivelin 10 për qind
Viti 2008 do të mbartë të gjithë ndryshimet në taksa dhe tatime të realizuara gjatë Paketës së dytë Fiskale të këtij viti. Ndryshimi kryesor, sipas Ministrisë së Financave, gjatë pjesës së parë të vitit 2008 do të jetë mbi tatimi mbi fitimin për Biznesin e Madh. Tatimi mbi fitimin do të ulet nga 20% në 10%, që në datën 1 janar 2008. Të njëjtën normë tatimi mbi fitimin do të paguajë edhe Biznesi i Vogël, që në vitin 2008 do të detyrohet që të mbajë edhe kontabilitet të rregullt financiar. Si pasojë e kësaj uljeje të normës së tatimit mbi fitimin, të ardhurat nga ky tatim për vitin 2008 parashikohen në rreth 14.4 miliardë lekë, nga rreth 22,900 miliardë lekë të planifikuara në buxhetin fillestar të vitit 2007, me një ulje prej 8.5 miliardë lekë, ose 37% të këtyre të ardhurave.

Akcizat në rritje

Në buxhetin e vitit 2008 pritet që të reflektohet një rritje e akcizës së karburanteve me rreth 4 lekë/litër. Rritja e akcizës për karburantet është futur në fuqi që në 1 korrik të këtij viti dhe e njëjta masë e akcizës parashikohet që të zbatohet edhe gjatë vitit që vjen. Një çmim më të shtrenjtë do të paguajnë konsumatorët edhe për pijet alkoolike gjatë vitit 2008, si pasojë e rritjes së akcizave. Edhe akcizat e pijeve alkoolike janë rritur që prej 1 korrikut të këtij viti. Rritja e akcizave ishte 10 lekë/litri për birrën e diferencuar sipas sasisë së prodhimit. Ndërsa për verën, verërat e gazuara, vermut dhe verëra të tjera me substanca aromatizuese, rritja e akcizës është 15 leke/litri. Një barrë më të madhe fiskale parashikohet që të paguajnë pijet e forta, ku për pijet alkoolike me forcë alkoolike ndaj volumit mbi 12% akciza që do të paguhet, është 50 lekë/litri. 20 lekë/litri do të jetë akciza për pijet alkoolike me forcë alkoolike, ndaj volumit deri në 12%

Taksa mbi pagat

Aplikimi i taksës së sheshtë 10% mbi të ardhurat personale, duke filluar nga 1 korriku 2007, ka shtuar të ardhurat në buxhet. Të ardhurat nga tatimi mbi të ardhurat personale për vitin 2008 janë parashikuar, sipas Financave, që të arrijnë në rreth 16.3 miliardë lekë, nga 13 miliardë lekë të parashikuar për vitin 2007 (buxheti suplementar), me një rritje prej rreth 25 për qind, duke arritur kështu në 1.51 për qind të PBB-së nga 0.95 për qind e PBB-së që arritën këto të ardhura në vitin 2006. Me anë të rritjes në 10% të tatimit mbi të ardhurat, për të gjithë kategoritë e pagave dhe trefishimit të pagave të referencës, pesha e këtij tatimi në buxhet është rritur ndjeshëm.

Taksa e makinave dhe pasurisë

Të gjithë makinat e përdorura do të vazhdojnë që të paguajnë taksa të larta doganore edhe gjatë vitit 2008. Buxheti i vitit të ardhshëm parashikon gjithashtu rritjen në nivelin e taksave nacionale, duke konsideruar një rritje të taksës së importit të automjeteve të përdoruara, reduktim të taksës së ditë-qëndrimit të automjeteve të huaja, taksës konsullore si dhe atyre portuale, duke filluar nga 1 korriku 2007. Rritjen në nivelin e taksave vendore, respektivisht taksa e pasurisë për ndërtesat të cilat ndodhen në pronësi apo përdorim brenda territoreve të fshatrave turistike, duke filluar nga 1 korriku 2007

Titulli: Re: Ekonomi... Sat Dec 01, 2007 5:44 pm

Ulja me 10 për qind e kontributit, vetëm projekt

Pagesa e kontributeve nuk mund të shkojë në nivelin e taksës së sheshtë, pasi kjo është e lidhur dhe me implikimet. “Në këtë rast do të kishte implikime financiare, sepse kjo është një skemë e cila duhet balancuar brenda vetes. E gjitha kjo mund të bëhet vetëm në një perspektivë afatgjatë, ku do të shihet nëse ne, duke ulur informalitetin, kemi kontribuues të cilët garantojnë balancimin e skemës me kontribute më të ulëta, pra ky do të jetë një objektiv”, - thotë zëvendësministri i Financave, Shehu. Pra sipas tij, objektivi do të jetë përmirësimi i të ardhurave, rritja e përfitimeve, për të shikuar më tej mundësinë e uljes së kontributeve, por pa kaluar menjëherë në nivelin e taksës së sheshtë. Kjo gjë, sipas zëvendësministrit, sepse ka kosto financiare, të cilat duhet pastaj që të përballohen me burime të tjera të buxhetit të shtetit.

Pensioni i ushtarakëve në 2008-n sa rrogat në shtet

Pensionet e ushtarakëve janë në proces shqyrtimi, por sistemi ekzistues është i padrejtë për vetë faktin sepse vendos shenjën e barazimit për të gjithë ushtarakët, pavarësisht se një pjesë japin kontribute dhe ajo që kërkohet nga ushtarakët nuk referohet ndaj një sistemi që e kanë edhe vendet e tjera të NATO-s. “Ne po bëjmë rishikimin, por duke pasur parasysh një parim që ushtarakët do të vazhdojnë që të trajtohen brenda disa raporteve që zbatohen edhe nga vendet e NATO-s, njëkohësisht edhe duke zbatuar një parim që ata duhet të mundohen që të përshtaten me kushtet mbas daljes nga shërbimi ushtarak. Por njëkohësisht edhe përfitimi do të jetë sipas standardeve dhe nivelit ekonomik që ka vendi ynë. Pra, nuk mund të marrim përfitime, të cilat shkojnë në nivele të tilla sa janë pagat e administratës publike. Pra e thënë ndryshe, ato do të jenë përfitime mbijetese, në mënyrë që edhe ata të jenë të motivuar që të kërkojnë mundësi të tilla për të kompensuar të ardhurat e tyre. Ne kemi pasur konsultime në fazën e parë. Ato janë konsideruar dhe tani mendojmë që përsëri të rihapim konsultimet vetëm, pasi të kemi dalë me një propozim të ri”, - thotë zëvendësministri Shehu.

1 Dhjetor 2007

Titulli: Re: Ekonomi... Sat Dec 01, 2007 5:45 pm

Ish-të përndjekurit, qeveria 17 milionë USD për pensionin

Qeveria do të përgatisë të gjitha aktet nënligjore që do të bëjnë të mundur një përdorim transparent të fondit prej 17 milionë dollarësh ndaj ish-të përndjekurve, duke vendosur në këtë mënyrë dhe një radhë pagese dhe disa kritere për përfitimin nga ana e të përndjekurve. Ndërkohë në këtë proces ka akoma disa gjëra që lidhen me identifikimin e listave dhe të masës së përfitimit që duhet të gëzojë secili i përndjekur, por njëkohësisht Ministria e Financës po punon në të dyja drejtimet. Edhe institucionet e tjera janë duke përgatitur data-base-n, i cili do të përcaktojë numrin e përfituesve dhe masën e përfitimit dhe pastaj brenda këtyre mundësive financiare, do të përcaktohet një mënyrë kompensimi apo shpërndarjeje për të përndjekurit. “E gjitha kjo do të jetë në kohë dhe në përputhje me mundësitë tona financiare. Skema është në ligj, por momentalisht nuk kemi një skemë, pasi skema e parë lidhet me vlerësimin e situatës. Në këtë mënyrë mbi bazën e vlerësimit të situatës, është një fazë e cila nuk ka përfunduar akoma. Vetëm pasi kjo të ketë përfunduar, do të bëhet edhe fazimi në kohë i dhënies së këtyre kompensimeve, sepse kjo në një farë mënyrë kushtëzohet edhe nga mundësitë financiare që ka shteti”, - ka deklaruar zëvendësministri i Financave, Sherefedin Shehu.

1 Dhjetor 2007

Titulli: Re: Ekonomi... Sat Dec 01, 2007 7:25 pm

Kredi 670 mln USD për rrugët
1-12-2007

BSH: Politika fiskale për 10 muajt e parë 2007 ka qenë shtrënguese për zhvillimin ekonomik

Strategjia e qeverisë për 2008 do të jetë ndërtimi i rrugëve me kredi, kthimi i të cilave fillon pas 5 viteve

Kreditë me terma tregtare për ndërtimin e rrugëve do të jenë strategjia e qeverisë për vitin 2008. Por nga ana tjetër marrja e një borxhi kaq të madh, për një qeveri që nuk arrin të kalojë as 40% të investimeve, është kundërshtuar nga Fondi Monetar Ndërkombëtar dhe opozita. Sipas FMN dyfishimi i deficitit buxhetor të qeverisë paraqet rreziqe, në një kohë kur qeveria për vitin 2007 vazhdon që të ketë një realizim tepër të ulët të investimeve. Investimet që në 2008 parashikohet që të arrijnë në 1.2 miliardë dollarë mbeten tepër të vështira për t'u realizuar, në një kohë që as kostoja e këtij borxhi nuk bëhet e ditur dhe aq më shumë mbeten enigmë bankat nga të cilat do të merren kreditë. Në total, buxheti i vitit të ardhshëm parashikon që shpenzimet kapitale do të jenë në nivelin 105.9 miliardë lekë, nga të cilat, investime me burime të brendshme 38.9 miliardë lekë dhe me burime të huaja 66.9 miliardë lekë. Ky nivel i shpenzimeve kapitale, sipas Financave, është 51.1% më i lartë krahasuar me vitin 2007.
***********************************************************
Viti 2008 pritet që të jetë edhe i vetmi, në të cilin investimet që do të realizohen me financim të huaj kapin të tillë vlerë. Në përqindje ndaj Produktit të Brendshëm Bruto, niveli i këtyre investimeve të parashikuara shkon në 6,22% në buxhetin e vitit të ardhshëm. Nëse e krahasojmë me shifrat e këtij treguesi për 8 vitet e fundit, borxhi që do të merret gjatë vitit 2008 për të financuar investimet në vend, është sa dyfishi. Vitet me treguesin më të lartë të investimeve me financimi të huaj kanë qenë 2000 dhe 2001, ku treguesi i mësipërm sipas Ministrisë së Financave ka qenë në nivelin e 3.29%. Por nga ana tjetër vihet re një përgjysmim i investimeve me fonde të brendshme. Gjatë vitit 2008 investimet në buxhet me financim të brendshëm pësojnë një rënie të ndejshme, duke zënë vetëm 3.62 për qind të Produktit të Brendshëm Bruto, nga 5 për qind që ishte ky tregues në vitin 2007. Niveli i investimeve me financim të brendshëm mbetet i ulët nëse e krahasojmë me vitet e fundit. Duke zhvilluar një politikë financimi të investimeve me rritje të borxhit, gjatë vitit 2008 qeveria do të paguajë më shumë interesa për kreditë e marra. Referuar relacionit të buxhetit, shpenzimet korrente rriten me rreth 7.2% kundrejt një viti më parë. Një pjesë e kësaj rritjeje i dedikohet rritjes së interesave me rreth 18.3%, respektivisht interesat e brendshme parashikohet të rriten me 17.2% dhe interesat e huaja rriten me 26.5%.

Titulli: Re: Ekonomi... Sat Dec 01, 2007 7:28 pm

Qeveria borxh 45 mln euro me interes variabël
1-12-2007

Kosto totale e parashikuar për këtë projekt arrin në 60,1 milion euro, një pjesë e financuar nga qeveria

Levan-Vlorë
Qeveria ka miratuar marrëveshjen e kredisë me dy banka për financimin e rrugës Levan-Fier. Qeveria ka nënshkruar dje në emër të qeverisë shqiptare dy marrëveshje huaje me Bankën Europiane për Rindërtim dhe Zhvillim (BERZH) dhe Bankën Europiane të Investimeve (BEI), për financimin e projektit të rrugës Levan-Vlorë, pjesë e seksionit Pan Europian të Korridorit të VIII-të. Bëhet fjalë për një shumë prej 45 milionë euro, e cila do të huazohet përkatësisht ngaBERZH, me një hua prej 22 milionë euro dhe BEI, me një hua prej 23 milionë euro. Interesat që do të paguhen për kredi, sipas marrëveshjes do të jenë në bazë të ecurisë së tregut. Ndërkohë marrëveshjet janë përshëndetur edhe nga përfaqësuesit e BERZH-it dhe BEI-t, të cilët kanë vlerësuar bashkëpunimin e mirë me qeverinë shqiptare. Projekti parashikon ndërtimin e segmentit rrugor Levan-Vlorë, të gjatë 24.2 km, me katër korsi dhe paraqitet për miratim në kuadrin e përmbushjes së objektivave të qeverisë shqiptare, për sigurimin e një infrastrukture rrugore kombëtare në standardet ndërkombëtare. Kosto totale e parashikuar për këtë projekt arrin në 60,1 milionë EUR përfshirë edhe kontributin e Qeverisë Shqiptare që përballon taksat, shpronësimet dhe TVSH. Kreditë e BERZH-it dhe BEI-t do të përdoren për të përballuar koston e ndërtimit të rrugës, ndërsa granti i Qeverisë Italiane do të përdoret për të përballuar shërbimet e Konsulencës dhe të Supervizionit

Termat e huasë së akorduar nga BERZH janë:

Principali22,000,000.00 EUR
Maturimi15 vjet
Periudha pa pagesë principali3 vjet
Komisioni i Angazhimit 0,5 % në vit
Interesi është variabël mbi bazën e tregut
Komisioni Fillim-Mbarim 1% e shumës së kredisë, i cili përballohet nga fondet e kredisë

Termat e huasë së akorduar nga BEI janë:

Principali23,000,000.00 EUR
Maturimi20 vjet
Periudha pa pagesë principali5 vjet
Financimi total
BERZH me një hua prej22 milionë EUR
BEI me një hua prej23 milionë EUR
Kooperacioni Italian me një grant prej0.8 milionë EUR
Kontributi i qeverisë shqiptare14.3 milionë EUR

Titulli: Re: Ekonomi... Sat Dec 01, 2007 7:29 pm

Kriza e naftës, çmimi 100 $ në 2008
1-12-2007

Këto janë parashikimet për çmimin e naftës në vitin 2008 nga specialistët e bursave ndërkombëtare

Gjatë ditës së djeshme një fuçi naftës është shitur në tregjet ndërkombëtare, me rreth 91 dollarë për fuçi, duke pësuar një rënie të lehtë me rreth 2% krahasuar me një ditë më parë. Nga 70 dollarë që ishte në muajin gusht të këtij viti, një fuçi naftë mbërriti në 100 dollarë pak javë më parë, ndërsa sërish çmimet kanë filluar që të bien. Kërkesës së vazhdueshme të SHBA-së dhe fuqive të tjera industriale për rritjen e prodhimit të naftës, vendet e OPEC-ut i janë përgjigjur. "Ne mendojmë se ka një ofertë të mirë në treg të naftës dhe rritja e çmimeve vjen si pasojë e spekulimeve në treg dhe tensioneve gjeopolitike".

Ecuria vjetore e çmimit

Çmimi i naftës në tregjet ndërkombëtare e filloi vitin rreth nivelit 55 USD/fuçi, për të arritur nivelin mbi 90 USD/fuçi, në fund të muajit nëntor. Rritja e çmimit gjatë vitit 2007, jo vetëm e kompensoi uljen e gjashtëmujorit të dytë të vitit 2006, por e çoi nivelin e çmimit në nivele të paarritura më parë. Pas rritjes së vazhduar të çmimit të naftës qëndron ngushtimi i ofertës dhe rritja e pandërprerë e kërkesës, sidomos nga Kina dhe ShBA. Edhe pse kërkesa botërore për naftë mbetet e lartë, ritmi i rritjes së saj ka shfaqur tendencë në rënie. Krahas kërkesës së lartë, tensioneve dhe paqartësisë gjeopolitike në vendet prodhuese të naftës dhe afrimit të stinës së ftohtë në hemisferën veriore, në rritjen e çmimit të naftës ka ndikuar edhe zhvlerësimi i dollarit gjatë muajit shtator. Rënia e vlerës së dollarit amerikan, kundrejt shumë monedhave ndërkombëtare, ka ndikuar në uljen e fuqisë blerëse të të ardhurave të prodhuesve të naftës dhe rritjen e fuqisë blerëse të konsumatorëve me të ardhura në monedha të tjera. Pavarësisht rritjes së vazhdueshme, çmimi i naftës në terma realë, i rregulluar me kursin e këmbimit dhe inflacionin, është më i ulët sesa nivelet e arritura gjatë episodeve të mëparshme të krizave të naftës. Në të njëjtën kohë shumë ekonomi po shfrytëzojnë burime alternative energjie, duke pakësuar varësinë nga nafta. Për pasojë, vlerësohet se ndikimi i çmimit të lartë të naftës në rritjen globale ekonomike mbetet i kufizuar. Parashikimet për çmimin e naftës gjatë vitit 2008 lëvizin në një bandë vlerash, ku rasti ekstrem i vlerave të larta parashikon që çmimi t'i afrohet nivelit 100 USD/fuçi.

Titulli: Re: Ekonomi... Fri Dec 07, 2007 11:01 pm

PD: Te ulen tarifat celulare
E Premte, 07 Dhjetor 2007

Ministri i Transporteve, Sokol Olldashi, paralajmeroi dje ulen e cmimeve per sherbimet e telefonise celulare AMC dhe Vodafone. Indirekt, ministri, duke iu pergjigjur ankesave te deputeteve brenda grupit demokrat per cmimet e larta, qe konsumatori shqiptar paguan per celularin, tha se tregu do liberalizohet. Veprim qe do te shoqerohet me uljen e cmimeve, si rezultat i konkurrences me te madhe ne treg. "Shume shpejt do te hartohet projektligji per tarifat e operatoreve celulare", premtoi Olldashi. Nderkohe qe garantoi se tregu i telefonise celulare do te liberalizohet me hyrjen e operatorit te trete edhe te katert celular. Reagimi i ministrit erdhi pas ankeses se deputetit demokrat, Blerim Cela. Demokrati u ankua per cmimet e larta qe konsumatori shqiptar paguan per perdorimin e sherbimit te telefonise celulare. "Ne paguajme cmime trefish me te larta se Evropa per telefonine celulare. E kjo nuk eshte drejte, krahasuar me ritmet tona", u ankua Cela. Sipas tij, dy kompanite e telefonise celulare, AMC e Vodafone, aplikojne tarifa shume te renda dhe situata nuk po ndryshon. Ne nje konkluzion te tille ka arritur kohe me pare edhe Komisioni hetimor parlamentar, i cili vuri ne dukje se shqiptaret paguajne tarifat me te larta ne te gjithe boten per sherbimin celular. Fakt i kritikuar dje nga foltorja e Kuvendit dhe nga demokrati Cela, i cili nuk i kurseu kritikat per sherbimin teper te shtrenjte dhe nderhyrjet qe duhen bere per te lehtesuar disi xhepat e shqiptareve.

Ministri i Transporteve, Olldashi, ka paralajmeruar nje muaj me pare, liberalizimin e tregut te telefonise celulare. Ai ka theksuar se shume shpejt do te aktivizohet leja e katert per tregun e telefonise celulare, menjehere pas aktivizimit te operatorit te trete "Eagle Mobile". Sipas te dhenave rezulton se, nga ana teknike e licencimit te operatorit te trete eshte gati. Leja mund te shitet kundrejt nje tenderi te hapur nderkombetar. Ofertuesi qe do te ofroje vleren me te larte monetare dhe qe do te kete eksperience ne telekomunikimin mobile do te kualifikohet. Nje shqetesim te tille per rritjen e tarifave te telefonise celulare e kane paraqitur dhe perfaqesues te opozites, te cilet kane ngritur dhe nje komision, por qe ende nuk eshte bere i ditur raporti perfundimtar i ketij komisioni, te kryesuar nje vit me pare nga Ceka. Gjithsesi, tashme shqetesimi ka kaluar dhe ne radhet e mazhorances.

Titulli: Re: Ekonomi... Fri Dec 07, 2007 11:02 pm

Pasagjeri i 1 milion-te, fluturon me "Alitalia"
E Premte, 07 Dhjetor 2007

Kompania e fluturimeve ajrore "Alitalia" do te transportoje pasagjerin e 1 milion-te qe do te fluturoje nga Aeroporti Nderkombetar "Nene Tereza". Per te celebruar kete arritje, dje zyrtare te Aeroportit dhe "Alitalia" ofruan nje cmim per Alma Totokoci me nje fluturim AZ 511 me destinacion Milanon. Me kete rast, kompania ajrore ka ofruar nje bilete udhetimi per fituesen e vlefshme per nje vit me destinacion Tirane-Milano-Tirane. Pergjegjesi i "Alitalia"-s per Aeroportin e Tiranes, Luca Foltran, tha se cmimi ka nje vlere jo vetem simbolike, por tregon edhe nje mirenjohje te thelle ndaj "Alitalia", e cila gjate viteve te fundit ka perforcuar lidhjet ne Evropen Juglindore dhe ne Ballkan. Kompania ofron fluturime cdo dite nga Aeroporti i Tiranes ne ate te Romes dhe Milanos. Vetem kete vit kane udhetuar me kete kompani 185 mije pasagjere.

Kalimi ne administrim privat i Aeroportit te Rinasit ka qene praktika me e suksesshme koncesionare ne keto 15 vitet e fundit. Ministri i Transportit dhe Telekomunikacionit, Sokol Olldashi, lajmeroi nje dite me pare se, shume shpejt kompania, qe ka marre ate me koncesion, "Airport Partners", do te nise fazen e dyte te investimeve per zgjerimin e metejshem te kapaciteteve. Deri me tani eshte kryer nje investim rreth 50 milione dollare ne te cilin perfshihet ndertimi i nje rruge te re nga Tirana ne Rinas dhe ndertimi i terminali te ri per pasagjeret. Shoqeria "Airport Partners" synon te pesefishoje numrin e pasagjereve qe shfrytezojne Rinasin, nga 1 milion aktualisht ne 3 milione ne vitin 2010. Sipas "Tirana Aeroport Partners", 5 kompanite ajrore kryesuese per nga numri i pasagjereve gjate 9-mujorit jane "Alitalia" me 20% te pasagjereve, "Albanian Airlines" 17%, "Austrian Airlines" 11,2%, "Belle Air" 11,1% dhe "Malev Hungarian Airlines" 8,5%. Aktualisht ne Aeroportin Nderkombetar te Rinasit operojne rreth 13 kompani ajrore, "Adria Airways", "Albania Airlines", "Alitalia", "AlpiEagles", "Austrian Airlines", "Belle Air", "British Airways", "Club Air", "AHemus Air", "Jat Airways", "Malev Hungarian Airlines", "Oympic Airlines", "Turkish Airlines" si dhe operatore te ndryshem carter.

Investimi i parashikuar nga koncesionaret sipas marreveshjes per Rinasin kap shifren 83 milione euro. Koncesioni, i cili do te zgjase 20 vjet, eshte i formes BOOT (Nderto- Zotero-Opero-Transfero), per projektimin, ndertimin, financimin, operimin dhe mirembajtjen e infrastruktures se sherbimeve ne perputhje me specifikimet e master-planit per zhvillimin e aeroportit.

Titulli: Re: Ekonomi... Fri Dec 07, 2007 11:02 pm

Fullani: Pa stabilitet makroekonomik, nuk ka zhvillim
E Premte, 07 Dhjetor 2007

Debati ne lidhje me orientimin e politikave monetare dhe ato qe kane te bejne me stabilitetin financiar eshte shnderruar ne nje tradite e finalizuar tashme nga Banka e Shqiperise ne nje konference te pervitshme. Guvernatori i Bankes se Shqiperise, Ardian Fullani, tha se stabiliteti makroekonomik eshte themelor dhe nje pararendes i te gjitha zhvillimeve te tjera te rendesishme ekonomiko-financiare. "Pa stabilitet makroekonomik nuk ka rritje, nuk ka investime te huaja, nuk ka rishperndarje e per rrjedhim, nuk ka zhvillim ne pergjithesi", shtoi ai. Per here te pare, pas shume vitesh te veshtira tranzicioni, autoritetet shqiptare duhet te kene pronesi te plote mbi programet afatmesme te zhvillimit te vendit. Eshte kjo arsyeja qe BSH-ja prej kohesh eshte angazhuar ne nje proces te gjithanshem te studimit dhe te perzgjedhjes se alternativave me te mira, shtoi Fullani.

Ne kete konference marrin pjese eksperte te bankave qendrore dhe te institucioneve financiare nderkombetare, akademike te njohur, perfaqesues te sistemit bankar dhe te institucioneve te tjera ne vend, si dhe shume personalitete te tjera te vendit dhe te huaja.

Ne fokus te saj jane strategjite e politikes monetare per ekonomite e vogla, te cilat jane te detyruara "te jetojne" nen hijen e Eurozones, pjese e se ciles do te behen ne nje periudhe afatgjate. Sot stafi i Bankes se Shqiperise do te prezantoje progresin e bere nga institucioni gjate vitit 2007, ne lidhje me pergatitjet per adoptimin e regjimit te ri te politikes monetare ne te ardhmen. Ne perfundim te kesaj konference, do te organizohet edhe ceremonia e Cmimit te Guvernatorit per Diplomen me te Mire, ku Guvernatori i Bankes se Shqiperise, Ardian Fullani, do t'i akordoje cmimet perkatese studenteve qe kane paraqitur tre temat me te mira te perzgjedhura ne fushen e sistemit bankar.

Titulli: Re: Ekonomi... Fri Dec 07, 2007 11:03 pm

Borxhi, shitet obligacioni 7-vjecar
E Premte, 07 Dhjetor 2007

Per here te pare ne historine e saj, qeveria ka shqiptare ka blere borxh, nepermjet nje obligacioni 7-vjecar, afati me i gjate i maturimit te huas deri me tani. Ministria e Financave ne bashkepunim me Banken e Shqiperise realizuan ankandin e pare te shitjes se obligacionit 7-vjecar, me nje shume 6 miliarde leke dhe qe do te shlyhet deri ne vitin 2014. Burimet ne Ministrine e Financave, pasi vleresuan sukses zhvillimin e ankandit, njoftuan se interesi i obligacionit 7-vjecar eshte me shume se 10 per qind. Nga kjo nisme, qeveria pritet te ule kostot e kthimit te borxhit, per shkak te zgjatjes se afateve te shlyerjeve. Nga ana tjeter, ata qe blejne kete borxh, qe mund te jene edhe individe, mund te perfitojne interes me te larte. Burimet ne Ministrine e Financave bejne te ditur se, tashme ka nje strategji te huamarrjes qeveritare, e cila parashikon zgjatjen e afateve te emetimit te letrave me vlere te qeverise. Me se shumti deri me tani qeveria i ka plotesuar nevojat per shpenzime me borxh te brendshem me afat kthimi jo me shume se nje vit. Ministria e Financave, ne kuader te hedhjes ne treg te instrumentit te ri te letrave me vlere, ka bere gati edhe te gjitha modalitetet, te cilat do t'u behen te ditura bankave te nivelit te dyte nepermjet nje shkrese te posacme. Sipas rregullores se financave, subjektet te cilet kane te drejte te marrin pjese ne ankand per blerjen e obligacioneve jane bankat e nivelit te dyte, te cilat kane edhe licencen perkatese per kete proces. Por, nderkohe, obligacionet mund te tregtohen ne tregun sekondar ndermjet bankave, individeve etj. Interesi i obligacioneve do te jete i ndryshueshem, bazuar ne mesataren e interesave te bonove te thesarit me afat maturimi 1-vjecar.

Si llogaritet interesi

Interesi i obligacionit 7-vjecar do te llogaritet mbi bazen e interesave mesatare te ponderuara te 3 ankandeve te fundit te emetuara perpara zhvillimit te ankandit te obligacioneve. Nderkohe qe shtesa mbi interesin do te percaktohet nga rezultati i ankandit. Bankat do te marrin pjese ne ankand me opsionet e ndryshme te marzhit per shuma te ndryshme te ofruara, bejne te ditur burimet ne Ministrine e Financave. Keshtu vlera me e larte e ketij marzhi e pranuar nga Ministria e Financave plus interesin e ndryshueshem perben kuponin, i cili do te zbatohet ne menyre uniforme per te gjitha kerkesat fituese. Emetimi i obligacioneve e afat maturimi 7-vjecar nga ana tjeter eshte nje sinjal se, ekonomia vendase e ka kaluar fazen e veshtire te tranzicionit. Edhe bankat e nivelit te dyte kane filluar te ofrojne sherbimet e kursimeve me afat maturimi 5-vjecar dhe te kredive me afat kthimi 15 deri ne 20 vjet. Kjo shperndarje e borxhit ne vite pritet te ule efektet shok ne interesat e bonove te thesarit ne periudha te caktuara dhe sidomos ne fund te vitit, jane shprehur zyrtaret e Ministrise se Financave.

Titulli: Re: Ekonomi... Fri Dec 07, 2007 11:04 pm

Janar 2008, kompanite standarde te reja raportimi
E Premte, 07 Dhjetor 2007

Duke filluar qe nga 1 janari 2008, institucionet financiare (bankat dhe shoqerite e sigurimeve) dhe shoqerite e tjera tregtare do te raportojne bilancet e tyre sipas standardeve Nderkombetare te Kontabilitetit e Raportimit Financiar. Lajmin e dha ministri i Financave, Ridvan Bode, gjate nje takimi ne kuader te forcimit te standardeve te raportimit financiar per sipermarrjet private dhe publike do te jete zbatimi i Standardeve te reja Kombetare te Kontabilitetit e te Raportimit Financiar. Ministri Bode tha se shoqerite e tjera do te zbatojne standardet kombetare te pergatitura, duke iu referuar standardeve nderkombetare. Sipas tij, ne jemi te angazhuar per krijimin e nje sherbimi te standardeve evropiane dhe po punojme per hartimin dhe zbatimin e nje kuadri ligjor modern per financat publike, ne perputhje me standardet nderkombetare. "Reformat, qe do te ndermerren ne kete fushe, synojne permiresimin e sistemit te raportimit financiar nga sipermarrjet private dhe publike, minimizimin e informalitetit, rritjen e transparences fiskale te qeverise dhe mbrojtjen e interesave te publikut ne teresi", tha Bode.

Titulli: Re: Ekonomi... Fri Dec 07, 2007 11:05 pm

Televizoret, “Samsung” kryeson ne treg
Dhjetor 2007

“Samsung” eshte marka me e perhapur e televizoreve ne vendin tone. Gati nje ne dy televizore qe perdoren aktualisht ne Shqiperi mban logon “Samsung”. Sipas nje studimi te kryer kohet e fundit, u konstatua se 86 ne 200 qytetare qe dispononin televizore e kishin pikerisht te markes “Samsung”. Po ashtu, 80 prej tyre do te preferonin perseri kete marke ne rast se do te blinin nje televizor te ri. Pra gjigandit koreanojugor te televizoreve i takon 43 per qind e tregut vendas. Me pas vijojne markat e tjera prestigjioze si “Sony”, “LG”, “Panasonic”, “Sharp” dhe “Philips”.

Tendenca e ketyre koheve konfirmon rritjen e interesit te shqiptareve per t’i shtuar ambienteve te shtepise televizoret e fjales se fundit te teknologjise, me ekran te sheshte apo plazma, duke zevendesuar televizoret tradicionale me ngjyra (konvencionale). Sipas te njejtit studim, mesohet se 95 per qind e personave te pyetur kane momentalisht nje televizor konvencional. Nderkaq nga statistikat e shitjeve ne tregun vendas keto gjashte muajt e fundit rezulton se pothuajse gjysma e televizoreve te shitur jane me ekran te sheshte apo plazma. Revolucioni i shume viteve me pare kur televizoret bardh e zi dolen nga skena duke i lene vendin kolorit, po perseritet me televizoret LCD dhe plazma, te cilet po perqafohen nga tregu me nje shpejtesi te madhe. Elegante ne pamje dhe dizajno, keta televizore ofrojne edhe kualitetin me te mire te videos dhe audios. Gjithashtu, keta televizore pershtaten me se miri me strukturen e re te transmetimit dixhital te definicionit te larte (HD).

Sipas drejtores se marketingut te kompanise me te madhe te shitjes se elektroshtepiakeve, Johana Korimi, kerkesa per televizoret me ekran te sheshte po rritet perdite. Markat me te vleresuara ne tregun shqiptar jane “Sony”, “Sharp”, “Samsung”, “LG” etj. Tregtia me pajisjet elektroshtepiake ne vendin tone po njeh rritje. Teknologjite e reja qe ndryshojne me shpejtesi, mberrijne ne tregun shqiptar ne te njejten kohe me pjesen tjeter te Evropes. Shtimi i games se produkteve elektroshepiake ka krijuar hapesira per cmime me prane xhepit te konsumatorit.

Titulli: Re: Ekonomi... Fri Dec 07, 2007 11:05 pm

Bllokohet makina me bolier solari
Dhjetor 2007

Policia e Fierit bllokon nje automjet tip “Nissan Pajero”, i cili kishte te montuar nje bolier me kapacitet 300 litra, qe dyshohet se perdorej per vjedhje te solarit ne zonen e Patosit. Mjeti eshte hasur ne vendin e quajtur “Vija e Ngjales”, ndersa ne karroceri eshte vene re i modifikuar nje bolier. Automjeti eshte braktisur prej drejtuesit, ne kohen kur eshte pikasur nga nje patrulle policore gjate oreve te para te mengjesit te djeshem. Burimet zyrtare pohuan per gazeten se ne rrugen dytesore, qe lidh fshatin Sheqishte me Fierin, u bllokua mjeti me targa VL3932A dhe u identifikua pronari qe u shpall ne kerkim. Drejtuesit i eshte bere shenje per te ndaluar, por ka refuzuar, duke mos iu pergjigjur postbllokut. Ne vendngjarje ka shkuar edhe nje grup ekspertesh qe ka kryer hetimet per kete rast. Gjate keqyrjes se mjetit eshte vene re se sedilet e pasme ishin hequr dhe ne vendin e tyre ishte montuar nje bolier me kapacitet 300 litra dhe dy zorra, qe perdoreshin per te shkarkuar solarin. Ekspertet kane marre gjurmet e gishtave te gjetura ne mjet.

Titulli: Re: Ekonomi... Fri Dec 07, 2007 11:06 pm

Priten emigrantet, nuk ka certifikata
Dhjetor 2007

Gjirokaster - Prej dy ditesh, qytetaret e Gjirokastres nuk mund te pajisen me certifikata ne sportelet e gjendjes civile ne bashkine e qytetit. Aktualisht zyrat e gjendjes civile ne bashki nuk disponojne me kontingjente certifikatash per te pajisur qytetaret e interesuar. “Perpara nje muaji ne kemi vendosur ne dijeni Drejtorine e Pergjithshme te Gjendjes Civile ne lidhje me problematiken e kontingjenteve te pakta te certifikatave”, pohojne drejtuesit e gjendjes civile ne bashkine e qytetit. Nderkohe ditet e fundit qytetaret gjirokastrite nuk mund te plotesojne dot dokumentet e ndryshme si shkak i mungeses se certifikatave. Me i ndjeshem behet ky problem per emigrantet qe pritet te mberrijne keto dite ne vendlindje, te cilet ditet e pushimeve do t’i shfrytezojne edhe per plotesimin e dokumenteve te ndryshme per pajisjen me leje qendrimi ne shtetin fqinje, Greqi.

Titulli: Re: Ekonomi... Fri Dec 07, 2007 11:09 pm

Dogana, 71 masa per shmangie nga detyrimet
Dhjetor 2007

Dogana e Elbasanit fshikullon subjektet qe u shmangen detyrimeve doganore dhe qe kane mangesi ne dokumentacion. Sipas drejtoreshes se kesaj dogane, Teuta Balliu, kete fund viti jane rritur kontrollet per abuzime dhe shkelje te Kodit Doganor. Kontrollet jane ashpersuar vecanerisht kohet e fundit, pas konstatimit te disa rasteve qe tentuan te fshehin sasine e mallrave dhe qe kishin parregullsi ne dokumentacion. “Per kete qellim jane organizuar kontrolle treshe edhe me pjesemarrjen e antikontrabandes. Ne disa subjekte u konstatuan parregullsi ne dokumentacionin e shoqerimit te mallrave dhe ne disa te tjera u gjeten me shume mallra nga sa ishin deklaruar. Per keto subjekte u aplikuan gjoba dhe masa ndeshkimore”, tha dje per “Koha Jone” drejtoresha Balliu. Ajo shtoi se gjate muajve te fundit jane ndeshkuar 71 individe dhe subjekte private.

Titulli: Re: Ekonomi... Fri Dec 07, 2007 11:11 pm

Shqiperia, portet si ne Afrike
Dhjetor 2007

Shqiperia bashke me 13 vende te tjera, kryesisht afrikane, paraqitet me performancen me te renduar te transportit detar. Klasifikimi eshte bere dje nga BIMCO, organizata me e madhe e transportit detar, ne lidhje me lehtesirat e levizjes se anijeve ne 106 vende te botes. Flamujt me performancen me negative, paraqiten Shqiperia, Bolivia, Kamboxhia, Kongo, Kosta Rika, Hondurasi etj. Klasifikimi ka marre ne konsiderate nje sere indikatoresh, qe kane te bejne me pronesine ende shteterore, standardet, aderimi ne konventat nderkombetare etj. Klasifikimi i BIMCO eshte bere me qellimin e orientimit te anijeve per destinacionet e tyre te udhetimit. Organizata, qe ka bere klasifikimin, eshte grupimi me i madh privat ne bote i transportit detar. Themelimi i saj daton me 1905 ne Danimarke, ku zoteruesit e 112 anijeve u mblodhen per mundesite e permiresimit te industrise se transportit detar. Qe nga kjo kohe, ajo ka anetare mbi 900 pronare anijesh nga 120 vende te botes.

Vendet me performancen me negative te transportit detare dhe porteve:

Shqiperia
Bolivia
Kamboxhia
Kongo
Kosta Rika
Hondurasi
Kenia
Madagaskari
Mongolia
Koreja e Veriut
Sao Tome dhe Principe
Surineme
Siria
Tailanda

Titulli: Re: Ekonomi... Mon Dec 31, 2007 6:50 pm

Borxhi qeveritar, interesat kapin 8.5%

Interesat e Bonove të Thesarit shkojnë në nivelin më të lartë të gjithë vitit 2007

Interesat e borxhit qeveritar i janë ofruar ndjeshëm nivele më të larta të emetuara gjatë viteve të fundit, pavarësisht premtimit të Ministrisë së Financave për një kosto në ulje të borxhit të brendshëm.

Kostoja e borxhit qeveritar ka pësuar një rritje të re gjatë fundit të vitit 2007, periudhë në të cilën bankat duket se janë më të interesuara për të drejtuar në favor të tyre interesat në rritje. Në ankandin e fundit të zhvilluar gjatë ditës së djeshme nga ana e BSH-së, interesat e bonove të emetuara kanë arritur një nivel në 8.5%. Ky interes është rreth 0.5 pikë përqindje më i lartë se ai me të cilin janë ofruar bonot e thesarit gjatë 2 muajve më parë. Interesat e borxhit qeveritar i janë ofruar ndjeshëm nivele më të larta të emetuara gjatë viteve të fundit, pavarësisht premtimit të Ministrisë së Financave për një kosto në ulje të borxhit të brendshëm.

Kontrolli mbi borxhin qeveritar

Megjithëse Banka e Shqipërisë mbetet një nga mbajtësit kryesorë të borxhit qeveritar, pjesa tjetër e këtij borxhi kontrollohet nga pak banka të nivelit të dytë, që në raste të caktuara mundohen që të shfaqin ndikimin e tyre në përcaktimin e interesave. Gjatë gjithë vitit 2007 Ministria e Financave ka paraqitur skemën e saj për rritjen e afatit të maturimit të borxhit qeveritar dhe për shtimin e pjesëmarrësve në ankandet e emetimit të bonove të thesarit, që mbeten edhe instrumentet kryesore të marrjes borxh të qeverisë. Por, pavarësisht këtij fakti, kostoja e borxhit qeveritar është e lartë. Niveli prej 8.5% i bonove të thesarit, që në dallim nga depozitat e kthejnë interesin që në fillim të periudhës, mbetet tepër i lartë.

Kredia më e shtrenjtë

Një pjesë e bankave të nivelit të dytë dhe institucioneve të ndryshme financiare e përdorin nivelin e interesave të borxhit qeveritar, si interes bazë për të dhënë një kredi. Mbi këtë interes caktohet një shtesë tjetër interesi për riskun që mbart klienti. Kështu, niveli i interesave të borxhit qeveritar është një nga faktorët kryesorë në caktimin e interesave tregtarë të bankave të nivelit të dytë. Një bankë nuk mund të japë kredi me risk poshtë nivelit të interesave që shet qeveria letrat me vlerë, pasi ajo është e lirë në blerjen e këtyre investimeve në treg.

Titulli: Re: Ekonomi... Mon Jan 14, 2008 7:37 pm

Rritja ekonomike, favore dhe disfavore
E Hene, 14 Janar 2008

Ekonomia shqiptare ka mundesi dhe hapesira per rritje me shume se ritmet aktuale 6 per qind, por kriza e renduar energjetike, qe ka shoqeruar me mosharmonizim reformash ne disa sektore, kane frenuar mundesite reale te mireqenies se pergjithshme. Por, nga ana tjeter, zhvillimet ne sektorin e turizmit dhe sherbimeve ne teresi, bashke me nje tendence pozitive te rritjes eksporteve, pritet t’i japin nje shtyse pozitive ritmeve te rritjes. Te dhenat e bazuara ne parashikime tregojne se Shqiperia se bashku me Rumanine dhe Malin e Zi kane pasur rimet me te larta te rritje gjate ketij viti me 6 per qind. Nderkohe qe parashikimet flasin per nje tendence pozitive gjate viteve ne vazhdim. Sipas Bankes Boterore, ne raportin e perspektives se rritjes globale te ekonomise per vitin 2008 Shqiperia do te kete nje rritje ekonomike 6% kete vit dhe 6.2% gjate vitit 2009. Banka Boterore parashikon nje ngadalesim te rritjes se GDP-se ne ekonomite evropiane, duke theksuar se vetem Shqiperia, Hungaria dhe Turqia bejne perjashtim, ekonomite e te cilave ndryshe nga ato te vendeve te tjera do te vazhdojne te rriten edhe pergjate 2008. Ne vendin tone, rritja ekonomike do te vazhdoje te mbeshtetet ne kerkesen e shumte te brendshme, e cila do te vazhdoje te nxitet nga kreditimi, por edhe nga nje rritje e investimeve publike. Ne vendet e tjera te Evropes, kerkesa e brendshme pritet te ulet ne menyre te lehte nga rritja e forte e koheve te fundit, nga kontributi i konsumit privat dhe renia e investimeve me 0.2% ne 2008. Ekonomia boterore do te kete nje rritje me te ulet gjate 2008 per shkak te paqendrueshmerise financiare, te shkaktuar ne Shtetet e Bashkuara nga kriza e kredive, cmimi i larte i energjise dhe ndryshueshmeria e kursit. Forcimi i kushteve te kredise nderkombetare dhe dobesimi i kerkeses se jashtme, renia e rritjes ekonomike pritet te perfshije te gjithe rajonin e Evropes Juglindore. Ne disa vende, inflacioni eshte rritur, per shkak te kerkeses se larte te brendshme dhe rritja e cmimit te ushqimeve dhe karburanteve e perkeqesuan situaten ekonomike ne Bullgari dhe Rumani.

Mirepo pavaresisht rritjes me te larte se rajoni, Shqiperia mbetet vendi me nivelin me ulet te Prodhimit te Brendshem per fryme, sepse trasheguam nje baze me te ulet se fqinjet nga periudha komuniste.

Ne shkalle nderajonale, rritja ekonomike ne Evropen Qendrore dhe Lindore ka shenuar nje renie ne 6.0% per vitin 2007, nga 6.5% qe ishte ne vitin 2006, e ardhur si pasoje e rritjes se shpejte te kredive dhe pagave reale, qarkullimit te larte te kapitalit dhe hyrjes se madhe te te ardhurave nga emigracioni. Rritja ekonomike ne Shqiperi per vitin 2008 do te mbeshtetet si nga sektori i sherbimeve, qe aktualisht perben dhe pjesen me te madhe te PBB, i mbeshtetur nga sektoret e ndertimit e te industrise, sektore qe po peshojne gjithnje e me teper ne PBB. Sektori i bujqesise gjate gjithe ketyre viteve te ekonomise se tregut ka ndjekur nje trend gradual renes, si per sa i perket peshes se tij ne PBB, ashtu dhe ne kontributin qe ky sektor ka pasur ne rritjen e PBB. Megjithate, potencialet per rritjen jane me te medha se ritmet aktuale 6%.