Flashe nga Shqiperia ...

Titulli: Flashe nga Shqiperia ... Sat Nov 24, 2007 3:59 pm

24 nentor 2007 :

SHKODER. Energjia elektike eshte bere shkak i djegies se plotë të një banesë në lagjen Perlat Rexhepi të qytetit të Shkodrës duke lene pa strehe 8 persona te familjes Bazhdari. Flaket kane perfshire mbreme shtepine 2 kateshe dhe brenda pak minutash eshte djegur gjithcka. Ngjarja e rende ka ndodhur ne momentin qe ka ardhur energjia elektrike mbas orarit te kufizimeve. Fatmiresisht nuk ka pasur te lenduar nga ky zjarr, pasi familja Bazhdari nuk ka qene ne shtepi ne momentin e renies se zjarrit.

--------------------------------------------------------------------------------

TIRANE:Kuvendi miraton kandidaturën e Kryeprokurores së re. Të pranishëm në votim ishin 121 deputet,votimi u krye me kuti ku të gjithë të pranishmit votuan ne mënyrë te fshehtë.

--------------------------------------------------------------------------------

KOSOVE :Merret në shqyrtim përfaqësimi i Serbëve që bojkotuan zgjedhjet. UNMIK dhe institucionet vendore ne Kosovë nuk kanë vendosur akoma se cilët do te jene perfaqësuesit e komunitetit Serb ne komunat që ky komunitet nuk mori pjesë.

--------------------------------------------------------------------------------

TIRANE. Maxhoranca ka kerkuar me insistim që emri i ri i dalë nga Presidenca për Prokurorin e Përgjithshëm të votohet që sot në Kuvend. Seanca plenare e cila kishte nisur pak pas deklaratës së Presidencës ka kërkuar ndërprerjen e punimeve të seancës për tu njohur me CV-në e Ina Ramës. Ndërkaq seanca është pezulluar dhe është mbledhur grupi parlamentar i PS, i cili pritet të dalë me një qëndrim për dekretimin e shkarkimit të Theodhori Sollakut nga ana e Presidentit dhe propozimin e tij të ri, Ina Ramën, që nëse votohet nga Kuvendi do të jetë e para grua në krye të organit të akuzës në Shqipëri.

--------------------------------------------------------------------------------

TIRANE. Sollaku e ka cilësuar vendimin e kreut të shtetit për shkarkimin e tij si plotësim të kapriçove të shefit të tij, Berishës. Sollaku tha në një reagim pas vendimit të presidentit se shkarkimi i tij është rrjedhojë e pazareve brenda maxhorancës, ndërkohë që i kujtoi Topit se duhet të priste më parë vendimin e Gjykates Kushtetuese.

--------------------------------------------------------------------------------

TIRANE. Presidenti i Republikës Bamir Topi ka dekretuar shkarkimin e kryeprokurorit Theodhori Sollaku dhe emërimin në këtë post të Ina Ramës, aktualisht gjyqtare në Apelin e Krimeve të Rënda. Presidenca ka publikuar sot këto dekretime, të cilat janë vendosur pas negociatave te gjata mes 2 krerëve të politikës, Topi dhe Berisha.
--------------------------------------------------------------------------------

TIRANE: Komisioni i reformes zgjedhore shqyrton te hënën 4 opsione. Ditën e hene komisioni për reformen zgjedhore do te shqyrtoje 4 opsione qe jane propozuar nga OSBE per sistemin zgjedhor. Bashkekryetari i komisionit Kastriot Islami tha se secili prej opsioneve prek pragun elektoral te partive,por theksoi se anetaret e komisionit mund te sjellin edhe propozime alternative.
--------------------------------------------------------------------------------

TIRANE. 10 janari do të jetë data e zhvillimit të zgjedhjeve për organet dhe autoritetet drejtuese në Universitete. Ministri i Arsimit dhe Shkencës ka shpallur fillimin e procesit zgjedhor në datën 26 Nëntor 2007, ndërkohë që ky proces do të zhvillohet mbështetur në rregulloren e zgjedhjeve, të përgatitur sipas nenit 94 të ligjit për Arsimin e Lartë.

Titulli: Re: Flashe nga Shqiperia ... Sat Nov 24, 2007 5:43 pm

Estonia: Vendet e Balltikut mbeshtje Shqiperise per ne NATO

Ministri estonez i Mbrojtjes , Jaak Aaviksoo, deklaroi gjate nje konference te perbasheket per shtyp me homologun e tij shqiptar, Fatmir Mediu, se "tre vendet e Kartes se Balltikut (B3) do te mbeshtetsin vedin tone dhe dy vendet e tjera te Kartes se Adriatikut (A3) per anetaresimin e tyre ne NATO". Gjate konferences per shtyp, Ministri Aaviksoo konfirmoi se Estonia do te shkolloje nje pjese te kuadrove ushtarake shqiptare ne Kolegjin e Mbrojtjes se vendeve Balltike ne Talin. Nga ana e tij, Ministri Mediu sqaroi se profesore dhe eksperte te ushtrise estoneze do te perfshihen si lektore ne strukturat akdameike te Mbrojtjes. Estonia njihet si nder vendet Balltike me teknologji te zhvilluar informacioni

24/11/2007

Titulli: Re: Flashe nga Shqiperia ... Sun Nov 25, 2007 3:28 pm

25 nentor 2007

Presidenti, Bamir Topi, udheton pasdite drejt Greqise, per vizite, 3 ditore, me ftese te kolegut grek Karolos Papuljas. Burime nga Athina bene te ditur, se pjesa zyrtare e vizites fillon neser, me takimin Papuljas-Topi, qe pasohet nga bisedimet me kryeministrin, Karamanlis.

Flash Incidenti ne portin e Vlores, ku ne mengjes, trageti i pasagjereve te linjes Vlore - Brindizi u perplas me molin, u shkaktua nga nje manover e gabuar e drejtuesit te tij. Çarja ne pjesen e kiçit, bllokoi per 90 minuta levizjen e mjetit lundrues, “Veronika Line”, tashme te ankoruar. Fatmiresisht, goditja ishte e lehte, duke mos i vene ne rrezik per jeten, pasagjeret, te cilet ktheheshin nga Italia.

Neser, çelet zyrtarisht fushata per zgjedhjet e organeve drejtuese, ne universitetet shteterore te vendit, qe mbahen, më 10 janar te 2008-es. Kandidatet per rektor ose dekan kane mbi nje muaj kohe, te paraqesin platformat e tyre. Nderkaq, me pergatitjen e infrastruktures zgjedhore, merret administrata. Votimet u shpallen, pas nje debati te gjere ndermjet universiteteve dhe ministrise, lidhur me ligjin e ri, te arsimit te larte.

Policia maqedonase ka vene ne pranga nje punonjes se ambasades se Shqiperise, ne Shkup. Shtetasi, me iniciale P.D, 23 vjeç, ndodhej ne nje makine me targa Kosove, me nje person tjeter nga Bllaca. Ende, mbeten te paqarta arsyet e ndalimit, ndersa ne mjetin ku udhetonin, u gjeten dy pistoleta te tipit ‘Glock’ dhe ‘Browing’.

Titulli: Re: Flashe nga Shqiperia ... Thu Nov 29, 2007 8:00 pm

Partia Socialiste shpreh shqetesim per rritjen e cmimit te bukes
Data e Publikimit: 26/11/2007

Partia Socialiste shpreh shqetesimin e saj te vazhdueshem per rritjen e cmimit te bukes. Duke marre ne konsiderate rritjen e cmimit nderkombetar te grurit, Ilir Beqja, nensekretar i programit politik ne PS thote se kete situate mund ta kishte zbutur prodhimi i vendas, por kjo sipas tij eshte e pamundur pasi ky prodhim ze vetem 20% te nevojave. Por edhe kriza energjitike sipas zyrtarit te selise roze e rrit ndjeshem cmimin e bukes dhe perllogaritja eshte 1 kg, me 9 leke. "Duke qene se buka ze 8 perqind te kostos familjare, cmimi aktual do te heqe cdo pensionisti 30 perqind te rritjes se pensioneve, 84 dollare cdo familjeje ose ndryshe 60 milione dollare ne vitin 2008", u shpreh Beqja. PS i kerkon qeverise te nderhyje urgjentisht, per t‘ia lehtesuar kete barre te re shqiptareve, duke ua rikthyer te pakten TVSH-ne, shtese qe do te mbledhe nga shtrenjtimi i cmimit te bukes qe perllogaritet ne 10 milion dollare.

Titulli: Re: Flashe nga Shqiperia ... Thu Nov 29, 2007 8:01 pm

Ankimi i Sollakut: kushtetuesja shtyn shqyrtimin
Data e Publikimit: 26/11/2007

Eshte shtyre me 10 dhjetor shqyrtimi i ankimimit te ish-kreut te akuzes, Theodhori Sollaku ne Gjykaten Kushtetuese. Perfaqesuesi ligjor i Prokurorise se Pergjithshme, Artur Selmani ka kerkuar kohe per t‘u njohur me mire me dokumentacionin dhe faktet e ceshtjes, pasi e ka marre me vonese autorizimin per te perfaqesuar Sollakun ne Gjykaten Kushtetuese. Ish-kryeprokurori i ka kerkuar Kushtetueses qe te anuloje vendimin e komisionit hetimor parlamentar II te drejtuar nga Ferdinand Xhaferri si dhe anulimin e vendimit te Kuvendit qe ka miratuar shkarkimin e tij. Sollaku eshte hetuar edhe ne kohen e ish-presidentit Moisiu dhe Kushtetuesja e ka cilesuar antiligjore komisionin e asaj kohe dhe qe nuk u dekretua nga ish-kreu i shtetit, Alfred Moisiu.Por me ardhjen e ish-nenkryetarit demokrat Bamir Topi ne krye te shtetit, epoka e Sollakut mori fund. Presidenti i ri dekretoi kerkesen e Kuvendit per shkarkim te Sollakut dhe dekretoi Ina Ramen ne krye te organit te akuzes. Ish-gjyqtarja Rama mori pelqimin e Kuvendit duke u votuar me 83 vota si kryeprokuroja e pare femer ne Shqiperi. Burime konfidenciale bene te ditur per "Top News" se Kushtetuesja mund te mos e shqyrtoje ankimimin e Sollakut pasi kryeprokurorja e sapozgjedhur, Ina Rama ka te drejte te terheqe kerkesen pasi nuk perben me konflikt mes institucioneve me zgjedhjen e saj ne krye te organit te akuzes. Ish-kryeprokurori Sollaku mund t‘i drejtohet Gjykates Kushtetuese vetem si individ per shkarkim te padrejte nga detyra.

Titulli: Re: Flashe nga Shqiperia ... Thu Nov 29, 2007 8:03 pm

500 mije banore te Tiranes sot jane pa drita
Data e Publikimit: 26/11/2007

Tirana zhytet sot ne terr. Korporata Elektroenergjetike Shqiptare paralajmeron nderprerjen e energjise nga ora 10:00 deri ne oren 16:00 per nente zona te kryeqytetit. Shkaku i kufizimit te energjise jane punimet qe po behen ne nenstacionin Dinamo qe furnizon afersisht 500 mije banore te Tiranes. Pervec orarit zyrtar te nderprerjes se dritave qe per Tiranen eshte rreth 4-5 ore, kufizimi i energjise gjate dites se sotme ne gjysmen e kryeqytetit do te jete me e madhe. Korporata Elektroenergjetike Shqiptare nepermjet nje komunikate per shtyp informon se per shkak te punimeve per zevendesimin e percjellesit te linjes 35KV te nenstacionit Dinamo do te mungoje energjia elektrike ne disa zona te Tiranes per 6 ore. KESH nuk ka bere me dije se ketij kufizimi do t‘i shtohet ose jo edhe orari zyrtar i nderprerjes se energjise elektrike, e cila ne rast se ky kufizim nuk do te kompensohet me orarin zyrtar te nderprerjeve te energjise do te lere Tiranen per rreth 10 ore pa drita.

» Flashe .....
» Shqiperia , kampione e rryshfetit
» A ju mungon Shqiperia ?
» Shqiperia Socialiste
» Shqiperia - A mendoni te ktheheni ?