Lajme Nga Bota E Muzikes

Titulli: Lajme Nga Bota E Muzikes Wed Sep 19, 2007 2:54 am

Paris Hilton pret në besë Christina Aguileran
Shkruar nga Koha Ditore
e martë , 18 shtator 2007
Christina Aguilera është prerë në besë nga Paris Hilton, e cila publikisht ka bërë të ditur se kolegia e saj, Aguilera, është shtatzënë.

Aguilera (26) është hidhëruar në kolegen e saj, së cilës ia ka thënë në besim se është në rrugë e sipër për t`u bërë nënë. Në natën e ndarjes së MTV shpërblimeve, Paris Hilton para publikut ka deklaruar: “Dëshiroj që të gjithë ta përgëzoni shtatzënën më të re në botë. Të dua, je shumë e bukur”. Pas kësaj Hilton është qortuar nga Aguilera, e cila ka dëshiruar që kjo gjë të mbahet në fshehtësi. Ajo është e martuar me producentin Jordan Bratman nga viti 2005.

Lajme Nga Bota E Muzikes Cristina

Titulli: Re: Lajme Nga Bota E Muzikes Wed Sep 19, 2007 2:59 am

Madonna takohet me Shimon Peresin
Shkruar nga Koha Ditore
e hënë , 17 shtator 2007
Madonna dhe burri i saj, regjisori Guy Ritchie, janë takuar të shtunën pasdite me presidentin e Izraelit, Shimon Peres, në një takim që ka zgjatur më shumë se dy orë në Beit Hanassi në Jerusalem. Sipas zëdhënëses së presidentit, Peres dhe Madonna kanë kremtuar vitin e ri çifut së bashku, dhe i kanë dhuruar njëri-tjetrit libra të shenjtë. Madonna ka fituar një libër të Biblës çifute, ndërsa këngëtarja i ka dhënë presidentit një kopje të librit Zohar, tekst mistik që është edhe baza e besimit Kabbalas.

“Presidenti dhe Madonna kanë diskutuar rreth mënyrës për të avancuar procesin e paqes, si dhe për pajtimin dhe tolerancën në gjithë botën”, ka thënë zëdhënësja e presidentit, Ayelet Frish. “Madonna i ka thënë presidentit se ajo dëshiron që të promovojë këto mesazhe në këngët dhe librat e saj, dhe se për të është shumë e rëndësishme që të edukojë fëmijët e saj me këto ide. Ajo po ashtu ka thënë se takimi me presidentin Peres dhe pritja e vitit të ri çifut së bashku, për të ka qenë një ëndërr e kamotshme që më në fund i është plotësuar”, ka shtuar ajo.
Madonna ka arritur në Izrael të mërkurën, por nuk ka folur me mediat, dhe takimi ishte i mbyllur për kamerat televizive.

Lajme Nga Bota E Muzikes Madonna17

Titulli: Re: Lajme Nga Bota E Muzikes Wed Jan 16, 2008 3:16 am

Ndalohet nga policia këngëtarja Ingrid Gjoni

Patrullat e policisë kanë intervenuar të martën në mbrëmje në lokalin "Kanon" në Tiranë, prej nga e kanë shoqëruar për në polici, këngëtaren Ingrid Gjoni, për shkak të fyerjeve dhe kundërshtimit që iu ka bërë ajo punonjësve të policisë.
Në një prononcim për Gazetën Shqiptare, Gjoni ka thënë se policia ia kishte bërë për ‘inat’, por ka pranuar se ka pasur një konflikt mes grupit të miqve, me të cilët ajo ndodhej, dhe policisë.
Sipas këngëtares Gjoni, ajo së bashku me 14 miq të saj, përfshi edhe Çiljeta Xhilagën, ishin duke u dëfryer në lokalin “Kanon”, pas spektaklit ‘Miss Globe International’, kur për shkak të një mikeshës së tyre, që siç duket e kishte tepruar me pijen, ka ndodhur incidenti me policinë.
Pas 2 orëve të kaluara në polici, ku e kishte dhënë deklaratën me shkrim, Gjoni është liruar, bashkë me disa miq të saj.

Titulli: Re: Lajme Nga Bota E Muzikes Wed Jan 16, 2008 3:17 am

Këngëtarja Tuna nxjerrë albumin e saj në tetor

Muajt e fundit krahas angazhimit në koncerte dhe mbrëmje të ndryshme, këngëtarja Tuna është duke punuar në përfundimin e albumit të saj – të cilin planifikon të nxjerrë në treg në muajin tetor.
Në një intervistë për revistën “Spektër”, Tuna ka shpjeguar se albumi i saj i ri do të dominohet nga këngët e rrymave muzikore R&B.
Se a do të jenë këngët e saj hite – ajo nuk e di, mirëpo ka thënë se ‘të paktën e di të bëj këngë që do të dëgjohen edhe mbas shumë viteve”.
Sa i përket dashurisë Tuna ka thënë se ajo dashuron 24 orë në ditë dhe çdo sekondë – ndërsa në zemrën e saj dominon një person, “i cili është i pozicionuar aty sepse e ka merituar”.

Titulli: Re: Lajme Nga Bota E Muzikes Wed Jan 16, 2008 3:18 am

Adelina Ismajli shtatzënë, apo jo?

Teknologjia e informacionit, në këtë rast interneti duket se është bërë përgjues mirëfilli ‘havale’ për personazhet VIP, aktorët, këngëtarët, politikanët… Këtij fati nuk i shmangen dot as VIP-at nga Shqipëria apo Kosova, të cilët shpesh bëhën pre e ‘spiunimit’ të çështjeve që prej atyre profesionale deri të jeta private, ku sigurisht një vëmendje të veçantë tërheqin thashethemet.

Këngëtarja nga Kosova Adelina Ismajli, përkundër komenteve për prezencë skenike të papërshkrueshme, për trupin dhe pamjen e saj sfiduese herë-herë e thjeshtë ndërthurur me tradicionale/moderne e herë-herë ekstravagante deri në paragjykim është një shembull i mirë e ‘presë’ së thashethemeve. Por përsëri dyshimet mbeten. Pas thënies së fundit që faktikisht nuk rezultoi si thashethem ku thuhej se Adelina është shkëputur për një kohë të pacaktuar nga të kënduarit pas problemeve serioze me fytin, kësaj here diçka më e dyshimtë ka gjetur ‘shesh’ për t’u përhapur rrufeshëm në trajtën e thashethemit. Sipas lajmit në forume të ndryshme në internet, fjala është për disa kilogramë që këngëtarja ka shtuar kohët e fundit, aq sa ajo ka vendosur të mos dalë më në skenë, duke shmangur kontaktet me publikun. Por jo vetëm kaq, ‘gojët e liga’ e lidhin këtë fakt me një shtatëzani të mundshme të saj. Dyshimet rriten në momentin kur një tjetër thashethem si ai për Diellza Kolgecin, këngëtare, ish-Miss dhe modele në Kosovë e cila mesa duket po e ndihmon këto kohë Adelinën për diçka të paqartë, për të cilën këngëtarja ‘rebele’ ka më shumë se kurrë nevojë për ndihmë. Gjithsesi ende asgje nuk është konfirmuar apo përgënjeshtruar nga Ismajli. Ne të “Bluetooth” kemi provuar të kontaktojmë si me Adelinën, ashtu edhe me të motrën Zanfinën por asgjë. Nisur nga ky fakt, nëse lajmi për shtatzaninë është i vërtetë, gjithcka që mbetët është te zbulohet se kush është babai i fëmijës.

» 10 Miliarderet e muzikes....
» Foto Nga Vipat E Muzikes
» Lajme nga Basketbolli .....
» Lajme nga futbolli ...
» Lajme nga Bisnesi....