Lajme Nga Vendi

Titulli: Lajme Nga Vendi Sat Sep 01, 2007 12:29 am

Dorezohet polici ,plagosi fqinjen per djalin
SHKODËR
Punonjësi i komisariatittë Shkodrës, që një ditë më parë plagosi me armë zjarri një bashkëfshatarin e tij, pas një grindjeje për motive banale, u dorëzua ditën e djeshme tek kolegët e tij, të cilët e kishin shpallur në kërkim.
Policia njoftoi se Sokol Selimi, me banim në fshatin Grizhë të komunës
Gruemirë, në rrethin e Malësisë së Madhe, plagosi një ditë më parë me armë zjarri bashkëfshatarin e tij, Nikoll Thepi. Zëdhënësja e policisë së Shkodrës, Genta Maçi, bëri të ditur dhe motivet e kësaj ngjarjeje, që lidhen me një grindje mes të plagosurit dhe djalit të policit. Nga veprimet hetimore rezulton se i dëmtuari Nikoll Thepi ka rrahur djalin e Sokol Selimit dhe, për këtë, ky i fundit ka bërë ankimim pranë Gjykatës së Rrethit tëShkodrës.
Më pas palët janë takuar dhe në debat e sipër, polici Sokol Selimi ka qëlluar me armën e tij të punës, tip pistoletë TT, bashkëfshatarin Nikoll Thepi, duke e plagosur atë. Mësohet se materialet në ngarkim të policit Selimi do t’i kalojnë Prokurorisë së Rrethit të Shkodrëspërveprenpenale “vrasje,e mbetur në tentativë”.

Titulli: Re: Lajme Nga Vendi Wed Sep 19, 2007 3:04 am

20:00/18.09.07 - Nenshkruhet Marreveshja per lehtesimin e vizave midis Shqiperise dhe BE

Eshte nenshkruar Marreveshja per lehtesimin e vizave ne vendet e BE te qytetareve shqiptare. Marreveshja permban rregullat e meposhtme:

Konteksti politik dhe ligjor

Çështja e vendosjes së një dialogu me BE-në lidhur me problemin e vizave ishte një nga pikat e konkluzioneve të Samitit të Selanikut më 21 qershor 2003, çështje, e cila për një kohë të gjatë mbeti e patrajtuar nga Bashkimi Europian; kjo për shkak kryesisht të hezitimit të madh nga vendet anëtare të bërjes së një hapi të tillë.
Pas shumë përpjekjesh diplomatike nga pala jonë në nivele teknike dhe ato më të larta politike, falë një veprimi të mirëorganizuar në bashkëpunim me vendet e tjera të rajonit, por dhe angazhimit personal shumë të rëndësishëm të Zv.Presidentit të Komisionit, Frattini dhe Komisionerit për Zgjerimin, Rehn, u arrit sensibilizimi i duhur dhe u bë kështu e mundur që në nëntor 2006 Këshilli të autorizojë Komisionin për fillimin e negociatave me Shqipërinë për një Marrëveshje të Lehtësimit të Vizave.
Bisedimet zyrtare u hapën në 13 dhjetor 2006, dhe vazhduan me dy raunde të tjera zyrtare dhe me disa takime informale teknike, për të përfunduar në parafimin teknik të Marrëveshjes në 10 prill 2007 në Bruksel. Ceremonia zyrtare e parafimit u krye në Zagreb më 12 prill 2007 dhe u siglua për palën tonë nga Ministri i Brendshëm, z. Bujar Nishani, ndërsa nga Komisioni nga Zv.Presidenti përgjegjës për çështjet e Brendshme dhe Drejtësisë, z. Frattini.
Marrëveshjet e lehtësimit të vizave për BE-në paraqesin një risi ligjore dhe janë një instrument i ri në kuadër të politikës europiane të vizave afat-shkurtra: kjo bazë ligjore gjendet në programin e Hagës, i cili përbën kuadrin e përbashkët të vendeve anëtare në fushën e sigurisë. Lidhur me vizat në këtë program theksohet se: “BE synon të realizojë një “global approach” për politikën e vizave ndaj shtetasve të vendeve të treta”. Për herë të parë ky instrument u përdor nga Komisioni me Rusinë dhe Ukrainën, me të cilat janë nënshkruar tashmë marrëveshjet e Lehtësimit të Vizave dhe ato të Ripranimit.

Përmbajtja e Marrëveshjes

-Në parim, për të gjitha aplikimet për vizë vendimi për dhënie ose jo do të merret brenda 10 ditëve, në rast se ka nevojë për sqarime të mëtejshme kjo periudhë mund të zgjatet në 30 ditë. Në raste urgjente kjo periudhë mund të ulet në 3 ose më pak ditë;
-Tarifa për vizë do të jetë 35 euro për qytetarët shqiptarë (viza me nje ose disa hyrje). Disa kategori qytetarësh do të përfitojnë viza falas: familjarët e afërt, zyrtarë që marrin pjesë në mbledhje zyrtare, studentë, persona me aftësi të kufizuar, gazetarë, përfaqësues të komuniteteve fetare, profesionistë, punonjës të trenave, pensionistë, fêmijë nën 6 vjeç, raste humanitare, shoferë të kamionave TIR dhe shërbimeve të transportit të pasagjerëve, persona që marrin pjesë në programe shkembimi shkencore, kulturore apo arsimore, si dhe në evenimente sportive dhe kulturore, persona ish-të përndjekur gjatë regjimit komunist;
-Dokumentet që duhen paraqitur për të justifikuar marrjen e vizës dhe qëllimin e udhëtimit do të thjeshtohen për kategoritë e mëposhtme: familjarë të afërt, biznesmenë, anëtarë të delegacioneve zyrtare, studentë, persona që marrin pjesë në evenimente sportive dhe kulturore, gazetarë, persona qe vizitojnë vende varrimi ushtarake apo civile, profesionistë, shoferë të kamionave TIR dhe shërbimeve të transportit të pasagjerëve, persona që duan të udhëtojnë për arsye të mjekimit jashtë, turistë në udhëtime të organizuara, persona ish-të përndjekur gjatë regjimit komunist. Për këto kategori qytetarësh vetëm dokumentet që janë të listuara në marrëveshje do të jenë të mjaftueshme për t’u paraqitur për marrjen e vizës. Asnjë justifikim tjetër, ftesë apo dokument nuk do të kërkohet për lëshimin e vizës, megjithëse ai mund të jetë në legjislacionin e vendeve anëtare;
-Për lëshimin e vizave me shumë hyrje do të ketë lehtësira për këto kategori qytetarësh: (a) për anëtarët e Këshillit të Ministrave, Parlamentit, Gjykatës Kushtetuese dhe asaj të Lartë, anëtarët e përhershëm të delegacioneve zyrtare dhe bashkëshortet e fëmijët e tyre, të cilët vizitojnë qytetarë shqiptarë që jetojnë në vendet anëtare - për këta qytetarë vizat do të jepen me afat 5 vjecar (ose më pak në varësi nga limiti i mandatit të detyrës apo të afatit të rezidencës së personave që vizitojnë); (b) për persona që marrin pjesë në programe zyrtare shkëmbimi shkencore, kulturore, dhe sportive, biznesmenë, përfaqësues të komuniteteve fetare, përfaqesues të shoqërisë civile, profesionistë, shoferë profesionistë dhe anëtarë të ekipit të trenave, studentë dhe persona që udhëtojnë për arsye mjekimi - nëse këta qytetarë kanë marrë më parë një vizë 1 vjeçare me shumë hyrje dhe kane të njëjtat arsye për të udhëtuar në vendet e BE, do t'u lëshohen viza minimumi 2 dhe maksimumi 5 vjeçare;
-Shtetasit shqiptarë të pajisur me pasaporta diplomatike nuk do të kenë nevojë për vizë;
-Për shtetasit shqiptarë të pajisur me pasaporta shërbimi do të vazhdojë aplikimi i marrëveshjeve ekzistuese bilaterale (të nenshkruara deri në 1 janar 2007) për një periudhë 5 vjeçare. Në Deklaratën bashkëngjitur marrëveshjes parashikohet që të ketë një rivlerësim të çështjes së vizave për këtë kategori pasaportash 4 vjet pas hyrjes në fuqi të saj (për Maqedoninë kjo periudhë eshte 2 vjet);
-Pas kërkesës së palës sonë gjatë negociatave, Komisioni pranoi hartimin e deklaratave shtesë marrëveshjes referuar lehtësimit të vizave për aplikantë “bona fide” - ata që prezumohen të jenë të besueshëm - si dhe shtrirjes së kategorisë së familjarëve të afërt dhe për vëllezërit dhe motrat. Eshtë për t’u theksuar se deklarata nuk ka fuqi ligjore, por thjesht udhëzuese për punonjësit konsullorë.

Hyrja në fuqi e Marrëveshjes

Hapat proceduralë të hyrjes në fuqi e Marrëveshjes së Lehtësimit të Vizave Shqipëri/BE si dhe afatet kohore janë;
-Miratimi i Marrëveshjes nga Këshilli i Çështjeve të Brendshme dhe Drejtësisë dhe nënshkrimi i saj në datë 18.09.2007;
-Kalimi i procedurës së miratimit nga Parlamenti Europian “assent procedure”. Komisioni i Çështjeve të Brendshme dhe Drejtësisë (LIBE) ka caktuar tashmë raporteren e saj për këtë çështje, e cila është eurodeputetja rumune e grupit të Liberal-Demokratëve (ALDE), znj. Adina-Joana Valean. Raporti nga Valean do të paraqitet për diskutim para LIBE në datë 2 tetor, dhe do të votohet në 8 tetor, për t’u miratuar në plenare në fund të muajit tetor.
-Me mbylljen e kësaj procedure nga PE, Zyra e Marrëveshjeve pranë Sekretariatit të Këshillit do ta përcjellë për miratim formal (formal adoption) pranë Këshillit në formatin e COREPER ku do të kalojë në axhendë si pikë pa debat dhe më pas do të miratohet nga Këshilli i Ministrave si pikë A (point A, pikë pa debat, pra që mund te kalohet nga çdo format i Këshillit, psh. ai Transporteve, Arsimit, Financave, etj);
-Në datë 13 nëntor 2007 parashikohet që të paraqitet pranë Misionit Nota Verbale që njofton mbylljen e procedurave nga BE për hyrjen në fuqi të Marrëveshjes, dhe nëse edhe pala jonë i ka përfunduar procedurat e saj dhe paraqit një NV ku e njofton Sekretariatin e Këshillit për këtë, në bazë të tekstit të Marrëveshjes ku thuhet: “kjo marrëveshje hyn në fuqi ditën e parë të muajit të dytë pas datës në të cilën Palët njoftojnë njëra-tjetrën që procedurat e përmendura më sipër janë përfunduar” - marrëveshja hyn në fuqi në datë 1 janar 2008.

Përfundime

Nënshkrimi i Marrëveshjes së Lehtësimit të Vizave është një hap i madh pozitiv për lehtësimin e lëvizjes së qytetarëve shqiptarë drejt vendeve të BE-së. Sfidë mbetet zbatimi i marrëveshjes, dhe nga Komisioni, por dhe përfaqësues të Këshillit është shprehur se, nga mbarëvajtja dhe funksionimi i mirë i saj do të varet dhe hapi tjetër, ai i liberalizimit.
Në këtë aspekt mbetet prioritare puna e mëtejshme e strukturave tona për realizimin e hapave konkretë drejt prodhimit të dokumenteve të identifikimit me elemente të lartë sigurie (pasaportat biometrike), hartimi i regjistrit elektronik të shtetasve, sistemi i adresave, kontrolli i menaxhuar i kufijve.
Këto arritje do të prezantohen në vijimësi pranë strukturave komunitare në takimet me të afërta (ceremonia e nënshkrimit të MLV në 18 shtator, takimi BE/Ballkani Perëndimor për Çështjet e Brendshme dhe Drejtësisë më 4-5 tetor, takimi ndërparlamentar 8-9 tetor, etj).
Ndërkohë, funksionimi sa më i mirë i Marrëveshjes së Lehtësimit të Vizave duhet të ndiqet nga takimet e Komisionit të Përbashkët të parashikuar nga Marrëveshja ku dy palët të diskutojnë në mënyrë periodike lidhur me ecurinë e marrëveshjes, problemet si dhe progresin e vërejtur.
Mbi këtë bazë si dhe ecurinë e reformave të kërkuara në vend mund të kalohet në hapin e mëtejshëm, atë të kërkesës për liberalizimin e vizave

Titulli: Masakroi te moshuaren per 500 leke Tue Sep 25, 2007 9:04 pm

TIRANË- Vrasja mizore me një gur pas koke e një 74-vjeçareje, vetëm për t'i vjedhur 500 lekë të reja i ka kushtuar një jetë në burg 23- vjeçarit Gëzim Stenaj. Ky ka qenë edhe vendimi përfundimtar i togave të zeza të Gjykatës së Tiranës, të kryesuar nga gjyqtari Fehmi Petku. Sipas vendimit të tre gjyqtarëve, 23- vjeçari Gëzim Stenaj deklarohet fajtor për kryerjen e veprës penale të "vjedhjes me dhunë, me pasojë vdekjen". Pas dëgjimit të palëve dhe shqyrtimit të provave të sjella nga organi i akuzës rezulton se i pandehuri Gëzim Stenajme banim në Tiranë, ka kryer me dashje veprën penale të "vjedhjes me pasojë vdekjen" e së moshuarës 74- vjeçare, Sofie Biba. Motivi i këtij krimi ka qenë grabitja, pasi ajo po ecte me një çantë ndër duar, brenda së cilës kishte vetëm 500 lekë. 23- vjeçari Stenaj, me një gur në dorë e ka qëlluar mbrapa kokës të moshuarën dhe më pas i ka vjedhur çantën, duke ikur me vrap nga vendi i ngjarjes. Ai është arrestuar më pas nga policia.

Titulli: Shfrytezonte te shoqen si prostitute Wed Sep 26, 2007 11:19 am

Nje shtetas ne Lushnje kishte kthyer te shoqen ne prostitute per interesa fitimi.17 vjecarja me iniciale A.K shfrytezohej ne Tirane nga bashkeshorti i saj 25 vjec.I cili shiste gruan e tij kundrejt nje pagese 2000 leke.Ngjarja e rende ndodhte ne hotelin"kashari"ne afersi te Spitalit Ushtarak

Titulli: Nuk e ndihmoi shteti, femija vdes i semure Wed Sep 26, 2007 1:00 pm

GRAMSH - Nje 13-vjecar nga rrethi i Gramshit ka vdekur dje, pasi nuk arriti te gjente parate e nevojshme per kurimin nga leucemia. Erald Metani me banim ne Galigat te Gramshit vuante prej 3 vitesh nga semundja e rende dhe kryente vazhdimisht transfuzion gjaku. Por kjo procedure nuk mund ta shpetonte nga vdekja. E vetmja zgjidhje ishte kryerja e transplantit te palces ne nje nga klinikat e specializuara perendimore, operacion i cili kushtonte rreth 100 mije euro. Por kerkesat per ndihme drejtuar shtetit, rane ne vesh te shurdher.

Sipas mjekeve 13-vjecari vuante nga patologjia "Lekuze Akute" dhe i nevojitej vazhdimisht transfuzion gjaku, qe te mbijetonte. Per disa kohe ai eshte kuruar ne Tirane, derisa bluzat e bardha e keshilluan Zaim Metanin ta conte djalin ne shtepi. Prej asaj kohe filloi transfuzioni i gjakut cdo tri dite ne spitalin e Gramshit. Largesia nga qyteti dhe gjendja e veshtire ekonomike e kesaj familjeje kane bere qe komuna Pishaj te miratoje nje fond per te perballuar shpenzimet e transportit dhe mjekimeve ne Tirane. Shuma e miratuar nga keshilli i komunes ka qene 30 mije leke te reja, aspak e vogel per buxhetin e pakte te kesaj njesie.

Gjendja e femijes ishte bere gjithnje e me e rende, aq sa kohet e fundit prinderit dhane alarmin se jeta e femijes se tyre ishte ne rrezik. Familja Metani shpenzoi gjithcka kishte, madje vuri ne shitje shtepine per t'i shpetuar jeten djalit. Edhe nje fushate sensibilizuese e bashkemoshatareve te tij per te mbledhur te holla nuk mundi te grumbullonte shumen e kerkuar. Me ne fund i ati i 13-vjecarit Zaim Metani iu drejtua per ndihme qeverise. Por askush nuk beri gje per te shpetuar te miturin.

Erald Metani nuk ka filluar kete vit shkollor, si te gjithe femijet e tjere. Ai prej disa muajsh kishte zene perfundimisht shtratin, duke braktisur edhe bicikleten, shokun e vet me te mire. Sipas prinderve te tij, ditet e fundit ai pyeste se perse nuk mund te shkonte ne shkolle, si gjithe te tjeret, te mesonte, te luante me shoket. Ai iku pa e marre vesh se jeta e tij kushtonte me pak se 100 mije euro.

"Nuk japim fonde se s'ka siguri per rezultatin"

TIRANE - Ministria e Shendetesise, deklaron se eshte njohur me rastin e Erald Metanit por dhe disa te tjereve me te njejten diagnoze, por vlereson se nuk ka dhene fonde te kerkuara kurimi, pasi nuk ka siguri per rezultat ndaj pacientit. Te pyetur dje nga "koha Jone", zyrtare te dikasterit duke refuzuar te citohen me emer, theksuan se operacione te tilla kushtojne dhe se numri i pacienteve qe jane te semure me leucemi eshte i konsiderueshem. Por, dikasteri thote se nuk ka mundur te ofroje ndihmen e saj financiare edhe neper nje shkak tjeter. "Nga vete karakteri i semundjes dhe i operacionit, rezultatet e ketij te fundit jane diskutueshme. Shpenzimet jane rreth 100 mije euro, e megjithate nuk mund te dale askush qe te siguroje se jeta e nje pacienti me leucemi do te shpetohet. Se ai do te mund te shtyje shume vite te jetes se tij si nje njeri tjeter normal". Per zyrtaret ne Ministrine e Shendetesise, jo vetem historia e Eraldit, por edhe e dhjetera femijeve te tjere me leucemi i trondit se tepermi. "Jemi te pafuqishem per t'i shpetuar jo vetem kostoja financiare shume e larte, por edhe nga vete karakteri delikat i semundjes", deklaroi zyrtari i dikasterit, duke shtuar: "Cdo dite ne pavijonin e Hematologjise, por edhe te Pediatrise trajtohen mjaft te semure qe diagnostikohen me kancer ne gjak. Terapite dhe ilacet jane mjaft te kushtueshme, e per fat te keq, jo efikase. Te pakten per nje kohe te gjate". Specialistet e ministrise evidentojne se i semuri me leucemi duhet qe te kryeje transplant te palces se kockes qe te shpetoje, dhe pikerisht ketu nis odisea per kete person dhe familjaret e tij. Fillimisht duhet gjetur palce qe ka perputhshmeri me ate te pacientit. Me pas duhet prenotuar operacioni jashte shtetit, i cili sigurisht kushton shume shtrenjte, dhe me pas ende asgje nuk eshte e sigurt. Sidomos nese semundja ka perparuar. L.Ndoka

LETER BERISHES: "Me ndihmoni si prind!"

Babai i Eraldit, Zaimi, pas nje apeli qe ka bere per te gjithe qytetaret, biznesmenet dhe Ministrine e Shendetesise per t'i dhene nje mundesi djalit per te kryer operacionin e shtrenjte ne Turqi, ne korrik te ketij viti vendosi t'i drejtohet Kryeministrit te vendit per ndihme. Ai i shkroi nje leter Berishes, ku i kerkon ndihme. "Nese si Kryeminister keni shume pune per te bere dhe nuk mund te merreni me hallet e problemet e cdo personi ne kete vend, atehere veconi rastin e djalit tim, kete here, duke qene dhe duke menduar si prind",- thuhej ne letren e tij. "Ju lutem, me ndihmoni sa nuk eshte vone. Djali im ka nevoje per shtetin dhe ne rast se nuk kryhet ai operacion, atehere femija im 13 vjec nuk mund te jetoje me shume se disa muaj". "Edhe sikur te shes shtepine, bagetite dhe gjithcka nuk do t'i bej kurre aq pará",- shprehet babai i 13-vjecarit. Ne letren drejtuar Kryeministrit, Zaimi kerkonte qe te pakten Ministria e Shendetesise, me mundesite e saj, te beje te mundur qe te perballohen shpenzimet e nderhyrjes kirurgjikale ne spitalin turk. Vete familja ishte gati te perballonte shpenzimet e tjera me borxhe.

Komuniteti mblodhi fonde per Eraldin

Familja Metani jeton shume larg qytetit te Gramshit ne fshatin Galigat te komunes Pishaj dhe i eshte dashur te udhetoje per transfuzionin e gjakut ne spitalin e Gramshit. Babai i Eraldit, Zaimi, tregon se e ka derguar femijen ne Tirane per mjekim, ku ka qendruar per disa kohe. Ai i ka bere thirrje ministrit te Shendetesise, Nard Ndoka, deputetit Elmaz Sherifi, ish-prefektes Mimoza Hasekiu per te bere te mundur qe Eraldi te shkoje jashte vendit per te realizuar transplantin e palces. Njekohesisht nga biznesmene dhe nxenes shkollash filloi nje nisme per mbledhjen e ndihmave per t'i shpetuar jeten 13-vjecarit, te semure nga leucemia, Erald Metani. Nisma e ndermarre nga Edmond Guri u perkrah nga nxenesit e shkolles se fshatit Pishaj dhe te fshatrave perreth. Por keto jane zona teper te varfra. Ndersa interesimi i komunitetit te zones ka qene i madh, ai nuk arriti dot te siguronte shumen e nevojshme per te perballuar semundjen e tmerrshme.

Titulli: Burri përdhunon bashkëshorten në kasolle Wed Sep 26, 2007 2:28 pm

Kukes- Mungesa e ambienteve të shtëpisë për të bërë jetë normale seksuale ka shtyrë deri në çmenduri një 52-vjeçar nga Kukësi. Në mesnatë e ka futur me forcë bashkëshorten e tij tek kasollja e bagëtive. E ka lidhur me litar dhe e ka detyruar me forcë të kryejë marrëdhënie seksuale (seks anal) me të. Pasi ka shfryer epshet shtazarake, Isuf Velia ka zgjidhur qenin e shtëpisë nga zinxhirët dhe ia ka sulur nënës së fëmijëve të tij. Ulërimat e viktimës kanë zgjuar nga gjumi fëmijët, të cilët të shokuar kanë shpejtuar t’i vijnë në ndihmë së ëmës. Por, 52-vjeçari në gjendje të thellë depresive pohohet të ketë tentuar të përdhunojë edhe vajzën e tij 20-vjeçare. Ngjarja e rëndë ka ndodhur në fshatin Malzi të rrethit të Kukësit. Por, 52-vjeçari në gjendje të thellë depresive pohohet të ketë tentuar të përdhunojë edhe vajzën e tij 20-vjeçare. Ngjarja e rëndë ka ndodhur në fshatin Malzi të rrethit të Kukësit. Pas denoncimit të nënë e bijë, mëngjesin e djeshëm është bërë i mundur arrestimi i autorit të krimit. Burime nga Drejtoria e Policisë së këtij qarku bëjnë me dije, se ngjarja ka marrë shkas, pasi viktima ka kundërshtuar të kryejë marrëdhënie seksuale me burrin e saj jashtë ambienteve të banesës dhe konkretisht në ahur. Nga ana tjetër dyshohet se Isuf Velia mund të vuajë dhe nga probleme mendore. Uniformat blu po punojnë për zbardhjen e plotë të rrethanave të kësaj ngjarje. Isuf Velia akuzohet për “kryerje të marrëdhënieve seksuale me dhunë”, “kanosje” si dhe për “tentativë të kryerjes së marrëdhënieve seksuale me dhunë me të mitur”.
PËRDHUNIMI
Varfëria dhe kushtet e këqija ekonomike në familje e kanë privuar Isuf Velinë edhe nga jeta e rregullt seksuale. I stresuar nga hallet e ditës dhe i ndier bosh nga momentet e bukura dhe shumë të natyrshme të jetës bashkëshortore, ai është mbërthyer nga depresioni. Me rritjen e fëmijëve, prej kohësh ai nuk kishte gjetur qoftë dhe një moment që të rrinte vetëm me të shoqen e të bënte dashuri. Në orët e vona të mbrëmjes të së shtunës ai i ka thënë gruas së tij që të kryenin marrëdhënie seksuale. Kjo e fundit ka kundërshtuar duke thënë se në banesë ishin fëmijët dhe se atë natë i kishte ardhur për vizitë dhe vajza e madhe që e kishin të martuar. I lënduar tejet në sedër, kryefamiljari është tërbuar. Në mesnatë, kur fëmijët kishin rënë në gjumë, ai e merr me përdhunë të shoqen dhe e fut në kasollen e bagëtive. Me duart si ganxha hekuri e ka lidhur bashkëshorten me litar dhe më pas e ka përdhunuar. Por Isuf Velia nuk është mjaftuar me kaq. Me duart që i dridheshin nga nervozizmi, ka shkuar në oborr ku mbante qenin. Ai e ka zgjidhur kafshën dhe ia ka sulur të shoqes. E tmerruar, kjo e fundit ka nisur të kërkojë ndihmë. Në moment kanë dalë nga banesa dy djemtë e çiftit Velia, përkatësisht 14 e 7 vjeç, vajza e vogël (20 vjeçe) si dhe vajza e madhe e martuar që atë natë kishte ardhur për vizitë. Fëmijët kanë mbrojtur nënën e tyre. Në këto kushte 52-vjeçari i është vërsulur vajzës së tij 20-vjeçare. Ai ka tentuar ta përdhunonte edhe atë duke prekur në vende intime në mënyrë agresive. Vajza ka mundur t’i shpëtojë nga duart dhe bashkë me nënën, motrën dhe dy vëllezërit kanë ikur nëpër errësirë duke e kaluar natën në mal.
ARRESTIMI
Mëngjesin e djeshëm nënë e bijë kanë bërë denoncim në Komisariatin e Policisë së Kukësit. Menjëherë uniformat blu kanë shkuar në vendngjarje dhe kanë vënë në pranga Isuf Velinë. Gjatë marrjes në pyetje ai nuk ka pranuar të thotë asnjë fjalë. E ndërsa bashkëshortja dhe vajza e tij kanë treguar me detaje për ngjarjen, 52-vjeçari ka preferuar t’i dëgjojë në heshtje pa bërë asnjë reagim në lidhje me akuzat e bëra ndaj tij për “përdhunim dhe kanosje për jetën”. Sipas policisë, dyshohet që kryefamiljari Velia të mos jetë mirë mendërisht. Do të jetë ekspertiza e mjeko-ligjorëve që do të zbardhë këtë dyshim.

Ps:u prish bota

Titulli: Re: Lajme Nga Vendi Wed Sep 26, 2007 8:38 pm

FMN kërkon nga KESH-i realizim të plotë objektivash
26/09/2007 Misioni i FMN-së gjykon se janë aplikuar më pak kufizime se në Plan-Veprim

Ndërmarrjet e Ujësjellësve nuk kanë shlyer akoma borxhet ndaj koorporatës. Ndërsa FMN ka lëshuar kritika ndaj saj. Objektiva të parealizuara, të cilat janë definuar ca më keq edhe nga thatësira, që mbërtheu vendin gjatë stinës së verës, janë arsyet që FMN solli si argumente për përkeqësimin e situatës edhe në KESH. Kështu, sipas shefit të misionit të FMN-së në vendin tonë, Gervin Bell, i cili aktualisht është duke shqyrtuar mundësitë dhe objektivat e ardhshme të qeverisë shqiptare në lidhje me buxhetin pasues, situata energjetike aktualisht është e përkeqësuar. Në këtë mënyrë, sipas gjykimit të fondit, janë bërë realisht hapa pas në këtë fushë, e cila kërkon nevojën e rimarrjes së vetes dhe realizimit të objektivave të vendosura për këtë institucion. Megjithatë, sipas tij, kufizimet e ekzekutuara janë më pak siç ishin planifikuar në PLAN-Veprimin për këtë institucion.

Gjykimet

“Pavarësisht nga përpjekjet e mirëpritura të ndërmarra nga drejtuesit e KESH-it, do të nevojiten masa të tjera në sektorin e energjisë elektrike”, kështu ka deklaruar shefi i misionit të FMN-së, Bell. Sipas tij, po realizohen objektivat për arkëtimet dhe humbjet në bazë të Plan-Veprimit të sektorit të energjisë, përveç arkëtimeve nga ndërmarrjet e ujësjellësve. Ai theksoi, gjatë fjalës së tij, se në këtë kuadër, FMN mirëpret shlyerjet e borxheve të para vitit 2007 që kanë institucionet e sektorit publik ndaj KESH-it.

“Gjithsesi, kufizimet e energjisë elektrike këtë vit kanë qenë më të pakta sesa ishin parashikuar në Plan-Veprimin. Nisur nga kjo dhe nga ndikimi i pafavorshëm i thatësirës mbi prodhimin e energjisë elektrike, do të nevojiten masa të tjera të rëndësishme për të mbrojtur buxhetin e vitit 2007”, theksoi shefi i misionit të FMN-së. Këtu ai përfshiu fokusimin më të mirë të kufizimeve, rritje të çmimit të energjisë elektrike, si edhe përmirësimet e mëtejshme në performancën e arkëtimeve dhe humbje të KESH-it.

Bode

Gjithashtu, në lidhje me çështjen e KESH-it, ministri Bode gjatë takimit të djeshëm, u shpreh se nuk do ketë kontigjenca të adresuara as për KESH-in dhe as për të tjerë. “Ne e dimë shumë mirë që po e vumë kontigjencën sot, nesër KESH-i vjen me faturë për të marrë paratë”, u shpreh Bode. Sipas tij, KESH-i do të marrë aq para sa do të dalin llogaritë në bilancin e shitjeve dhe blerjeve, të prodhimit dhe të çmimeve të blerjes. Ai sqaroi se, të gjitha ato mosrealizime në strategjinë e bërë dhe që vijnë për shkak të humbjeve në rrjet nuk do të financohen. Ato që vijnë nga rënia e faturave të arkëtuara nuk do të financohen dhe gjithçka tjetër që lidhet me keqadministrimin, me daljen jashtë parametrave të rëna dakord në marrëveshjen e bërë si qeveri me KESH-in dhe partnerët ndërkombëtarë janë çështje që do t’i mbeten në kurriz KESH–it. “Ne si qeveri po bëjmë maksimumin për të mos krijuar asnjë prapambetje në likuidimin e faturave. Nuk ka asnjë institucion shtetëror asnjë faturë të papaguar ndaj KESH-it. Kemi likuiduar faturat e pretenduara të të gjitha ndërmarrjeve publike, të cilat sot nuk ekzistojnë”, deklaroi Bode.

Shlyerjet

Gjithashtu, ai bëri të ditur se ministria është duke ndjekur me vëmendjen duhur dhe situatën e krijuar me ndërmarrjet e ujësjellësve, ku është kërkuar të bëjnë pagesën e energjisë dhe të mos krijohen më detyrime të reja nga këto kompani. “Atë pjesë që ne japim si subvencion për ujësjellësit sigurisht që ia kalojmë drejtpërdrejt KESH-it për të eliminuar lidhjet e detyrimeve që krijohen në ndërmarrjet e ujësjellësve”, shtoi ai. Bode bëri të qartë se ministria është duke ecur me këtë program dhe nuk mund të parashikojë se sa do t’i japë KESH-it, pasi edhe mund të mos i japë, por të marrë taksat dhe tatimet që këtë vit nuk janë marrë.

Kufizimet

Sipas FMN-së, kufizimet e energjisë elektrike këtë vit kanë qenë më të pakta sesa ishin parashikuar në Plan-Veprimin. Nisur nga kjo dhe nga ndikimi i pafavorshëm i thatësirës mbi prodhimin e energjisë elektrike, do të nevojiten masa të tjera të rëndësishme për të mbrojtur buxhetin e vitit 2007.

Borxhet

Sipas FMN-së, po realizohen objektivat për arkëtimet dhe humbjet në bazë të Plan-Veprimit të sektorit të energjisë, përveç arkëtimeve nga ndërmarrjet e ujësjellësve. Në këtë kuadër, FMN-ja mirëpret shlyerjet e borxheve të para vitit 2007 që kanë institucionet e sektorit publik ndaj KESH-it.

Kontigjencat

Sipas ministrit, Bode nuk do ketë kontigjenca të adresuara as për KESH-in dhe as për institucionet e tjera, nga ato kontigjenca që janë caktuar për buxhetin 2008. “Ne e dimë shumë mirë që po e vumë kontigjencën sot, nesër KESH-i vjen me faturë për të marrë paratë”, u shpreh Bode.

Titulli: Re: Lajme Nga Vendi Wed Sep 26, 2007 8:41 pm

Bode, qeveria do të ruajë parametrat e inflacionit

26/09/2007
Ministri i Financave Ridvan Bode pohon se drejtimi i përcaktuar i parave të shumta të qeverisë në projekte konkrete mjafton tashmë në luftën kundër prirjeve inflacioniste në vend. Sipas tij, fakti që Ministria e Financave do të shpenzojë në një periudhë të tanishme deri në fund të vitit një sasi të madhe parash, para të cilat parashikohen të shpenzohen pikërisht në objekte që kanë një kundërpart material, siç janë investimet publike në infrastrukturë, dëshmon për hapa antiinflacionit. “Pra që nuk janë para të nxjerra në treg në formë inflacioniste apo për presion inflacionist, por të jenë të detajuara pikërisht në objektet e investimeve. Kjo është strategjia që ne po ndjekim për të mos qenë burim i një inflacioni”, deklaroi Bode gjatë konferencës së djeshme mbi çështjen e buxhetit 2008. Sipas tij, çështjet që lidhen me inflacionin janë gjithashtu çështje që vijnë nga tregu ndërkombëtar dhe nuk vijnë nga politikat e taksave. “Në një periudhë të përgjysmimit të taksave, sigurisht që presioni i inflacionit prej taksave përgjysmohet dhe këto janë kontributet që mund të japë një qeveri e mirë në këtë tregues të ekonomisë”, shtoi ai. Bode sqaroi se ajo që bën Ministria e Financave dhe qeveria është që në vetvete gjithë procesi i ekzekutimit të buxhetit të bëhet në një formë që të ketë sa më pak presione inflacioniste dhe të ketë vetëm impakte për zhvillimin dhe nxitjen e ekonomisë. Gjatë fjalës së tij, ministri i Financave, theksoi se për buxhetin që vjen ministria do t’u përmbahet edhe parametrave dhe objektivave lidhur me inflacionin, ndërkohë që muajin e fundit ka pasur një rritje të lehtë të inflacionit, për shkak të ardhjeve të mëdha të turistëve dhe të impakteve që japin disa rritje të koniunkturës ndërkombëtare të çmimeve siç janë ato të drithërave, karburanteve etj. “Megjithatë, janë marrë masat që gjithçka të mbetet brenda objektivave dhe parametrave të programuara në fillim të vitit”, sqaroi ministri Bode.

Çmime të larta apartamentesh, shkak mungesa e gjatë e lejeve
26/09/2007 Këshilli bashkiak të premten

Pritet caktimi i anëtarëve të KRRT-së

Ndoshta kësaj here këshilli bashkiak ka vendosur të gjejë gjuhën e bashkërisht të sjellë në punë valvulin e shpëtimit për një institucion të bllokuar që prej një viti. Kështu, ndërsa pritet që ditën e premte të mblidhet këshilli, pritet të mblidhet edhe forca për të shfaqur peshë nga e tija në jetën plot interesa të qytetarëve shqiptarë. Megjithatë, nuk dihet asgjë më tepër se një shenjë e thjeshtë takimi të përcaktuar të institucionit dhe ca amendime mbi ecurinë e këtij takimi, i cili ka brenda edhe mundësinë e caktimit të një rrugëzgjidhjeje edhe për KRRT-në. Kështu, mendohet se në takimin pas dy ditëve, këshilli bashkiak të marrë vendime edhe mbi përzgjedhjen e përfaqësuesve në qarqe. Bëhet fjalë për anëtarët e shumëpritur të Këshillit të Rregullimit të Territorit, të cilët për të fituar një status të tillë u duhet të kalojnë pragun e 3/5-ve të votave të anëtarëve të këtij Këshilli. Në këtë mënyrë, kjo pikë paraqet për inercinë e kurrikulës së anëtarëve të KRRT-së, një vështirësi në vijimësi të procedurës. Një fakt i tillë nënkuptohet pikërisht për faktin e miratimit të këtyre anëtarëve, për të cilët lipset domosdoshmërish rezultati i suksesshëm, si fryt i një mirëkuptimi të gjerë mes anëtarëve, të cilët përbëjnë këshillin bashkiak. Këshilli i Rregullimit të Territorit përbëhet nga 21 anëtarë, ku 9 prej tyre burojnë nga Bashkia dhe 12 të tjerë zgjidhen nga qeveria. Pikërisht natyra e kësaj përbërjeje, si dhe përplasjet me anëtarët çuan në bllokimin e këtij institucioni. Ndërkaq, siç dihet, në këshillin bashkiak përfshihen në mënyrë të barabartë përfaqësues nga të dyja forcat politike, si dhe përfaqësues nga gjendja civile, që përfaqësojnë pikërisht kampimin e pavarur. Një fakt i tillë shtron edhe nevojën e ngritjes së një emëruesi të përbashkët dhe pohimesh pozitive nga ana e anëtarëve të këshillit bashkiak në favor të një të mire të përbashkët. Megjithatë, pritet përfundimi i mbledhjes së radhës të këtij këshilli, e cila do të zhvillohet të premten, më 28 shtator.

Bllokimi i KRRT-së, çmime të larta të ndërtesave e krizë sociale si pasojë e papunësisë

Brenda 6 muajve rriten çmimet me 30 për qind
Sektori i ndërtimit në kryeqytet ka rënë prej kohësh në stanjacion duke përfituar nga kjo gjendje boshe edhe efektet e çmimeve ekstreme. Kjo ndodh pikërisht për shkak të mosfunksionimit prej kohësh të KRRT-së si në kryeqytet dhe në rrethet e tjera. E ndërsa një vit më parë janë dhënë vetëm 54 leje ndërtimi, ose vetëm një e treta e lejeve të parashikuara, gjatë këtij viti, për shkak të mosfunksionimit të KRRT-së, nuk është miratuar asnjë leje. Si rrjedhojë, bllokimi i ndërtimeve ka sjellë ulje të kapaciteteve të ndërtimit, rritje të çmimeve dhe ulje të të ardhurave buxhetore. Kështu, prej pothuajse gjashtë muajsh, në të gjithë Tiranën ka një rritje prej rreth 20-30 për qind të çmimeve të apartamenteve. E njëjta prirje vihet re dhe në komunat përreth kryeqytetit, ku çmimi i një metri katror shkon deri në 650 euro. Rrjedhimisht, rritja e çmimeve ka sjellë dhe ulje të kërkesës. Sipas agjencive imobiliare, krahasuar me një vit më parë, kërkesa për të blerë apartamente ka rënë me rreth 40 për qind, shifër e cila në çmim përkthehet në çmime blerjesh të rrëzuara me 35-40$.

Çmimet

Sipas të dhënave nga agjencitë imobiliare, mësohet se çmimet e apartamenteve në zonën qendër-bllok, dhe zonën e RTSH-së janë nga 1400 deri në 2000 euro/m2. Ndërkaq, sipas të njëjtit informacion, bëhet e ditur së në zonën e unazës së vogël, çmimet e apartamenteve variojnë nga 600 euro/m2 deri në 750 euro/m2. Në zonën e Yzberishtit mësohet nga agjentët imobiliarë se çmimet janë aktualisht 400 euro m2 deri në 450euro/m2. Kurse për zonën e Dajtit këto çmime lëvizin nga 450 euro/m2 deri në 530euro/m2 dhe tek zona e liqenit nga 600-750euro/m2, të cilat cilësohen si çmime maksimale.

Ndërtuesit

Këshilli i Rregullimit të Territorit Tiranë, nuk ka funksionuar rregullisht që prej mesit të vitit të shkuar, derisa dhe u bllokua tërësisht me datë 21 dhjetor. Përbërja e tij dhe konfliktet politike mes anëtarëve, ishin shkaqet e bllokimit. Nga mosdhënia e lejeve, sipas ndërtuesve të ndryshëm, mendohet që në Tiranë të ketë munguar një investim i më shumë se 300 milionë eurove. Nga kjo shumë 50 apo 60 milionë do të shkonin te punëtorët, dhe një pjesë prej mbi 100 milionë euro si taksa në buxhetin e shtetit dhe buxhetin e bashkisë. Kështu, në lidhje me këtë problem, ndërtuesit shprehen se bllokimi i dhënies së lejeve të ndërtimit dhe i aktivitetit normal të KRRT-së në kryeqytet i ka reflektuar direkt pasojat mbi çmimet e apartamenteve. Bëhet fjalë pikërisht për ato pallate, të cilat janë të ndërtuara dhe qëndrojnë mbi toka, që përfshihen brenda unazës, duke rrethuar kështu edhe qendrën. Por nga ana tjetër, ky fenomen ka nisur të kulmojë për këtë zonë, ku edhe bashkia ka bllokuar dhënien e lejeve, kurse për periferitë, zonat jashtë unazës, çmimet kanë mbetur në nivele të njëjta mesatare. Kjo shpjegohet nga ndërtuesit me arsyen se në këto zona lejet e ndërtimit jepen normalisht dhe aktiviteti i KRRT-vë rezulton normal. Rritjet e çmimeve të apartamenteve janë normalisht shenja të një aktiviteti të bllokuar për dhënien e lejeve të ndërtimit, aktivitet që në fakt duhet të vijonte normalisht. Kështu, me gjithë takimet e shumta të ndërtuesve me drejtues të pushtetit lokal dhe vendor, nuk ka ndodhur zhbllokimi i situatës dhe marrja e një zgjidhje të mundshme. E në vazhdim ndërtuesit shprehin në mënyrë të përsëritur se përveç çmimeve të ndërtimit në Tiranë, mosdhënia e lejeve të ndërtimit ka përgjysmuar edhe numrin e të punësuarve, duke u shprehur për një gjendje të rënduar e me pasoja të rënda.

Çmimet e apartamenteve në Tiranë

Qendër bllok, RTSH 1400-2000 e/m2

Unaza e vogël 600-750e/m2

Yzberisht 400-450e/m2

Dajt 450-530e/m2

Liqeni 600-750e/m2

Rritje të çmimeve muajt e fundit 20-30%

Rënia e blerjeve të apartamenteve 35-40$

KLSH shkelje

Qeveria ka shkelur pa arsye fondin e saj rezervë

Kontrolli i Lartë i Shtetit zbulon akoma gabime, kësaj here të qeverisë. Kështu, bëhet e ditur se në raportin për zbatimin e buxhetit të shtetit për vitin 2006, KLSH-ja ka evidentuar dhe bërë të qartë të vërtetën për shkelje të bëra gjatë procedurave financiare të qeverisë. Bëhet fjalë për denoncimin mbi disa procedura financiare të qeverisë në prekjen e fondit rezervë në disa raste. Kështu, një nga rastet specifike për shkelje të kësaj natyre është vendimi nr. 653 dt. 27. 09. 2006, për lejimin e Kryeministrisë që të përdorë procedurën prokurim i drejtpërdrejtë me shoqërinë "RIDGE, Global LLC" për dhënie shërbim konsulence, për hartimin e strategjisë kombëtare, për sigurinë kombëtare, mirëqeverisjen, mbështetjen për anëtarësimin në NATO dhe luftën kundër korrupsionit, pastrimit të parave dhe kriminalitetit, me vlerë 15, 536 000 lekë. Në raportin në fjalë, theksohet për emergjencën e këtij vendimi me këtë faturë financiare. Gjithashtu, KLSH sqaron dhe argumenton në raport se nuk ka patur as kërkesë apo relacion shpjegues për emergjencën apo pamundësinë e parashikimit të këtij fondi, gjatë planifikimit buxhetor nga institucioni. Po ashtu, në lidhje me këtë çështje mësohet se në vendimin e qeverisë për lëvrimin e fondeve të kompanisë dhe vetë këshilltarit amerikan të Kryeministrit Berisha, Tom Ridge, përveç mënyrës se si është lëvruar ky fond, ka dhe një tjetër element për të dyshuar. Bëhet e ditur, se një nga aspektet për të cilat është lëvruar fondi është edhe shërbimi i konsulencës për hartimin e strategjisë kombëtare, një dokument që është hartuar në vitin 2003 dhe është miratuar nga Kuvendi i Shqipërisë, po në këtë vit. Po ashtu, në raportin e Këshillit të Lartë të Shtetit evidentohen edhe raste të tjera kur fondi rezervë i qeverisë është prekur pa patur kërkesë apo relacion shpjegues mbi këtë veprim. Madje mësohet se ky fond është prekur edhe pa patur emergjencë, si është rasti i vendimit të qeverisë për një shtesë fondi në vitin 2006, me vlerë 10 milion lekë, me qëllim dhënien e mundësisë Drejtorisë së Shërbimeve Qeveritare të rikonstruktojë rezidencën qeveritare në Pogradec. Pikërisht ky rast, siç thuhet në raport, nuk përbën ndonjë emergjencë apo pamundësi gjatë procesit të planifikimit buxhetor.

Titulli: Kercenohet per nje vize ambasadori gjerman Sun Nov 04, 2007 11:54 pm

Ish-emigranti kercenon me vdekje ambasadorin gjerman te akredituar ne Tirane per shkak se i eshte refuzuar viza nje jave me pare. Kryediplomati Bernd Borcfardt, vetem pak muaj pasi ka marre detyren e re, rrezikohet nga nje shqiptar i debuar nga Gjermania gjate vitit 2000, per dokumentacione te parregullta. Perpjekjet e deshtuara te shtate viteve te fundit kane derguar ne aktin ekstrem 35-vjecarin Imir Kulla, nga Fushe-Kruja, i cili eshte arrestuar nga antiterrori i policise se kryeqytetit, oret e para te mengjesit te djeshem ne shtepine e tij. “Ju nuk me dhate vizen dhe une do t’ju vras ambasadorin per kete padrejtesi”, ka kercenuar ne nje thirrje telefonike te kryer ne sekretarine e ambasades gjermane, nje jave me pare, i dyshuar. Menjehere per kete ngjarje eshte njoftuar Drejtoria e Policise Tirane dhe agjentet e antiterrorit kane deshifruar thirrjen dhe zerin e personit, duke verifikuar te gjithe listen e personave qe nuk kishin perfituar vize.

Burime zyrtare te policise thane dje, per gazeten “Koha Jone”, se denoncimi ishte kryer nga perfaqesues te ambasades gjermane qe fillimisht kishin telefonuar ne drejtori dhe me pas ishin paraqitur per kallezim. Menjehere dosja i ka kaluar Zyres se Antiterrorit, qe ka gjetur emrin e te dyshuarit Imir Kulla, i cili figuronte edhe i debuar nga Gjermania ne vitin 2000, ndersa kishte aplikuar te pakten tre here te tjera per vize dhe i ishte refuzuar. Rasti i fundit ka qene nje jave me pare, kur ambasadori i ri, Bernd Borcfardt, ka marre nje mesazh kercenues ne telefonin e sekretarise ne gjuhen gjermane. Sipas autoriteteve te ambasades dhe sektorit te vizave, Kulla ishte bere problematik kohet e fundit, pasi kerkonte me cdo kusht te perfitonte nje vize “Shengen” per t’u rikthyer ne Gjermani. Por, sipas rregullave te vendit perendimor, per nje person qe deportohet, nuk leshohet vize te pakten per nje kohe te gjate.

Nuk ka qene e veshtire per agjentet antiterror te zbulonin autoresine e telefonates dhe mesazhit kercenues per ambasadorin gjerman ne Tirane. Fillimisht jane marre ne pyetje punonjesit e sektorit te vizave dhe te dhenat per aplikuesit problematike per viza. Burime policore thane se me pare ne kete ambasade nuk ka patur mesazhe kercenuese, ndaj jane perqendruar te personat te cileve u ishte refuzuar viza. Nje nder ta ishte edhe 35-vjecari nga Fushe-Kruja, Imir Kulla. Mesohet se zeri ne telefon ka perkuar me ate te te dyshuarit dhe pas marrjes ne pyetje i eshte komunikuar akuza e thirrjeve telefonike kercenuese per shkak te cilesive te vecanta ndaj autoriteteve te huaja. Kulla ka rrefyer se ai ishte debuar padrejtesisht nga Gjermania dhe qellimisht nuk i jepnin vizen, edhe pse nuk kishte kryer asnje veper penale. Dosja i ka kaluar prokurorise per vepren penale te “kanosjes”, ndersa pritet edhe nje ekspertize mjeko-ligjore per aftesine mendore te te dyshuarit.

Titulli: Ekzekutimi i tregtarit për hesapet e 97-ës Sun Nov 04, 2007 11:57 pm

TIRANË- Lutfi Shaba, viktima e atentatit të orëve të vona të së premtes dyshohet se është ekzekutuar për një hakmarrje të vjetër të vitit 1997. Kjo është pista kryesore e hetimit të nisur prej 24 orësh nga hetuesit e kryeqytetit. Sipastë dhënave të para të mbledhura nga policia, vrasja e Lutfi Shabës dyshohet të jetë kryer për arsye hakmarrjeje brenda familjes së tij.
Hetimet

Historia e hakmarrjes brenda familjes Shaba mësohet se ka nisur në vitin 1997. Në maj të atij viti, djali i viktimës, Xhuriani, dyshohet që të jetë autor i vrasjes së nuses së xhaxhait, Drita Shabës. Ai është hetuar nga policia në lidhje me këtë çështje dhe dosja ka shkuar në gjykatë. Në tetor të vitit 2004, gjykatae ka shpallur fajtor dhe e ka dënuar atë për vrasjen e shtetases Drita Shaba. Sipas vendimit të gjykatës, vrasja është kryer në bashkëpunim me Ornela Shabën. Motivi i vrasjes është zbulimi i një lidhjeje jashtë- martesore nga ana e tyre. Por të dy të dënuarit nga gjykata nuk janë gjetur asnjëherë edhe pse prej tre vitesh janë në kërkim. Pak kohë pas vrasjes, ata janë zhdukur në mënyrë misterioze. Zhdukja e tyre ka lënë pas shumë pikëpyetje dhe policia është ende duke hetuar në lidhje me to. Por familja ka dyshimet e saj në lidhje me këtë çështje duke menduar se Xhuriani nuk është zhdukur por është vrarë. Sipas tyre, autorët e vrasjes së Xhurianit mund të jenë kushërinjtë e tij. Pikërisht kjo akuzë e bërë nga 63- vjeçari Lutfi Shaba, mund t’i ketë kushtuar atij jetën.

Vrasja

Shaba është vrarë rreth orës 22.00 të ditës së premte në afërsi të rrugës së “Elbasanit” tek pallatet “Fratari”. “Në vendin e ngjarjes shkuan menjëherë forca të shumta policie, u formua grupi hetimor ku kreu të gjitha veprimet e para hetimore dhe proceduriale. Viktima është vrarë me pistoletë, pranë një dyqani - market, objekt i cili është marrë me qera nga ana e viktimës, në të cilën ishte e punësuar bashkëshortja e këtij të fundit. Dyqani ndodhet në rrugën e Elbasanit. Në momentin e vrasjes, viktima ka qenë i shoqëruar nga bashkëshortja duke ecur në këmbë. U kryen veprimet proceduriale nga grupi hetimor, si dhe këqyrja e vendit të ngjarjes”,- thanë dje burimet zyrtare të policisë së kryeqytetit. Sipas tyre, rindërtimi i vendit të ngjarjes tegon për një vrasje të organizuar mirë dhe me paramendim. Ekzekutorët kanë ruajtur veprimet e Shabëskanë gjetur momentin më të përshtatshëm për të kryer ekzekutimin. Ata kanë pritur deri sa ai dhe bashkëshortja kanë mbyllur dyqanin dhe po iknin për në shtëpi. Duke shfrytëzuar edhe errësirën e natës ata i janë afruar nga pas dhe e kanë qëlluar me pistoletë. Plumbat e kanë plagosur rëndë 63- vjeçarin, i cili ka vdekur më pas si pasojë e shokut hemorragjik. Policia ka marrë dje më pyetje edhe gruan e viktimës, dëshmitaren e vetme okulare por as ajo nuk ka mundur që të identifikojë ndonjë prej autorëve të vrasjes. Ata janë parë të largohen me shpejtësi përmes kodrave të liqenit për t’u zhdukur më pas pa lënë gjurmë.

Gruaja e moshuar është vrarë nga nusja e djalit të saj dhe kushëriri i tyre 16- vjeçar, Xhurian Shaba

Vrasja e Drita Shabës për motive të dobëta

Mëngjesin e 30 majit të vitit 1997, 50-vjeçarja Drita Shaba gjendet e masakruar në oborrin e shtëpisë. Ornela, nusja e djalit tė saj, Altinit, deklaroi se plaka ishte përleshur natën me disa vjedhës që kishin hyrė në banesë. Por mė vonė, pas hetimeve del se vrasësit e plakës ishin pikėrisht, nusja Ornela Shaba dhe 16-vjeçari Xhurain Shaba, djali i xhaxhait tė bashkėshortit tė saj. Trazirat e vitit 1997 bënë që dosja të mbeste në harresë për tu rihapur sërish nga policia në vitin 2004. “U arrit të dokumentohej autorësia për vrasjen e shtetases Drita Shaba, e ndodhur më dt.30.05.1997. Në bazë të informacioneve të marra dhe puna operative e kryer u arrit që të dokumentohet se autorët të kësaj ngjarjeje janë Xhurjan Lutfi Shaba, i vitlindjes 1981, lindur dhe banues në Tiranë dhe Ornela Shefqet Shaba, e vitlindjes 1980, lindur dhe banuese në Shijak Durrës. Shtetasit e mësipërm provojnë plotësisht autorësinë e kësaj vrasjeje, e cila është bërë për motive të dobëta”,- thuhet në njoftimin për shtyp që ka publikuar policia në atë kohë. Sipas tij, shkak për krimin makabër ishte fakti që plaka i kishte kapur në flagrancë të dy ata duke kryer marrëdhënie seksuale. Nusja jetonte me vjehrrën, pasi djali ishte emigrant në Greqi por ajo kishte rënë në dashuri me kushëririn e vogël të burrit. Pas kthimit nga Greqia, Altin Shaba ka arritur që të zbulojë të vërtetën e vrasjes së nënës së tij. Ndërsa gjykata e Tiranës ka gjykuar në mungesë dy ish-dashnorët për vrasjen me paramendim në maj të vitit 1997 të shtetases Drita Shaba.

Titulli: Re: Lajme Nga Vendi Fri Dec 07, 2007 10:25 pm

"Per SHBA-te, te gjithe te barabarte"
E Premte, 07 Dhjetor 2007

Shtetet e Bashkuara te Amerikes paralajmerojne politiken shqiptare qe te jete e kujdesshme ne reformat e gjyqesorit dhe ka nxitur realizimin e tyre sa me shpejt te jete e mundur per permbushjen e standardeve nderkombetare. "Qeveria amerikane nuk ka ceshtje qe do ta ndjeke me afer, sesa reforma gjyqesore, qe ne Shqiperi eshte ende ne proces", tha dje ambasadori amerikan ne Shqiperi, dr. John L. Uithers II. I pranishem gjate punimeve te Konferences Kombetare Gjyqesore, kryediplomati u shpreh se, "reforma ne gjyqesor eshte nje nga kerkesat e standardeve qe duhet te permbushet per hyrjen per anetaresim ne NATO, por ky koncept eshte shume me i thelle". Dhe plotesimi i ketij kushti nuk lidhet direkt me ftesen e anetaresimit, por me te miren e qytetareve shqiptare. "Ne do te ndjekim me vemendje qe reformat te jene te drejta, te nominuara sic duhet dhe te administruara ne menyre te barabarte. Deshirojme te shohim Keshillin e Larte te Drejtesise dhe Parlamentin qe te ndermarrin veprime te shpejta, deshirojme te shohim partite politike te mblidhen se bashku, te lene menjane grindjet politike, te mos kerkojne avantazhe politike, te jene te bashkuar ne interes te popullit shqiptar dhe vendit", tha Uithers ne fjalen e tij. Perfaqesuesi i larte i Departamentit te Shtetit nuk perjashtoi vazhdueshmerine e debateve, por theksoi se ato duhet te jene te dobishme dhe te cojne ne rezultate te favorshme. "Ne nuk jemi as ne krah te mazhorances, as te opozites, po per miratimin e shpejte te reformes gjyqesore, jemi per shtetin ligjor dhe per secilin dhe kedo qe do sjelle realizimin e saj", deklaroi Uithers. Ambasadori vleresoi gjithashtu se nuk ka koncept me te rendesishem per nje demokraci sesa sundimi i shtetit ligjor. Ne fund te fjales se tij, ai kerkoi me teper pergjegjshmeri nga gjyqesori dhe luftimin e te gjitha fenomeneve negative, ne menyre te tille qe njerezit te jene te gjithe te barabarte para ligjit.

Titulli: Re: Lajme Nga Vendi Fri Dec 07, 2007 10:26 pm

Gjyqtaret: Na perjashtuan nga gara per KLD
E Premte, 07 Dhjetor 2007

Debatet per padrejtesi ne garen per anetar te Keshillit te Larte te Drejtesise per pak sa nuk kane dale nga "shinat" ne diten e pare te Konferences Kombetare Gjyqesore, te zhvilluar dje ne Tirane. Tre prej anetareve te konferences, njekohesisht dhe gjyqtare ne rrethe te ndryshme te vendit, jane shprehur te pakenaqur pasi jane skualifikuar nga gara per ne KLD. Dy anetaret e ketij keshilli, qe lene detyren jane Gjovalin Pernoca dhe Aleksander Muskaj. Konferenca eshte drejtuar nga kreu i saj i zgjedhur, Thimio Kondi dhe gjate dites se sotme, do te kryhet edhe votimi per zgjedhjen e dy anetareve te Keshillit te Larte te Drejtesise (KLD), nga gjashte kandidate qe jane gjithsej.

Titulli: Re: Lajme Nga Vendi Fri Dec 07, 2007 10:26 pm

Kartat, mazhorance-opozite, debat per tenderin dhe afatin e prodhimit
E Premte, 07 Dhjetor 2007

Pozita dhe opozita debatuan serish dje per vonesat ne prodhimin e kartave te identitetit. Deputeti socialist, Taulant Balla, akuzoi qeverine se nuk po mban premtimet per realizimin e kartave te identitetit brenda vitit 2008. Sipas Balles, nuk eshte e mundur qe ato te prodhohen, kur nuk ka nisur asnje proces. Por zv/kryeministri Gazmend Oketa u kunderpergjigj se tashme tenderi nderkombetar per prodhimin e kartave te identitetit per shqiptaret eshte hapur. "Per realizimin e kartave te identitetit, qe eshte nje nga projektet me te rendesishme te qeverise, eshte shpallur tenderi nderkombetar, i publikuar ne nje nga mediat me prestigjioze", tha Oketa. Por, sipas deputetit Balla, qeveria nuk ka mundesi t'i pajise me karta identiteti shqiptaret para zgjedhjeve parlamentare te vitit 2009. Replikat vijuan ne Kuvend, e Oketa premtoi realizimin e kartave brenda vitit te ardhshem. Ne nje kohe qe shtoi se kompanite e interesuara per oferten e hapur nga vendi yne per prodhimin e kartave jane nder me prestigjiozet ne fushen e prodhimit te tyre. Oketa kundershtoi dhe kritikat per prodhimin e certifikatave nga opozita. "Flisni kot se certifikatat perdoren me se miri dhe nuk eshte ankuar asnje, as kryetari i Bashkise se Tiranes", ironizoi numri dy i qeverise.

Titulli: Re: Lajme Nga Vendi Fri Dec 07, 2007 10:32 pm

Strategjia, Dokumenti I integrimit
E Premte, 07 Dhjetor 2007

Kryeministri Sali Berisha e konsideroi dje Strategjine Kombetare per Zhvillim dhe Integrim si dokumentin themelor te zhvillimit dhe realizimit te projekteve te medha te vendit, integrimit ne Bashkimin Evropian dhe ne NATO. Komiteti i Planifikimit te Strategjive diskutoi nen drejtimin e Kryeministrit Berisha kete strategji. "Strategjia synon pershtatjen e 'acquis commnautaire', te domosdoshme qe Shqiperia dhe shqiptaret te integrohen ne BE, te standardeve evropiane te zhvillimit ekonomik dhe social te vendit ne perputhje me normat, parimet dhe kriteret e percaktuara nga BE-ja", u shpreh Kryeministri. Per Berishen, SKZHI e pershtat plotesisht dokumentin e meparshem me kerkesat dhe prioritetet e partneritetit evropian, Marreveshjes se Stabilizim-Asocimit, si dhe me detyrimet qe dalin pas fitimit nga ana e Shqiperise te statusit te kandidatit dhe zbatimit te marreveshjes se aderimit te plote te vendit ne BE.

Titulli: Re: Lajme Nga Vendi Fri Dec 07, 2007 10:33 pm

Rama mbledh Kryesine e PS ne Burrel
E Premte, 07 Dhjetor 2007

Kryetari socialist Rama do te vijoje takimet e tij ne kuadrin e dialogut me qytetaret, tashme me objekt mungesen e energjise. Pas turit te djeshem ne Maminas dhe ne Katund te Ri, kreu i PS, Rama, eshte shtyre me ne veri te vendit, ku sot do te kete takime ne zonen me te prekur nga mungesa e energjise, Burrel te rrethit te Matit. Ne kete takim, Rama do te jete i shoqeruar nga te gjithe anetaret e Kryesise se PS, me te cilet, pervec llogaridhenies, do te zhvilloje dhe mbledhjen e radhes, per te vendosur dhe ne lidhje me hapat qe do te ndermerren ne te ardhmen, kunder qeverisjes se Berishes. Nderkohe qe pritet qe turi te zhvillohet me me intensitet ne tere Shqiperine, pas paralajmerimit te protestave masive qe do te fillojne me 21 dhjetor ne kryeqytet, per te vijuar me pas ne gjithe vendin.

Titulli: Re: Lajme Nga Vendi Fri Dec 07, 2007 10:33 pm

Zana Tartari,kandidate per anetare e KLD
E Premte, 07 Dhjetor 2007

Zana Tartari do te jete emri i ri i kandidates per te qene anetare e KLD. Te majtet kane filluar hedhjen e firmave qe do te materializojne kandidaturen e avokates se njohur, e cila do te renditet perkrah tre kandidaturave te tjera, perkatesisht Rustem Gjates e Alfred Karamuces te propozuar nga 28 deputete te PD, dhe Maks Haxhise, te propozuar nga nje grup miks i deputeteve te majte dhe te djathte. Keshtu, tashme kater kandidaturat do te garojne per dy vendet vakant te KLD, pas perfundimit te mandatit te Gjovalin Pernoces dhe Aleksander Muskajt. Sot pritet qe kerkesa prej 28 deputetesh te majte per kandidaturen e Tartarit te depozitohet ne Kuvend.

Titulli: Re: Lajme Nga Vendi Sat Dec 08, 2007 6:31 pm

OSBE: Sistem i adresave, sipas modelit holandez
E Shtune, 08 Dhjetor 2007

Zevendesministri i Brendshem, Ferdinand Poni, deklaroi diten e djeshme se kompletimi i sistemit te adresave po ecen paralelisht me ate te dixhitalizimit te gjendjes civile. Duke llogaritur premtimin e qeverise, se dixhitalizimi i regjistrave te gjendjes civile do te jete gati ne mesin e vitit 2008, atehere, sipas Ponit, edhe sistemi i plote i adresave do te realizohet ne kete periudhe. "Ky komponent ecen paralelisht me ate te regjistrit civil, duke bere te mundur qe ne perfundim te tij, te kemi nje sistem te kompjuterizuar te Gjendjes Civile, si dhe nje sistem te konsoliduar adresash", deklaroi zv/ministri i Brendshem, Ferdinand Poni. Kete deklarate numri dy i Ministrise se Brendshme e beri gjate seminarit te zhvilluar nga kjo ministri ne bashkepunim me OSBE, me teme "Mbi modelin e sistemit te adresave ne Shqiperi". Ndersa shefi i Asistences Teknike te OSBE-se, Frank Nan, prezantoi ne seminar modelin holandez te adresave, i cili, sipas tij, paraqet ngjashmeri me ate te Shqiperise dhe per kete arsye mund te sherbeje si pikenisje per sistemin e ri te adresave ne Shqiperi. Ne seminar referuan edhe perfaqesues te ministrive te linjes dhe perfaqesues te qeverisjes vendore, te cilet dhane mendimet e tyre mbi sistemin e adresave. Ky seminar u zhvillua ne vazhden e konsultimeve per projektin e madh te modernizimit te Sherbimit te Gjendjes Civile, ku komponent shume i rendesishem eshte dhe sistemi i adresave. Ne seminar merrnin pjese vec zv.ministrit te Brendshem, Ferdinand Poni, dhe shefi i Asistences Teknike te OSBE-se, Frank Nan edhe perfaqesues te agjencive shteterore, te cilat do te jene perdorues te sistemit te adresave ZQRPP, ALUIZNI, INSTAT, Posta Shqiptare, Instituti i Urbanistikes dhe DP e Rrugeve.

Titulli: Re: Lajme Nga Vendi Mon Dec 31, 2007 6:44 pm

Basha: Do vazhdoj të jem ministër

TIRANË- Ministri i Punëve të Jashtme, Lulëzim Basha do të vazhdojë të ushtrojë detyrën në krye të dikasterit që ai drejton. Në përgjigje të kërkesës së opozitës për dhënien e dorëheqjes pas zhveshjes nga imuniteti, Basha tha se kjo çështje nuk do të ketë asnjë ndikim në punën e tij. "Motivi dhe historia e kësaj çështjeje kanë qenë të njohura kohë më përpara, jo vetëm nga qytetarët shqiptarë, por edhe nga partnerët tanë ndërkombëtarë, të cilët e njohin Shqipërinë prej shumë kohësh dhe, në këtë kuadër, nuk do të ketë asnjë ndikim as në përkushtimin tim dhe as në axhendën time diplomatike",- tha Basha. I pyetur nëse mendonte se hetimet për rrugën Durrës-Kukës do të ngadalësonin punimet, ministri i Jashtëm theksoi se, "nuk besoj se do të kenë ndonjë efekt. Siç u shpreha dhe dje, asgjë nuk mund të ndalojë më punimet në rrugën Durrës-Kukës". Lulëzim Basha u zhvesh nga imuniteti dy ditë më parë nga Kuvendi, me një numër të konsiderueshëm votash. Ai u votua kundër heqjes së imunitetit vetëm nga demokristianët dhe disa deputetë të Partisë Demokratike.

Titulli: Re: Lajme Nga Vendi Mon Dec 31, 2007 6:45 pm

Qeveria, reformë në Drejtorinë e Shërbimeve
30-12-2007

TIRANË- Drejtoria e Shërbimeve Qeveritare do t’i nënshtrohet procesit të reformimit administrativ, me qëllim reduktimin e shpenzimeve dhe rritjen e të ardhurave, duke ulur në këtë mënyrë edhe subvencionin nga buxheti i shtetit. Reformimi në fjalë do të ndodhë gjatë vitit 2008 dhe bëhet i ditur në relacionin që shoqëron projektvendimin e miratuar dje nga qeveria, me anë të së cilit u shtua një fond prej 60 milionë lekësh për Drejtorinë e Shërbimeve Qeveritare, për shpërblimin e punonjësve me rastin e festave të fundvitit. Në relacion thuhet gjithashtu se, edhe pse nuk ka munguar dëshira për të motivuar stafin me shpërblim financiar, kufizimet ligjore kanë ndikuar për mosdhënien e shpërblimeve ngaqë ndërmarrja ka rezultuar me humbje. Për pasojë, sqarohet më tej, punonjësit e Drejtorisë së Shërbimeve Qeveritare nuk kanë përfituar asnjëherë shpërblime në fund viti, si pjesa tjetër e administratës shtetërore. Në relacionin e projektvendimit bëhet dhe një sqarim se ku konsiston puna e Drejtorisë së Shërbimeve Qeveritare, ku ndër të tjera thuhet se, ky institucion, për vetë natyrën e punës, nuk ka mundur të realizojë fitim neto dhe për këtë arsye diferenca negative, ndërmjet të ardhurave dhe shpenzimeve, është mbuluar nga Buxheti i Shtetit në formën e subvencionit.

Titulli: Re: Lajme Nga Vendi Mon Dec 31, 2007 6:45 pm

Krerët e pushtetit lokal, tani me Pasaportë Shërbimi
30-12-2007

TIRANË- Të gjitha kryetarët e bashkive dhe komunave do të pajisen me Pasaportë Shërbimi. Një gjë e tillë është bërë e mundur vetëm dje gjatë mbledhjes së Këshillit të Ministrave, kur është miratuar një projektvendim i posaçëm, i cili parashikon një ndryshime në Vendimin e Këshillit të Ministrave “Për lëshimin e Pasaportave Diplomatike dhe të Shërbimit”. Sipas ndryshimit në fjalë, në listën e gjatë të personaliteteve dhe zyrtarëve të shtetit që pajisen me pasaportë shërbimi, shtohen edhe kryetarët e bashkive dhe të komunave. Në relacionin që i bashkëngjitet projektvendimit sqarohet se, pajisje me pasaportë shërbimi për kryetarët e bashkive e të komunave, do të lehtësojë lëvizjen e tyre, e sidomos në vendet fqinje, duke i përjashtuar nga procedurat e marrjes së vizave në vendet e rajonit. “Duke i njohur këtë të drejtë kryetarëve të bashkive dhe komunave i krijohen lehtësitë e nevojshme për të intensifikuar bashkëpunimin me homologët e tyre, me qëllim krijimin e binjakëzimit dhe realizimit të projekteve të përbashkëta”,- thuhet në relacion që mban firmën e ministrit të Jashtëm, Lulzim Basha. po sipas këtij relacioni, “propozimi i përfshirjes përsëri në kategorinë e përfituesve të pasaportave të shërbimit mbështetet në natyrën përfaqësues të funksionit të tyre, i cili justifikon imunitetin që ofron pasaporta”. Vetëm pak ditë më parë, gjatë punimeve të Kuvendit, marrja e vizave nga ana e krerëve të pushtetit lokal është ngritur si shqetësim nga deputeti demokristian, Frrok Gjini. Sipas tij, është nuk është aspak normal, që një kryetar bashkie apo komune të rrijë me ditë të tëra para një ambasade për t’u pajisur me një vizë. Kryeministri Sali Berisha mbështeti shqetësimin e deputetit të PDK-së dhe njoftoi se, shumë shpejt, vendimi për krerët e pushtetit lokal do të kalonte në qeveri. Dhe në fakt, ashtu ndodhi, kur vetëm dje qeveria riktheu sërish në fuqi të drejtën e pajisjes me pasaportë shërbimi për kryetarët e bashkive dhe komunave.

Titulli: Re: Lajme Nga Vendi Mon Dec 31, 2007 6:46 pm

Dhuna në familje, PS nismë për dënimin maksimal

Projektligji pritet t'i paraqitet Kuvendit për diskutim dhe më pas për miratim

TIRANË- Fillimviti i ardhshëm pritet të jetë tepër aktiv për Partinë Socialiste në betejën e saj opozitare. Ndryshe nga viti që po lëmë pas, për vitin e ardhshëm socialistët kanë parashikuar që përveç oponencës së tyre parlamentare, duke kritikuar nismat vendimmarrëse të qeverisë, të paraqesin në Kuvend edhe alternativat e saj ligjore. Projektligji i parë që pritet t'i paraqitet Kuvendit për diskutim dhe më pas për miratim do të jetë pikërisht ai që ka të bëjë me marrjen e masave parandaluese të dhunës në familje. Për këtë qëllim, specialistë të fushës juridike pranë PS-së janë duke hartuar një projektligj për ndryshimin në Kodin Penal me qëllim ashpërsimin e masave ndaj të gjitha rasteve të dhunës në familje. Kreu i Komisionit të Posaçëm për Çështjet Ligjore pranë Asamblesë Kombëtare të PS-së, Ylli Manjani ka bërë të ditur dje se, socialistët kanë vendosur të paraqesin për miratim në Kuvend një projektligj të veçantë me qëllim kufizimin e saj. "Sigurisht që keqqeverisja ka ndikuar në mënyrë të drejtpërdrejtë në shtimin e rasteve të dhunës në familje, në të gjitha format e saj, duke filluar nga kanosjet e deri te vrasjet. Kultura e mosndëshkimit të dhunuesve të familjarëve, për fat të keq, ka fituar terren. Parandalimi i rasteve të dhunës në familje është inekzistent. PS, nëpërmjet grupit të saj kuvendor do të depozitojë në seancën e parë kuvendore të vitit të ardhshëm, nismën e saj ligjvënëse për disa shtesa e ndryshime në Kodin Penal të Republikës",- u shpreh Ylli Manjani. Ky projektligj, sipas tij, do të synojë heqjen e çdo justifikimi apo alibie të gjykatësve dhe prokurorëve të Republikës, për mungesë legjislacioni që ndëshkon dhunën në familje. "Ne jemi për ndëshkim maksimal të të gjithë dhunuesve që fyejnë, kërcënojnë, rrahin apo më keq akoma vrasin familjarët e tyre",- u shpreh Manjani. Gjithashtu grupi kuvendor i PS-së do të propozojë edhe disa ndryshime në ligjin "Për Masa Ndaj Dhunës në Marrëdhëniet Familjare", duke synuar forcimin e përgjegjësive të qeverisjes së vendit për ndalimin e dhunës në familje, si dhe rritjen e aftësive parandaluese të shtetit në ndalimin e kësaj lufte.

» Cili mendoni se eshte vendi ideal per ti shprehur dashurine
» Lajme nga Kosova
» Lajme Te ndryshme
» Lajme Te Fundit