Politike ......

Titulli: Politike ...... Wed Sep 19, 2007 12:49 am

Leskaj: Heqja e imunitetit, vetëm për Bashën

Shekulli :
Grupi parlamentar i Partisë Socialiste ka miratuar dje kërkesën për thirrjen e 31 interpelancave, me pothuajse të gjithë anëtarët e kabinetit qeveritar “Berisha”. Dy shtyllat kryesore të interpelancave ku do të fokusohet Partia Socialiste kanë të bëjnë më çeshtjet e korrupsionit dhe të varfërisë, natyrisht edhe me çështje të tjera, siç janë ato të arsimit, shëndetësisë dhe të tjera. Kryetarja e grupit kuvendor socialist ka bërë të ditur dje se PS dhe partitë e tjera aleate janë të vendosura që të kërkojnë shpjegime nga anëtarët e qeverisë, duke filluar nga kryeministri Sali Berisha, për një sërë çështjesh të ndryshme, që janë kthyer në shqetësim për të gjithë shqiptarët. “Është miratuar një program shumë i ngjeshur interpelancash, për thirrjen e Kryeministrit të vendit dhe të disa ministrave”,- u shpreh Leskaj, pas mbledhjes së grupit. Grupi socialist ka diskutuar edhe për axhendën javore të Parlamentit, ku një çështje tepër e rëndësishme, së cilës pritet t’i kushtohet një vëmendje shumë e madhe është rasti i ndryshimit të “Ligjit për Organizatat Jofitimprurëse”, i cili sipas selisë rozë synon vënien nën kontroll të sektorit joqeveritar. Nderkohë që, në lidhje me nismën e mazhorancës për të rikthyer në Kuvend projektligjin për kufizimin e mandatit të deputetit, socialistët konfirojmë edhe një herë qëndrimin e tyre të mëparëshëm se një ligj i tillë nuk e zgjidh çështjen e korrupsionit në vend. Sipas Leskajt, PS kërkon vetëm heqjen e imunitetit të deputetit për ministrin e Jashtëm, Lulëzim Basha, si e vetmja mundësi për t’i hapur rrugën hetimit nga ana e Prokurorisë të tenderimit të rrugës Rrëshen-Kalimash. “Ne e kemi shprehur qëndrimin tonë zyrtar se çështja e kufizimit të imunitetit nuk e zgjidh problemin. Ne kemi të bëjmë me një çështje konkrete, me një problem konkret dhe me një emër konkret, i cila ka refuzuar që të zbardhet çështja”,- u shpreh Leskaj.

Titulli: Re: Politike ...... Wed Sep 19, 2007 12:55 am

Braçe: Basha i lidhur me nje celulë serbe në Mitrovicë

A.R
18-09-2007

TIRANË - Opozita kërkoi dje në Parlament sqarime nga kryeministri Sali Berisha, lidhur me refuzimin e ministrit të Jashtëm, Lulëzim Basha, për të mos dëshmuar në Prokurori. Nënkryetari i grupit parlamentar të PS-së, Erjon Braçe, tha se ishte i papranueshëm dhe i pakuptueshëm refuzimi publik që ministri Basha po i bën thirrjes së Prokurorisë të Krimeve të Rënda, për të dëshmuar lidhur me akuzat e ngritura kundrejt tij për procedurat e ndjekura gjatë tenderimit të rrugës Durrës-Kukës. Duku iu kundërpërgjigjur sqarimeve të bëra dje në interpelancën urgjente nga kryeministri Berisha, Braçe tha se opozita asnjëherë nuk ka kundërshtuar ndërtimin e kësaj rruge dhe në të gjitha deklarimet e bëra në vite, nuk do të mund të gjendet asnjë kundërshtim për këtë projekt. Sipas tij, opozita e sotme, gjatë kohës që ishte në pushte, ka qenë vetë iniciatorja e ndërtimit të saj dhe ky është një fakt që dihet tashmë prej vitesh. “Z.Kryeministër, mund të na thoni se, ku e gjen të drejtën ministri i Jashtëm të mos dëshmojë dhe kur do të dëshmojë? Detajet që dhatë këtu në Parlament, mbi procesin e tenderimit, shkoni i dëshmoni në Prokurori së bashku me ministrin tuaj. Nuk e lidhëm ne shkollimin e Bashës në Holandë, me përzgjedhjen e firmës holandeze “Ecorys”, por vetë shkollimi i tij në këtë vend, tregon se ai zotëron atje një apartament me vlerë 250 mijë euro. Shkoni dhe dëshmoni në Prokurori, sipas Kushtetutës. Pse dilni në mbështetje të tij, kur dihet që ai ka lidhje me një celulë të vogël në Mitrovicë, për të cilën duhet të japë llogari në Hagë? Pse ndiheni i fajshëm, kur nuk është provuar fajësia për këtë hetim, pasi çështja nuk ka shkuar ende në gjykatë. Neni 33 i Kushtetutës përcakton se kushdo ka të drejtë të mbrohet, kur ndodhet në akuzë”,- tha Braçe. Duke vijuar më tej argumentimin e tij, ai nënvizoi se, ky është ministri i kësaj qeverie, që kur deklaroi se zotëronte një pasuri prej 1 milionë dollarësh, i çuditi të gjithë ministrat e tjetër të qeverisë dhe jo vetëm opozitën. Sipas Braçes, pasuria e Bashës u shtua me 1000 mijë euro, vetëm gjatë 1 viti të qëndrimit të tij si ministër në këtë qeveri. “Nuk mund të na sugjestiononi më duke përmendur një firmë amerikane. Çështja është se për ndërtimin e saj, firma fituese ka nënkontraktuar kompani të tjera shqiptare dhe del se kjo rrugë paska shumë para. Këtu po del se nuk ka barazi për shqiptarët, por ka ofiqe që e bëjnë Bashën të mbrohet nga akuzat e ngritura kundrejt tij”,- theksoi nënkryetari i deputetëve socialistë.

Titulli: Re: Politike ...... Wed Sep 19, 2007 1:03 am

"Korrupsioni në rritje dhe revanshi i idealizimit të parasë"

Vullnet Kola
18-09-2007

Rastet e shtuara të korrupsionit në administratën e djathtë, duke nisur nga ato që ka zbuluar KLSH në KESH, e duke përfunduar tani së fundi në miliona euro të zhdukura në rrugën Durrës-Kukës, janë këmbanë alarmi për atë pjese shume konsistente të shoqerise, që bazuar në vlera të verteta, tradicionalisht të konfirmuara, qendron larg institucionalizimit të parase si vlere unike e qellim e motiv i vetem në jete. Kjo pjesë ekziston. Sigurisht, që "politikanë të rinj" por me "xhepa njësoj të mëdhenj si të vjetrit" si Basha, nuk bëjnë pjesë në këtë grup.

Problemi i kësaj kategorie të shoqërisë shqiptare është se, për fat të keq i reziston pasivisht revanshit të parasë dhe jo vetem asaj, duke suportuar jo pa sakrifica peshen e një realiteti të tille, në pritje të një rikonfigurimi shoqeror, ku vlera të caktuara kane me shume hapesire. Për fat të keq, ndrydhja, pasiviteti i trasheguar nga rendi i vjeter shoqeror (ku qytetari ishte shume larg të qenit aktor në shoqeri), mungesa e kurajos qytetare dhe e katalizatoreve reale, në avangarde të ambientit politik apo të shoqerise civile, e ben këtë mase, amorfe dhe pa efekte të dukshme në shpejtesine dhe cilesine e rikonfigurimit të shoqerise shqiptare. Për fat të keq, po luajme një loje që "e kemi pare në TV". Kemi mesuar rregullat, por jemi të pamesuar e të pastervitur për ta luajtur e, për me keq na mungojne arbitrat e kualifikuar, apo me keq akoma, mungojne arbitrat që gjykojne "in buona fede".

Titulli: Re: Politike ...... Wed Sep 19, 2007 1:19 am

Berisha: Gjyq per Enver Hoxhen
Fatjona Mejdini
E Marte, 18 Shtator 2007

Kryeministri Berisha i kerkoi diten e djeshme grupit parlamentar te PD-se, qe te marre nje nisme ligjore per te kerkuar nje rezolute, e cila do te denonte figuren e Enver Hoxhes, si diktator i vendit tone. Ne lidhje me kete nisme Berisha theksoi se shpresonte te kishte edhe mbeshtetjen e opozites parlamentare. Duke marre shkas nga festimet ne Peze, dy dite me pare, Berisha theksoi se eshte e turpshme, qe te kujtohet dhe nderohet ne kete kohe figura e ish-diktatorit. “Une mendoj se ky eshte nje problem, aq sa formal ne pamje, aq i thelle dhe trondites dhe do t’i sugjeroj Parlamentit, te ndermarre nje rezolute me te gjitha forcat politike, me te cilen Parlamenti shqiptar te sanksionoje rolin e tij te turpit ne historine e ketij kombi”, theksoi Berisha gjate mbledhjes se grupit parlamentar te PD-se. Sipas kreut te ekzekutivit, ne vend nuk mund te kete paqe sociale, nese nuk frenohen njerezit, te cilet dalin dhe e ngrene lart, duke festuar figuren ish-diktatorit.

“Eshte e thjeshte te nxjerresh fantazmen nga varri, te nxjerresh stenda apo te brohorasesh per te, por mos harro se kjo lendon, shkel mbi gjakun, mbi rinine, mbi jeten, mbi shekujt dhe mijevjecaret e burgjeve te qindra dhe mijera shqiptareve”, deklaroi Berisha, duke theksuar se Hoxha kishte qene dhunuesi me i madh i lirise te shqiptareve. Nga ana tjeter, Kryeministri Berisha theksoi se vleresonte rolin e konferences se Pezes ne histori, por denonte ate cfare ndodhi pas kesaj konference, ku me qindra klerike shqiptare u persekutuan dhe u vrane. Per te, apeli i Pezes per t’u bashkuar pa dallim feje u shoqerua me pas me ekzekutimin, burgosjen dhe internimin e qindra dhe qindra klerikeve shqiptare dhe kjo vetem e vetem se besimin e pare te tyre mbanin besimin tek Zoti. Ai ka nenvizuar faktin se pa u denuar vepra e diktatorit Hoxha ne vend, Peza nuk mund te festonte. Ne lidhje me Luften Nacional-Clirimtare, Berisha nuk mohoi faktin se Hoxha ishte nje nga eksponentet kryesore te kesaj lufte, por theksoi se mizorite qe i beri popullit te tij i kalonin te gjitha parashikimet. Ne kete rast ai u shpreh se 16 shtatori duhet te jete dita e gjyqit te Enver Hoxhes. “Nuk ka pasur kombi nje armik me te eger te lirise se tyre, sesa Enver Hoxhen dhe kjo eshte e verteta. Askush me shume se ai nuk i ka zhytur shqiptaret ne izolimin me te thelle dhe me te percudnuar se sa i zhyti Enver Hoxha”, theksoi Berisha gjate fjales, se mbajtur ne mbledhjen e djeshme. Sipas tij, skenat e tubimit ne nder te Enver Hoxhes nuk duhet te perseriteshin me ne vend.

Enveri si Hitleri

Kryeministri Berisha e krahasoi diktatorin Enver Hoxha me Hitlerin. Sipas tij, mizorite e Hoxhes me shqiptaret mund te krahasoheshin me ato te Hitlerit ndaj popullit Izraelit. Ai theksoi se ashtu si Hoxha dhe Hitleri kishte ndertuar me dhjetera rruge ne Gjermani, por kjo nuk i bente keta personazhe te dashur dhe te respektuar per popujt e tyre.

Rreziku i bustit

Berisha theksoi se duke u nisur nga festimet, gjithnje e me te shpeshta, ne nder te diktatorit Enver Hoxha, kishte gjasa qe ne vitin e ardhshem ne Peze te ndertohej nje bust ne perkujtim te tij. Duke u nisur nga kjo, Kryeministri u beri thirrje deputeteve te grupit parlamentare te PD-se te nxitonin ne lidhje me marrjen e nismes per denimin e figures se Hoxhes.

16 Shtatori

Kryeministri Berisha theksoi se vitin e ardhshem festa e Pezes, 16 Shtatori, duhet te ishte dita e gjyqit te figures se Enver Hoxhes. Sipas tij, Peza s’mund te festoje kurre pa denuar vepren e tij mizore, ndaj 16 shtatori duhet te jete dita e gjyqit ndaj kesaj figure mizore ne historine e popullit shqiptar. Berisha theksoi se menyra e festimeve ne Peze duhet te ndryshonte ne menyre te menjehershme.

Paqja sociale

Berisha theksoi se ne vend nuk mund te vendosej paqja sociale, nese do te kishte njerez, te cilet publikisht do t’i ngrinin lavde figures se Enver Hoxhes, duke nenkuptuar ne kete rast dhe faqet e medias, qe merren me te. Sipas tij, jane te panumert shqiptaret, qe nuk i dine ku i kane varret e prinderve, vellezerve, motrave te tyre, te denuara nga regjimi. Ne kete menyre Berisha theksoi se kesaj ceshtjeje i duhej dhene nje pergjigje pergjithmone.

Titulli: Re: Politike ...... Wed Sep 19, 2007 1:23 am

Policia Tatimore dhe Komisioni i Apelimit, shkrihen
Blerina Hoxha
E Marte, 18 Shtator 2007

Policia Tatimore dhe Komisioni i Apelimit Tatimor do te shkrihen, nese nje projektligj i ri per procedurat tatimore do te hyje ne fuqi sipas parashikimeve me 1 janar te vitit 2008. Ministri i Financave, Ridvan Bode, ka paraqitur projektin me te fundit ne ligjin e procedurave tatimore, i cili parashikon nje organizim krejt te ri te administrates tatimore. Ministri tha se projektligji i ri eshte bazuar ne praktikat me te mira te vendeve te BE dhe pritet te sjelle administraten tatimore ne nivelet kyc, qe kerkon integrimi ne BE. Procedura e re ligjore sjell nje praktike krejt te re ne organizmin e departamenteve te tatimeve, ndryshe nga sa eshte aktualisht.

Organizmi i aktual njeh Drejtorine e Pergjithshme, si strukture, dhe Policine Tatimore, ndersa me organizimin e ri administrata tatimore perbehet nga administrata tatimore qendrore dhe administrata tatimore lokale. Administrata tatimore qendrore perfshin drejtorine e pergjithshme, drejtorite rajonale, si dhe njesite e tjera, sipas parashikimit te bere ne strukturen e miratuar nga Kryeministri. Administrata tatimore lokale perfshin zyrat e taksave te pushtetit vendor. Funksionet baze te administrates tatimore do te jene: sherbimi ndaj tatimpaguesve dhe regjistrimit, mbledhja e detyrimeve tatimore, kontrolli tatimor, investigimi tatimor, ndersa funksionet mbeshtetese do te jene financat dhe statistikat tatimore, sherbimi nepermjet sistemit te integruar, informatika, kontrolli dhe investigimi i brendshem, sherbimet ligjore, administrata dhe burimet njerezore, interpretimi dhe sqarimi i rregullave tatimore.

Gjithashtu, Komisioni i Apelimit, qe ishte me pare ne Ministrine e Financave, do te jete vetem nje drejtori ne Tatime, nderkohe qe konfliktet ndermjet biznesit dhe administrates tatimore parashikohen te zgjidhen nga Gjykata Administrative.

Ministri Bode tha se, me ndihmen e projektit te Sfides se Mijevjecarit per Shqiperine Ministria e Financave do te organizoje gjashte tryeza te rrumbullaketa per kete projekt-ligj me pjesemarrjen e anetareve te dhomave kryesore te tregtise, me juriste dhe kontabiliste, si dhe me perfaqesues te organizatave jofitimprurese. Keto takime do te zhvillohen nga data 21 shtator deri me 11 tetor 2007 ne Tirane. Komentet me shkrim per kete projekt-ligj do te permblidhen ne nje raport, i cili do te publikohet ne faqen ne internet te ministrise ne mes te tetorit. Projekti i ri parashikon se ne rastet qe bizneset do te gjenden pa dokumente fiskale mallrat sekuestrohen.

Nuk ndryshon ligji i gjobave

I ashtuquajturi ligji i gjobave nuk ndryshon me miratimin e ligjit te ri te procedurave tatimore. Sipas versionit me te ri, ende projekt, tatimpaguesi, bashke me kerkesen per apelimin depoziton dokumentin, qe verteton pagesen e shumes se tatimit, takses apo kontributit te vleresuar. Nderkohe, ligji, projekti, parashikon se akti administrativ, i leshuar nga administrata tatimore e per te cilin nuk jane ndjekur te gjitha shkallet e apelimit administrativ brenda strukturave te drejtorise se pergjithshme te tatimeve, nuk mund te ankimohet ne rruge gjyqesore. Tatimpaguesi, bashke me kerkese-padine, depoziton edhe dokumentin, qe verteton pagesen e 15% te shumes se gjobes. Perllogaritja dhe shlyerja e kamatevoneses ne lidhje me shumen e gjobes behet ne diten e pageses se detyrimit. Shqyrtimi gjyqesor i kerkese-padive, te lidhura me detyrime tatimore, zhvillohet sipas nje procedure te pershpejtuar, e cila nuk duhet te kaloje 60 dite.

Projekti denon bankat per fshehje pagesash

Banka qe nuk respekton afatet per njoftimin e administrates tatimore per hapjen e marreveshjeve dhe llogarive te tjera nga tatimpaguesi, denohet me gjobe, te barabarte me 40.000 leke, sipas projektligjit te ri te procedurave tatimore. Gjithashtu, banka qe hapjen e nje marreveshjeje (shlyerje) dhe llogarive te tjera te nje personi fizik dhe juridik pa paraqitjen e dokumentacionit zyrtar, qe konfirmon nipt-in e tatimpaguesit, denohet me gjobe te barabarte me 50.000 leke.

-Mosrespektimi i detyrimit per regjistrim denohet me gjobe te barabarte me 75.000 lek.

-Mosrespektimi i detyrimit per perditesimin e te dhenave te regjistrave denohet me gjobe te barabarte me 50.000 leke.

-Tatimpaguesi, i cili nuk leshon deklaraten tatimore ne afat, denohet me gjobe te barabarte me 10.000 leke.

-Punedhenesi, i cili nuk deklaron numrin e sakte te punonjesve per sigurimet shoqerore dhe shendetesore, detyrohet te paguaje, pervec shumes se kontributeve te sigurimeve shoqerore dhe shendetesore te papaguara, edhe nje gjobe, te barabarte me 10.000 leke per cdo punonjes te padeklaruar.

-Tatimpaguesi, i cili nuk arrin qe brenda afatit te parashikuar ne kete ligj per pagese te paguaje shumen e tatimit, takses, kontributit, detyrohet te paguaje nje gjobe te barabarte me 5 % te shumes se detyrimit, te papaguar per secilin muaj apo pjese te muajit, qe nuk eshte leshuar deklarata. Ne asnje rast shuma nuk mund te jete me e vogel se 10.000 leke dhe me e madhe se 25 % te detyrimit te parapaguar.

-Dorezimi i nje deklarate tatimore te pasakte apo kerkese te pasakte per rimbursim gjobitet me nje gjobe te barabarte me 5 % e detyrimit te papaguar apo rimbursimit te kerkuar me teper.

-Dorezimi i dokumenteve false denohet me gjobe te barabarte me 50% te diferences se shumes se perllogaritur nga ajo qe duhej te ishte llogaritur, ne fakt.

-Cdo agjent i mbajtjes se tatimit ne burim, qe nuk arrin te mbledhe tatimin ne fjale apo te jape llogari per te apo ta paguaje tatimin e tille ne daten e caktuar apo t’i shmanget pageses se tij, detyrohet te paguaje nje gjobe te barabarte me 50 % te shumes se plote te tatimit te pambledhur, te papaguar apo te shmangur.

-Tatimpaguesi, qe nuk arrin te mbaje regjistrat dhe dokumentacionin tatimor, te kerkuar sipas ketij ligji, detyrohet te paguaje nje gjobe te barabarte me 50.000 leke.

-Tatimpaguesi qe mban ne ruajte, perdor apo transporton mallra te pashoqeruar me dokumente tatimore ne perputhje me dispozitat e ketij ligji, denohet me konfiskimin e mallrave.

-Tatimpaguesi, person juridik, denohet me gjobe nga 20.000 deri ne 100.000 leke, nese nuk instalon dhe perdor pajisjen fiskale per regjistrimin e pagesave me para ne dore.

-Mosleshimi i fatures tatimore me TVSH denohet me gjobe, te barabarte me 50% te detyrimit tatimor, te padeklaruar.

-Individi bleres ose individi perfitues i sherbimit, i cili gjate kontrollit ne distancat e parashikuara ne kete ligj nga vendi i shitjes apo ofrimi i sherbimit nuk gjendet i pajisur me kupon tatimor, denohet me gjobe te barabarte me 1.000 leke.

-Refuzimi per dhenien e informacionit te kerkuar nga administrates tatimore ne perputhje me dispozitat e ketij ligji denohet me gjobe, te barabarte me 200.000 leke.

-Tatimpaguesi, i cili ne menyre te drejtperdrejte apo te terthorte pengon ushtrimin e te drejtave te administrates tatimore ne lidhje me kontrollin tatimor, denohet me nje gjobe, e cila eshte me e madhja ne vlere ndermjet 500.000 leke.

-Mosafishimi i cmimeve te shitjes se mallrave apo sherbimeve denohet me gjobe, te barabarte me 35.000 leke per tatimpaguesit e klasifikuar si biznes i vogel dhe 65.000 leke per tatimpaguesit e tjere.

Titulli: Re: Politike ...... Wed Sep 19, 2007 3:06 am

19:55/18.09.07 - Kryeministri Berisha ftohet nga Presidenti Bush ne Tryezen «Demokracia dhe Shoqeria civile»

Kryeministri Sali Berisha është ftuar nga Presidenti amerikan George W. Bush për të marrë pjesë në tryezën e rrumbullakët me temë Demokracia dhe shoqëria civile.
Në këtë aktivitet, i cili do të zhvillohet në datën 25 shtator në New York, do të marrin pjesë 20 kryetarë shtetesh, midis të cilëve Kancelarja e Gjermanisë Merkel, presidenti i Turqisë, Çekisë, kryeministri kanadez, etj.
Politike ...... 20070918220159

Titulli: Re: Politike ...... Thu Oct 04, 2007 5:26 pm

Shqipëria miraton marrëveshjen për lehtësimin e vizave për në BE

Data e Publikimit: 04/10/2007

Qeveria e Shqipërisë miratoi marrëveshjen e arritur me Komisionin Europian në shtator të këtij viti për lehtësimin e regjimit të vizave hyrëse për në vendet anëtare të Bashkimit Europian.

Marrëveshja parashikon thjeshtimin e procedurave, shkurtimin e kohës për lëshimin e vizave dhe uljen e tarifës në 35 euro. Marrëveshja pritet të hyjë në fuqi vitin e ardhshëm.

Ndërkohë, Bashkimi Europian po e zgjeron edhe për 9 vende anëtare marrëveshjen e Shengenit për udhëtimet pa vizë. Rregullat e reja nxirren ndërkohë që po afrojnë festat e Krishtlindjes.

Duke filluar nga 21 dhjetori, qytetarët e Republikës Çeke, Estonisë, Hungarisë, Letonisë, Lituanisë, Maltës, Polonisë, Sllovakisë dhe Sllovenisë, do të mund të kalojnë kufijtë tokësorë të Bashkimit Europian pa patur nevojë të paraqesin viza ose pasaporta.

Rregullat do të aplikohen më vonë edhe për aeroportet. Këto nëntë vende plus Qipron u anëtarësuan në Bashkimin Europian në vitin 2004. Qiproja ka në plan që në të ardhmen të bëhet pjesë e zonës së Shengenit.

Nga të gjitha vendet e Bashkimit Europian, vetëm Irlanda dhe Britania nuk marrin pjesë në Marrëveshjen e Shengenit, duke preferuar t’i vendosin vetë rregullat në kufijtë e tyre. Në zonën e Shengenit përfshihen edhe Islanda, Norvegjia dhe Zvicra, vende jo anëtare të Bashkimit Europian.

Titulli: Re: Politike ...... Thu Oct 04, 2007 5:27 pm

Rindizen polemikat për kryeprokurorin

Presidenti Topi i kërkon dorëheqjen kryeprokurorit

Në Shqipëri shtohen polemikat midis presidentit dhe opozitës për çështjen e largimit të prokurorit të përgjithshëm, ndërsa parlamenti pritet të fillojë diskutimin e projektligjit për kufizimin e imunitetit të deputetëve.
Presidenti shqiptar, Bamir Topi, ka përsëritur vendosmërinë e tij për të larguar nga posti prokurorin e përgjithshëm Theodhori Sollaku.

Dy ditë pas deklaratës së tij se i ka kërkuar zotit Sollaku dorëheqjen, ai tha se do të veprohet më shpejt në këtë drejtim.

Por opozita i ka kundërshtuar këto deklarata të zotit Topi. Kryetarja e grupit parlamentar socialist Valentina Leskaj i tha BBC-cë se presidenti duhet t'i kushtojë më shumë rëndësi reformës në fushën e drejtësisë.

Nga ana e saj Partia Demorkatike në pushtet nuk është shprehur rreth këtyre deklaratave.

Parlamenti shqiptar pritet të fillojë diskutimin e projektligjit për kufizimin e imunitetit të deputetit dhe kushtet për autorizimin e ndjekjes penale.

Iniciativa është marrë nga PD-ja e cila thotë se kjo synon zhveshjen nga mbrojtja e imunitetit politik për të gjithë deputetët që ndodhen përballë akuzave për korrupsion.

Opozita nga ana e saj thotë se nuk është kundër një ligji të tillë, por me parë duhet të ndryshojë kushtetuta.

Titulli: Re: Politike ...... Thu Oct 04, 2007 5:28 pm

Manjani: asnje deputet nuk ka imunitet nese kryen krim

Kryetari i Komisionit te Ligjeve ne Asamblene Kombetare te PS, Ylli Manjani, e sheh debatin mbi kufizimin e imunitetit te deputetit ne fillesen e vet ceshtjes se imunitetit. Ai fillimisht argumenton perse ekziston imuniteti dhe me pas i kthehet debatit te dites mbi kufizimin e tij. "Nese flasim per imunitetin do te thote qe imuniteti i jepet funksiont te deputetit per te kryer detyren e tij per ta mbrojtur ate nga sulmet abuziviste", u shpreh Manjani. Por nga ana tjeter, asnje deputet nuk merr imunitet nga kushtetuta, sipas Manjanit kur kryen nje krim dhe nga kjo pikepamje, nisma e maxhorances per kufizimin e imunitetit eshte antikushtetuese. Inisiativa e grupit parlamentar te Partise Socialiste qe cdo deputet ne menyre vullnetare te dorezoje imunitetin nese per te ka nje akuze nga prokuroria, per Manjanin ka synim te normalizoje debatin politik mbi imunitetin e deputetit

Titulli: Re: Politike ...... Thu Oct 04, 2007 5:29 pm

Ilir Meta: Depuetet e akuzuar per korrupsion pa imunitet

Data e Publikimit: 04/10/2007

Kryetari i Levizjes Socialiste per Integrim, Ilir Meta perkrah levizjen politike te Partise Socialiste per te zhveshur automatikisht nga imuniteti cdo deputet qe do te hetohet nga organet e akuzes per shperdorim detyre apo korrupsion. Meta e cileson demagogji levizjen e shumices per te miratuar ligjin per kufizimin total te imunitetit te deputeteve te Kuvendit. Sipas tij, me shume se nje iniciative per te garantuar transparence, kjo eshte nje skeme e kryeministrit Berisha per t‘i bere presion jo vetem deputeteve te opozites por edhe atyre te shumices per ceshtje te ndryshme. "Ne e konsiderojme veten pa imunitet fare. Une jam ndoshta politikani i pare qe me eshte hequr imuniteti ne 92-shin nga kryeministri Berisha dhe nuk dua imunitet persa do jem i angazhuar ne politike. Ai kerkon t‘u imponoje deputeteve te tij kete projektligj per te mbuluar cdo rezistence edhe per ato akuza qe tashme jane ngritur ndaj qeverise", ka deklaruar Meta. Kreu i LSI vlereson se kerkesa e shumices per te ngritur nje komision te posacem hetimor parlamentar per rrugen Durres-Kukes eshte nje tjeter skeme e shumices per te manipuluar dhe ushtruar presion mbi hetimin e prokurorise se pergjithshme. "Eshte nje perpjekje qe jo vetem paralizon veprimin e prokurorise, por edhe nje perpjekje qe mazhoranca te marre drejtimin e komisioinit hetimor per te imponuar me vleresimet e saj kete ceshtje", shprehet Meta. Ai ka ftuar presidentin e Republikes Bamir Topi, qe te respektoje tryezen e te gjithe partive per reformen ne drejtesi. Kryetari i LSI kerkon me pare konsensus mes paleve per nje reforme sa me efektive e me pas diskutimin per emra te pervecem ku perfshihet edhe prokurori i pergjithshem. "Une do deshiroja qe presidenti Topi te vazhdoje me frymen e atij takimi konstruktiv qe ne zhvilluam me te. Nuk ka individe te perjetshem ne krye te institucioneve, por me pare ka nevoje per vendosjen e disa kritereve, te cilat duhen pare nese i arrijne ose jo emra te pervecem", ka theksuar Meta. Ne kundershtim me lideret e tjere te partive te vogla te opozites, ai e cileson levizjen e kreut te PAD, Neritan Ceka si nje fenomen mediatik. Ai pohon se ne tryezen e opozites duhet te perfshihen edhe grupime te tjera jashte ketij koalicioni dhe shprehet i sigurte se ne te ardhmen bashkepunimi do te forcohet edhe me tej. "Nuk jemi ne dhe kushdo tjeter qe vendos eshte apo jo parti aleate e PD, PAD-ja e Cekes. Une mendoj se eshte, por eshte ne gjykimin e tyre sovran nje ceshtje e tille. Perderisa nuk ka nje pozicion tjeter te PAD, ky eshte vetem nje fenomen mediatik", ka perfunduar Meta.

Titulli: Re: Politike ...... Thu Oct 04, 2007 6:09 pm

Presidenti Topi: Reformat në Drejtësi të kryhen sa më parë

Në qytetin e Vlorës po zhvillohet Konferenca për Reformën në Pushtetin Gjyqësor dhe Prokurori ku merr pjesë edhe Presidenti i Republikës Bamir Topi.

Në fjalën e hapjes së kësaj konference, Presidenti Topi, vuri në dukje problemet që bart sot sistemi ynë i Drejtësisë dhe nismat që duhen marrë për ta reformuar atë.

“Nuk do të lejojmë kthimin e sistemit të drejtësisë në një mocalishte. Parlamenti dhe institucionet duhet të veprojnë që reformat në sistemin e drejtësisë të kryhen sa më parë”, cilësoi ndër të tjera ai.

Më pas Kreu më i lartë i shtetit shtoi se “Shqipëria ka ende korupsion dhe kriminalitet dhe se këto janë pengesa që duhen kaluar për t’u anëtarësuar në Evropë.”

Presidenti Topi theksoi edhe një herë se në sistemin e Drejtësisë përplasen shumë interesa të politikës që pengojnë ecjen e vendit përpara.

Titulli: Re: Politike ...... Thu Oct 04, 2007 6:10 pm

Braçe: Heq dorë publikisht nga imuniteti, këtë ta bëjë dhe Basha

Deputet e grupit parlamentarë të PS-së shumë shpejt do të lënë imunitetin e tyre

Nënkryetari i grupit parlamentar të PS-së, Erjon Braçe zyrtarisht ka hequr dorë dje nga imuniteti i tij. Veprimi është bërë publikisht dje para mediave ku numri dy i grupit parlamentarë socialist ka firmosur dokumentin ku heq dorë me dëshirën e tij, nga imuniteti duke i lënë prokurorisë dorë të lirë hetimi në rast shpërdorimi të detyrës apo korrupsioni. Gjatë një konference për shtyp nënkryetari i grupit të PS-së ka lexuar një pjesë të deklaratës së firmosur ku thuhet se "heq dorë nga imuniteti parlamentarë për çdo të drejtë që lidhet me paragrafin 1 të pikës 2 të nenit 73 të Kushtetutës së Shqipërisë lidhur me ndjekjen penale për veprat që lidhen me korrupsionin dhe shpërdorimin e detyrës. Në çdo rast që organet e hetimit kërkojnë të fillojnë ndjekjen penale ndaj personit tim jam i gatshme që në respekt të kushtetutës dhe ligjeve të vendit tim të paraqitem për të dëshmuar dhe përgjigjur pranë organit të akuzës në rastin e një akuze zyrtare të formuluar nga institucionet përkatëse të drejtësisë konform legjislacionit përkatës në fuqi". Në nenin 73 të kushtetutës në pikën 2 thuhet se deputeti nuk mund të ndiqet penalisht pa autorizimin e Kuvendit. Autorizimi kërkohet edhe në rastin kur ai do të arrestohet. Nënkryetari i grupit parlamentarë të PS-së, Erjon Braçe, ka deklaruar se këtë deklarata që ai do tia dorëzojë kryetares së kuvendit do ta firmosin të gjithë deputet e grupit parlamentarë të PS-së pa përjashtim. Gjithashtu deputeti socialsit i ka kujtuar kryeministrit dhe deputetev të mazhorancës se para ligjit janë të gjithë të barbaratë ndaj ka theksuar Braçe kryeministri berisha të ehqë dorë nga sporti politik që po ju jep disa zyrtarëve të hetuara nga prokuroia për korrupsion dhe shqpërdorim detyre. Ai i ka bërë thirrje ministrit Basha i cili aktualisht është në qendër të akuzave të ehqë dorë nga imuniteti i tij për tu lënë dorë të lirë hetimeve të prokurorisë. Në qendër të kritikave të nënkryetarit të grupit të PS-së nuk ka qenë vetëm qeveria dhe deputetët e mazhorancës. Braçe ka kritikuar edhe punën e prokurorisë duke i kujtuar kësaj të fundit se po tregon paftësi në detyrën e saj duke mos mundur të sekuestrojë dot dy materiale në qeverinë shqiptarë. "Çështë kjo prokuroi që nuk sekuestron dot dy materiale në qeverinë shqiptare. Çështë kjo prokuropi që duhet ti marrë leje një zyrtari të ulët të rëndomtë të administratës së qeverisë. Kjo është skandaloze dhe këto janë dy standardet", është shprehur Braçe.

/04 Oct 2007/

Titulli: Re: Politike ...... Mon Nov 19, 2007 4:12 am

Meta: “Liberalizim vizash me Serbinë, Kroacinë e Maqedoninë”

Kryetari i Komisionit Parlamentar për Integrimin, Ilir Meta, priti dje në një takim pune një delegacion me përfaqësues nga shoqëria civile dhe deputetë nga vendet e Ballkanit Perëndimor, si: Serbia, Maqedonia, Bosnja dhe Mali i Zi. Pas tij, kreu i LSI-së ka zbardhur temat e bisedës ku si më e rëndësishme është vlerësuar marrja e iniciativave konkrete për krijimin e një zone të hapur për lëvizjen e qytetarëve të Ballkanit. "Gjatë takimit u theksua rëndësia e domosdoshmërisë së shkëmbimeve të lira midis njerëzve, kapitaleve dhe shërbimeve. Për këtë unë mendoj se është shumë e rëndësishme të ecet me iniciativa konkrete, sidomos në drejtim të liberalizimit të plotë të vizave midis Shqipërisë, Kroacisë, Maqedonisë dhe Serbisë",- u shpreh Meta. Gjithashtu, pjesë e këtij takimi ishte dhe shkëmbimi i mendimeve rreth rëndësisë që ka pranimi në NATO për Shqipërinë dhe Maqedoninë, për të forcuar sigurinë në rajon dhe njëkohësisht për rëndësinë e madhe që ka zgjidhja e statusit të Kosovës. Në këtë kontekst, Meta ritheksoi ecjen e krahinës drejt pavarësisë si një zgjidhje e pashmangshme e që prodhon stabilitet.

Opozita: “Alibeaj ka heshtur për korrupsionin e qeverisë”

Pa kaluar vetëm 24 orë nga prezantimi i kandidatit të ri për ministër Drejtësie, Enkelejd Alibeaj, është shfaqur edhe kontestimi i opozitës. Inaktiviteti i tij në luftën kundër korrupsionit në funksionet e mbuluara prej tij deri tani, ka qenë argumenti i parë që është artikuluar nga nënkryetari i Grupit Parlamentar të Partisë Socialiste, Erion Braçe, i cili, krahas Kastriot Islamit, ka hedhur akuzat e para. “Jam i bindur se si drejtues i Auditit të Brendshëm në Kryeministri, në duart e tij z. Alibeaj ka kaluar shumë raporte për korrupsion, por që për fat të keq ne nuk jemi në dijeni të kallëzimeve që ky Audit i ka bërë korrupsionit", - tha Braçe. Një konstatimi tillë paraprak e në dukje naiv nga selia rozë, shënon goditjen e parë ndaj pasuesit të Rusmait, i cili ashtu sikurse Aldo Bumçi, vjen në detyrë duke u katapultuar dhe jo në sajë të ngritjes graduale në karrierë. Për më shumë debati rreth çështjeve që ka hapur konflikti Shehri-Rusmali do të jetë këndej e tutje detyrë për zgjidhje e Alibeajt, i cili emërohet në detyrë me firmën dhe vullnetin e Sali Berishës.

Bello: “Qeveria po ndëshkon politikisht zonat e PS-së”

Qeveria orienton fondet publike në mënyrë selektive duke katandisur zona të caktuara në një stad mesjetar përsa u përket parametrave të shërbimit social. Qarku i Beratit, si një nga më të mëdhenjtë, është sjellë dje në vëmendje të opinionit nga dy deputetët e tij të majtë, Erion Braçe dhe Marko Bello, të cilët kanë deklaruar se edhe projektet konkrete të prezantuara për zhvillimin e zonës janë hedhur poshtë dhe nuk janë financuar nga qeveria. “Situata në Berat është e trishtuar, gjendja është dramatike. Rrethi i Skraparit ka 10 komuna, të cilat nuk lidhen më me qytetin e Çorovodës. Duket sikur jemi në epokën mesjetare. Zbresim më poshtë, në Berat. Asnjë qindarkë shtesë në buxhetin apo në grandin që u jepen komunave të rrethit Berat apo Kuçovë. Më keq akoma investimet që qeveria ka detyrim t’ua japë këtyre taksapaguesve, më të devotshmit dhe nga më korrektët, Berati është shembull dhe për pagesën elektrike, pavarësisht se ky është një mall që ata e shohin shumë rrallë... Qeveria, edhe pse ka pretenduar se do të katërfishojë buxhetin e komunave, nuk ka shtuar asnjë lek”, - tha Bello.

Titulli: Re: Politike ...... Mon Nov 19, 2007 4:13 am

Koçi: “Votim i kompromentuar në KLD”

Zgjedhja në detyrën e zëvendëskryetarit të Këshillit të Lartë të Drejtësisë të kandidatit të propozuar prej tij, Kreshnik Spahiu, ka evidentuar sipas deputetit socialist Petro Koçi, parregullsi të mëdha. "Dua të denoncoj fenomenin e kompromentuar të votimit që ka ndodhur në KLD për nënkryetarin e këtij institucioni, pasi në këtë votim kanë marrë pjesë anëtarë të këtij Këshilli, të cilëve u ka mbaruar mandati",- deklaroi Koçi. Ai ka vijuar më tej me konstatimet e veta teksa ka nënvizuar se momenti më “kritik” i këtij procesi ka qenë unanimiteti i anëtarëve, çka sipas tij, zbulon lojën e interesave që fshihet pas votës pro Spahiut.

Islami: “Rusmali të largohet nga Komisioni i Reformës Elektorale”
Bashkëkryetari i Komisionit të posaçëm Parlamentar për Reformën Zgjedhore, Kastriot Islami, duke “analizuar” krizën e fundit, ka lënë të kuptohet se një tërheqje e ish-ministrit nga drejtimi i reformës është i dobishëm për mbarëvajtjen e punës

Befasia fillestare që kapi Partinë Socialiste pas dorëheqjes së Ilir Rusmalit nga posti i ministrit të Drejtësisë, i ka lënë vendin kundërveprimit për përfitime politike. Vetëm tri ditë pas së ashtuquajturës krizë në kabinetin qeveritar, selia rozë ka hedhur hapin e parë diversiv në lidhje me këtë çështje, duke tentuar globalizimin dhe dimensionimin e saj si një fenomen që po pengon kursin e reformave në vend. Në këtë kuadër, reforma zgjedhore është vlerësuar si momenti i duhur për të provokuar nëpërmjet taktikës së diversionit acarimin e krizës brenda PD-së dhe për pasojë uljen e kapacitetit dhe pozitave të saj negociuese për instalimin e ndryshimeve të pritshme. Skualifikimi politik i Ilir Rusmalit pas skualifikimit të tij në ekzekutiv, është shfrytëzuar si kuadri më i përshtatshëm nga bashkëkryetari i Komisionit të posaçëm Parlamentar për Reformën Zgjedhore, Kastriot Islami, i cili, duke “analizuar” krizën e fundit, ka lënë të kuptohet se një tërheqje e ish-ministrit nga drejtimi i reformës është i dobishëm për mbarëvajtjen e punës. “PS-ja vëren se veprimi i shpejtë i kryeministrit për pranimin e dorëheqjes dhe emërimin e një figure mediokre politike e me eksperiencë të dyshimtë për postin e lartë të ministrit, tregojnë qartë jo vetëm kompleksitetin e kësaj krize, por mbi të gjitha mungesën e hapur të besimit për z. Rusmali, ndërkohë që me mbështetjen e fuqishme të kryeministrit qëndrojnë në qeveri ministra të tjerë të akuzuar drejtpërdrejt për korrupsion”, - ka theksuar Islami. Sipas tij, PS-ja e konsideron këtë veprim të natyrshëm në kontekstin e luftës së klaneve korruptive dhe vlerëson se ai ka goditur thellë integritetin e bashkëkryetarit të reformës zgjedhore dhe konfidencialitetin e besueshmërinë e kryeministrit ndaj tij, duke vështirësuar e deri ndoshta bërë të pamundur qëndrimin në këtë detyrë.
Praktikat korruptive
Pas më shumë se disa muajsh heshtjeje e zvarritjeje të qëllimshme të punës për reformën, selia rozë është shfaqur kështu me një vullnet për veprim pikërisht në një moment delikat politik për shumicën e që në dritën e sugjerimeve të bëra dje, më shumë se çdo gjë duket se synojnë që të lajnë duart nga përgjegjësia e mosveprimit. Për më shumë se kaq, pra përtej rënies së besueshmërisë politike ndaj Rusmalit, i cili nuk gëzon më tagrin e njeriut që vepron në emër të grupit që përfaqëson, deputeti socialist ka lënë të hapur edhe një akuzë më të gjerë për vetë integritetin e PD-së në këtë kuadër reformash. Theksimi i praktikave korruptive që kanë dalë së fundi në sipërfaqe nëpërmjet skandaleve që kanë tronditur nga brenda vetë koalicionin e djathtë, është përcjellë nga kreu socialist i Komisionit të Reformës, si një e dhënë që duhet marrë në konsideratë lidhur me garancitë që kjo qeveri mund të japë për zhvillimin e zgjedhjeve të vitit 2009. “Kriza politike e maxhorancës ka ndikuar negativisht në avancimin e reformës zgjedhore... Ngjarjet në maxhorancë frenuan edhe këtë javë reformën zgjedhore, ndërkohë që kriza mund të thellohet, parashikimi për ecurinë e reformës zgjedhore në ditët në vijim mbetet i paqartë”, - ka nënvizuar Islami.
Mangësitë
Sipas bashkëkryetarit për reformën elektorale, mungesa e një programi e kalendari të qartë dhe e veprimeve transparente nga ana e qeverisë lidhur me garantimin e kartave të identitetit dhe të listave të zgjedhësve nga regjistri civil, do të ndikonin negativisht jo vetëm në ecurinë e reformës zgjedhore, por mbi të gjitha mungesa e tyre, apo realizimi i cunguar do të kishin një ndikim negativ në garantimin e zgjedhjeve të ardhshme, të lira e të ndershme e plotësisht në përputhje me standardet ndërkombëtare. Një lexim i tillë i zhvillimeve të fundit brenda së djathtës, ku aludohet për papërshtatshmërinë e Rusmalit në procesin e reformës teksa kërkohet përshpejtimi i saj, nënkupton se kriza në vetvete po shihet nga socialistët si hapësirë për përfitime politike duke hedhur hapat e parë të ndërtimit të alibisë para dhe postelektorale.

Titulli: Re: Politike ...... Mon Nov 19, 2007 4:14 am

Një e treta e Kryesisë së PD-së “bojkoton” mbledhjen e thirrur nga Berisha
Fatos Beja, një prej kandidatëve potencialë brenda PD-së për postin e ministrit të Drejtësisë, nuk ka marrë pjesë në mbledhje. Nënkryetari i Kuvendit u përfol nga një grup deputetësh të djathtë për të qenë pasuesi i Rusmalit

Erald Kapri

Një e treta e anëtarëve të Kryesisë së PD-së “bojkotojnë” mbledhjen e thirrur nga kryeministri Berisha. Kryesia e PD-së ka zhvilluar dje edhe mbledhjen më të shkurtër në gjithë historikun e këtij forumi të lartë drejtues të demokratëve. Vetëm 8 minuta ka zgjatur mbledhja e Kryesisë së PD-së, në të cilën është dhënë pëlqimi për kandidaturën për ministrin e ri të Drejtësisë, Enkelejd Alibeaj. Gjithçka ka nisur dhe është mbyllur sapo “të hapësh e mbyllësh sytë”. Por ajo që ka rënë në sy ka qenë fakti se përtej minutave me pikatore të mbledhjes së Kryesisë, një e treta e anëtarëve të saj e kanë “bojkotuar” këtë mbledhje. “Qershia mbi tortë” e këtij bojkoti ka qenë mungesa e një prej kandidatëve potencialë brenda PD-së për postin e ministrit të Drejtësisë, që ishte Fatos Beja. Nënkryetari i Kuvendit u përfol nga një grup deputetësh të djathtë për të qenë ministër. Madje ata edhe lobuan në këtë drejtim. Por kandidatura e Bejës, ndonëse vlerësohej nga një pjesë e Grupit Parlamentar të PD-së për pasuesin e Rusmalit, nuk u mor parasysh nga lideri i PD-së, Berisha. Kryeministri bëri një zgjedhje “origjinale” duke vendosur për një kandidat jashtë deputetëve të PD-së, në një përpjekje të “sforcuar”, siç u komentua, për të shmangur grupimet brenda radhëve të deputetëve demokratë.
Bojkoti
Mbledhja e Kryesisë së PD-së është bojkotuar dje edhe nga disa anëtarët të tjerë, ku nuk mund të neglizhohet mungesa e kryetarit të Komisionit Parlamentar të Ekonomisë, Edmond Spaho. Ky i fundit përflitet prej shumë kohësh se është i denjë për një post ministri, por që po neglizhohet për arsye ende të paqarta nga kryeministri Berisha, ndërkohë që ka në qeveri ministria që nuk janë deputetë. Largimi i vëmendjes së kryeministrit nga deputetët e tij në Kuvend komentohet si arsyeja kryesore që Spaho apo Beja të ndjehen disi të motivuar për të shfaqur protestën e tyre duke munguar në mbledhjet e Kryesisë së PD-së. Në listën e “bojkotuesve” ranë në sy mungesa e anëtareve femra. Me përjashtim të Jozefina Topallit, asnjëra prej tyre nuk ishte në këtë mbledhje, si Mimoza Hasekiu, Liri Dibra, Margarita Qirko dhe zëvendësministrja e Punës, Marieta Zaçe (Pronjari). Sipas stafit të organizimit të Partisë Demokratike, disa nga zonjat kanë munguar për shkak se ato, me përjashtim të Marieta Zaçes (Pronjari), nuk banojnë në kryeqytet. Në mbledhje mungoi edhe një tjetër figurë e njohur e PD-së, Halit Shamata, zëvendësministri i Arsimit. Sekretari Organizativ i PD-së, Flamur Noka, mësohet se ka lajmëruar anëtarët e Kryesisë vetëm në orët e mëngjesit. Kjo sasi kohe komentohet e pamjaftueshme që të kapej nga anëtaret e Kryesisë, që janë nëpër rrethe.
Mbledhja e Kryesisë
Kryeministri Berisha ka mbërritur i fundit të selinë e PD-së, ku prej 20 minutash prisnin anëtarët e tjerë të këtij forumi. Mbledhja filloi me hyrjen e kryeministrit brenda, por nuk vazhdoi më shumë se 8 minuta. Burime brenda kësaj mbledhjeje bën të ditur se Kryesia vetëm është informuar formalisht dhe nuk ka pasur asnjë koment apo debat rreth kësaj çështjeje. Si në shumë raste, edhe këtë herë kreu i qeverisë ka operuar sipas parimit “gëlltite dhe qep gojën”. Më pas lideri i PD-së zbriti poshtë për të shprehur për mediat unanimitetin e Kkryesisë për kandidaturën e Alibeajt.
Koha e shkurtër në të cilën u zhvilluar mbledhja nuk pati mundësinë e një debati të anëtarëve me liderin e tyre. Gjithsesi, ata u njohën nëpërmjet medias si për shpalljen e ministrit të ri, ashtu edhe për miratimin e tij, pa pasur nevojë për një debat në Kryesinë e PD-së. I fundit që zbriti shkallët e selisë së PD-së pas mbledhjes së Kryesisë ka qenë ish-ministri i Drejtësisë, Ilir Rusmali. Kryeministri foli me superlativa për punën e Rusmalit, por ai nuk u shoqërua në dalje nga ky i fundit. Ministri Sokol Olldashi pati mirësinë ta ftonte në një kafe ish-ministrin në një nga hotelet e njohura të Tiranës. Në takimin e fundit me kolegët ministra, afër tij ndodheshin vetëm Olldashi, Ruli dhe një anëtar i thjeshtë i PD-së, që i shprehte keqardhjen e tij ish-ministrit. Ajo që ra në sy ishte fakti se disa prej anëtarëve të Kryesisë së PD-së u larguan menjëherë, pa u përshëndetur me Rusmalin.

Titulli: Re: Politike ...... Tue Nov 20, 2007 7:32 pm

19.11.2007 - Malaj: Buxheti i vitit 2008 eshte me shume rreziqe

Deputeti i opozitës, Arben Malaj, kundërshtoi , në seancën plenare në Kuvend, projektbuxhetin e qeverisë për vitin 2008.
Malaj u shpreh se draftbuxhetit i vitit 2008, në thelbin e tij, është buxheti i rritjes së risqeve në ekonominë shqiptare.
Sipas tij, rritja e lartë ekonomike mbetet e rrezikuar, inflacioni po rritet shpejt dhe ulja e papunësisë do të bëhet e vështirë. Buxheti 2008 për shkak të inflacionit në rritje dhe aplikimit të taksës së sheshtë do të rrisë barrën fiskale për shtresat me të ardhurat të pakta, fermerët dhe invalidët, tha Malaj.
Sipas tij, në buxhetin social 2008, do të kemi rritje të inflacionit, ndërkohë që ky buxhet është rreth 600 milionë lekë më pak dhe progamet e punësimit janë reduktuar ndjeshëm, çmimi i energjisë elektrike pritet të rritet 30 perqind, ndërsa kompensimi i shtresave të varfra nga rritja e çmimit të energjisë në buxhetin e vitit 2008 është ulur 20 perqind.
Sipas Malajt, në këtë buxhet mbështetja e sektorit arsim e shëndetësi është braktisur, ndërkohë që realizimi i investimeve në këta sektorë prioritarë gjatë viteve 2006 -2007, është në nivelet më të ulëta.

Titulli: Re: Politike ...... Tue Nov 20, 2007 7:33 pm

20.11.07 - Tslami: Zvarritja e reformes zgjedhore pengon antarsimin ne NATO

Bashkëkryetari socialist i Komisionit parlamentar për Reformën Zgjedhore, Kastriot Islami, deklaroi , se PS është e interesuar për arritjen e reformës zgjedhore pasi ne e lidhim këtë me marrjen e ftesës për anëtarësim në NATO.
Gjatë një prononcimi për mediat, zoti Islami theksoi se nëse kjo reformë nuk do të bëhet brenda afatit të caktuar, shanset që të merret ftesa për anëtarësim në NATO janë shumë të vogla.
Duke renditur disa nga arsyet e vonesës së punës në komisionin për reformën zgjedhore, zoti Islami theksoi se fillimisht reforma është vonuar për shkak të përqëndrimit të parlamentit në zgjedhjen e Presidentit, nga klima e papërshtatshme që ka krijuar maxhoranca për shkak të veprimit të institucioneve kushtetuese, si dhe nga dorëheqja e bashkëkryetarit demokrat të komisionit nga posti i ministrit.

Titulli: Re: Politike ...... Tue Nov 20, 2007 7:41 pm

Berisha, akuza per kontrabande

E Marte, 20 Nentor 2007

Deputetet debatuan ashper dje deri pas mesnate per kalimin ne parim te projektbuxheti te qeverise per vitin 2008. Mbi 100 deputete ishin regjistruar per te marre fjalen ne debatin per buxhetin qe qeveria e vlereson si historik, ndersa opozita si nje buxhet qe do u ngarkoje nje borxh te madh shqiptareve. Me superlativa, Kryeministri Sali Berisha tha dje nga foltorja e Kuvendit se shqiptaret nuk kane pare ndonjehere buxhet si ai per vitin 2008. Buxhet qe ai nuk ngurroi ta quaje si “me te madhin ne tere historine e Shqiperise”, qe do sjelle mireqenie ekonomike e me shume leke per buxhetoret e pensionistet. Ndersa opozita, kritike ndaj shifrave “bombastike”, sic i etiketoi Ilir Meta, akuzoi se parate qe jane ne buxhetin e shtetit per 2008 nuk jane gje tjeter vecse nje borxh i madh, qe qeveria ka marre nga jashte. “Shpreh keqardhje per shqiptaret qe degjojne shifra bombastike nga Kryeministri, qe flet sikur jane ne parajse. Ky eshte libri i mashtrimeve blu”, akuzoi Meta. Sipas tij, parate e qeverise nuk jane gje tjeter vecse borxhe, qe do rendojne ne kurriz te shtetasve per nje kohe te gjate. Te gjitha kritikat e opozites, Kryeministri i quajti mashtrime. “Shqiptaret nuk kane pare ndonjehere buxhet qe do e shnderroje vendin ne kantier ndertimi. Do te hyje ne histori”, replikoi Kryeministri. Sipas tij, qeveria ne diete ka arritur te kurseje rreth 100 milione euro. Ndersa publikisht u shpreh se eshte kunder rritjes se cmimit te energjise elektrike, pavaresisht problemeve te shumta, duke ritheksuar edhe njehere ndertimin e centraleve nukleare per nevoja energjetike. “Ju flisni keshtu se kur ishit ne pushtet parate qe duhet te shkonin ne arken e shtetit iknin te kontrabandistet qe ndertonin vila, hotele e motele”, vijoi kryeministri. “Permasat e mashtrimit tuaj jane te pallogaritshme. Miliona leke te shqiptareve po humbin nga paaftesia e qeverise”, replikoi Arben Malaj. Ndersa Kastriot Islami u shpreh se, duke qene se pjesa me e madhe e parave te buxhetit per vitin e ardhshem vjen nga borxhi i jashtem, cdo familje do detyrohet te paguaje ne te ardhmen 10000 dollare. Ne te njejten linje dhe Gramoz Ruci vuri ne dukje se buxheti con vendin me nje borxh te larte. “Po t’i hiqet pjesa e borxhit te jashtem, del buxheti me i dobet ne historine postkomuniste. Vjen era paaftesi, vjen era korrupsion”, tha Ruci. I pranishem ne salle gjate gjithe debatit, Kryeministri Berisha replikoi pas cdo akuze te deputeteve te opozites, duke theksuar se prej tyre nuk u paraqit asnje projekt per zonat ku jane zgjedhur. Cka do te thote se nuk u interesojne aspak. Per ministrin e Financave, Ritvan Bode, buxheti sjell nje rritje te ndjeshme ne te gjithe sektoret. E mbi te gjitha fokusohet te mbrojtja, duke plotesuar kerkesat per anetaresimin ne NATO. Nuk munguan ne seancen e djeshme dhe sherret e perplasjet e tavolinave. Opozita u ngrit ne kembe, pasi Televizioni Publik Shqiptar nuk transmetonte fjalet e saj. “Ky eshte skandal, duhet pushim”. Situata u qetesua vetem pas ores 21:30, ku u mblodh konferenca e kryetareve per sqarimin e debateve.

Energjia nukleare:

Kryeministri Sali Berisha fton opoziten te mos kete frike nga energjia berthamore. I vendosur per ngritjen e centralit berthamor, kreu i qeverise tha dje ne seance se kjo lloj energjie eshte paqesore. “Po projektojme ndertimin e qindra hidrocentraleve. Ne po investojme”, tha Kryeministri. Por, sipas Pandeli Majkos, vendi eshte ne kolaps dhe ndonese Berisha flet per shume leke per energjine, asnje gje konkrete nuk ka.

Durres-Kukes:

Kryeministri akuzoi dje se fushata kunder rruges Durres-Kukes u ideua ne zyren e kryetarit te PS. Sipas tij, ata qe e penguan per tete vjet shtrimin e saj, ata kerkojne ta pengojne dhe sot. “Jemi te hapur per kontroll, po ju s’e beni se e dini se do dilni vete keq”, akuzoi Berisha. Ai ftoi opoziten te votoje projektbuxhetin ne parim, duke akuzuar se ne kohen kur ajo ishte ne pushtet, Shqiperia ishte vendi me taksa me te larta ne Evrope, para qe shkonin te lukset e shfrenuara dhe kontrabandistet.

Propozimi:

Kryetari i Levizjes Socialiste per Integrim, Ilir Meta, kerkoi dje nga qeveria ne emer te Partise Demokratike te Skraparit me shume leke per shtrimin e 4 km rruge. Meta ironizoi se investimet e qeverise per vitin 2008, jane me te pakta se ato kur ne pushtet ishte Fatos Nano, duke u shprehur se tere projekti i buxhetit per vitin 2008 i qeverise ishte nje mashtrim. Nderkohe qe nuk ngurroi t’i quaje te mjerueshme sherbimet sociale.

Vleresimi:

E vetmja gje qe opozita vleresoi ne projektbuxhetin per vitin 2008, ishin shtesat ne fonde per arsimin dhe shendetesine. Ndonese ne parim kunder projektit te qeverise, te majtet permenden gjate fjalimeve te gjata se fondet ne keto dy sektore bien ne sy dhe mirepriten.

Titulli: Re: Politike ...... Tue Nov 20, 2007 8:11 pm

Shqiptaret e Italise, manifestim per pavaresine

E Marte, 20 Nentor 2007

TORINO - Shoqatat Shqiptare, Italo-Shqiptare dhe Arbereshe te Piemontit zhvilluan mesjaven e shkuar nje manifestim ne mbeshtetje te pavaresise se Kosoves. Tubimi ne sheshin qendror te Torinos, mblodhi 200 bashkatdhetare dhe qytetare italiane, mbeshtetes te kauzes kosovare, si dhe nje grup studentesh shqiptare, te cilet studiojne ne Torino. Manifestuesit valeviten flamuj te Shqiperise, Italise dhe Bashkimit Evropian, si dhe shpalosen nje flamur pese meter, te realizuar posacerisht, me mbishkrimin ne gjuhen italiane, “Kosova e pavarur”.

Sakaq, nje grup manifestuesish, te drejtuar nga presidenti i Shoqates Vatra Arbereshe, prof. Vincenzo Cucci dhe dy nismetaret e veprimtarise, Blenti Shehaj dhe Benko Gjata, u takuan ne seline e Rajonit te Piemontit me zyrtare vendore dhe qendrore italiane. Ata dorezuan nje peticion per njohje te shpejte te pavaresise se Kosoves.

Titulli: Re: Politike ...... Sat Nov 24, 2007 4:02 pm

Mediu: Ina Rama, njeri me vlera / 24 nentor 2007

Kryetari i PR-së vlerëson figurën e Kryeprokurores :

TIRANË- Kryetari i PR-së, Fatmir Mediu vlerëson se, me zgjedhjen e Ina Ramës si Kryeprokurore është realizuar gjetja e një njeriu me vlera në sistemin e drejtësisë dhe jo një njeriu politik. Madje, sipas ministrit Mediu, këtë e vërteton edhe fakti se gjatë votimit të dekretit të Presidentit dy ditë më parë në Parlament, Rama ka marrë mbështetjen e deputetëve të majtë, përveç atyre të mazhorancës. "Dua të theksoj se kanë qenë jo më 5, por kanë qenë më shumë se 5 vota nga e majta, të cilët kanë votuar për Prokuroren e Përgjithshme. Në kontaktet e mia me njerëz të drejtësisë, që kam pyetur, por edhe me përfaqësues të së majtës, duket qartë se zonja që merr detyrën e Prokurorit të Përgjithshëm e gëzon këtë besim",- u shpreh ministri i Mbrojtjes.

Duke iu përgjigjur interesimit të medias lidhur me zgjedhjen e Ina Ramës si Kryeprokurore, kreu i republikanëve ka theksuar se, opozita kishte rastin e saj që të ofronte kandidaturën e personit që do të zëvendësonte Theodhori Sollakun. Sipas Mediut, atëherë çështja ishte e fokusuar në atë që, duhej hequr apo jo Sollaku si kryeprokuror dhe opozita duhet të ishte treguar më largpamëse, të shihte se kush ishte zgjidhja dhe jo të mbetej vetëm pjesë e debatit. "Është lehtë të kritikosh, është lehtë të marrësh pozicione, por natyrisht duhet të jetë shumë herë më serioze për të gjetur se kush janë zgjidhjet dhe, në këtë rast, unë mendoj që nuk ka munguar vullneti i presidentit Topi, as vullneti i mazhorancës për të ofruar zgjidhje",- është shprehur Mediu.

Titulli: Re: Politike ...... Sat Nov 24, 2007 4:03 pm

Rama: Nano, bishti i Sali Berishës / 24 nentor 2007

Kryesocialisti tha se Berisha dhe Nano përfaqësojnë shëmbëlltyrat e dështimit shqiptar të 17 viteve

TIRANË- Kryetari i Partisë Socialiste, Edi Rama ka deklaruar se, Fatos Nano është bisht i Sali Berishës dhe konglomeratit të partive të koalicionit qeveritar. Në një intervistë për "Deutsche Welle", ndër të tjera, Rama e ka konsideruar Berishën dhe Nanon, si përfaqësues të shëmbëlltyrës të dështimit shqiptar të 17 viteve dhe u shpreh se sot Partia Socialiste mishëron një botë të re. "Në Shqipëri po përvijohet përditë e më shumë një ndarje mes dy botësh: një bote të vjetër, që përfaqësohet më së miri nga kryeministri Sali Berisha, nga konglomerati i partive të koalicionit qeveritar, që si bisht të vetin ka Fatos Nanon dhe frymën që Berisha dhe Nano përfaqësojnë sot e gjithë ditën, si shëmbëlltyrat e dështimit shqiptar të shtatëmbëdhjetë viteve. Nga ana tjetër një botë e re, e cila po mishërohet përditë e më shumë nga Partia Socialiste, nga opozita shqiptare, nga të gjithë ata, të cilët s'po bëjnë asgjë tjetër, veçse po i japin më shumë zë Shqipërisë dhe shqiptarëve të thjeshtë. Sigurisht që ka ende shumë për të bërë, por ne po hapim një rrugë të re, për një Shqipëri të re",- është shprehur Rama.

Gjatë intervistës së dhënë dje, kreu i PS-së ka folur dhe mbi deklaratën e kryeministrit Berisha, të pak ditëve më parë, se në zgjedhjen e presidentit Bamir Topi ishte ndihmuar nga Edi Rama. Lideri i opozitës ka theksuar se, tashmë e dinë të gjithë shqiptarët se si u zgjodh Presidenti i Republikës, pasi "20 korriku ishte një ditë e zezë për ta, ku Bamir Topi u zgjodh përmes një procesi korruptiv". Madje, sipas Ramës, Presidenti me dekretin për shkarkimin e Sollakut, tregoi se nuk është në gjendje të jetë Presidenti i gjithë shqiptarëve, por vetëm nënkryetar i Partisë Demokratike. "Na tregoi, jo më larg sesa dje, të them të drejtën shumë më shpejt sesa mund të parashihej, që nuk është në gjendje të jetë President i të gjithë shqiptarëve, të jetë garant i Kushtetutës, i unitetit kombëtar dhe i të gjitha palëve, por është thjesht dhe vetëm nënkryetar i Partisë Demokratike. Shprehjes se zotit Berisha unë nuk denjoj t'i përgjigjem, por ndoshta mjafton të them se në zinxhirin e gjatë të të pavërtetave, një e pavërtetë më shumë nuk bën më përshtypje",- tha Rama. Përsa i përket reformës në drejtësi, kreu i PS-së tha se sot ajo mbetet një utopi, duke qenë se kemi të bëjmë me dy vizione kaq të ndryshme për shtetin e shqiptarëve, në Evropën e shekullit të 21-të.

Titulli: Re: Politike ...... Sat Nov 24, 2007 5:44 pm

24 nentor 2007

TIRANË- Ina Rama zgjodhi muzgun, si kohën më të përshtatshme për t'u ulur në karrigen e kryeprokurorit. Mbërritja e saj është pritur gjatë gjithë ditës, por makina "Benz", e shoqëruar nga dy automjete të Gardës ka ndaluar në portën e Prokurorisë së Përgjithshme aty rreth orës 18.20 të pasdites së djeshme. E shoqëruar nga Sekretari i Përgjithshëm i Presidencës, Rama i është drejtuar zyrës ku e priste Theodhori Sollaku. Përshëndetje kortezie dhe më pas një takim 45 minutësh kokë më kokë mes tyre, në zyrën që të enjten ishte e Sollakut, ndërsa dje iu dorëzua Ina Ramës. Burime nga Prokuroria e Përgjithshme bëjnë me dije se takimi mes tyre nuk ka rezervuar asgjë të papritur, përveçse një kalimi të paqtë kompetencash dhe dosjesh nga Sollaku tek kryeprokurorja e re.

Mësohet se pjesa më e madhe e bisedës është përqendruar tek marrja në dorëzim e dosjeve më të nxehta që janë në proces hetimi në Prokurorinë e Përgjithshme. Më pas, Sollaku i ka prezantuar gruas që i zuri vendin gjashtë drejtorët e organit qendror të akuzës, e pasi është përshëndetur me ta, është larguar me makinën e tij, pas një lufte gati 2-vjeçare me mazhorancën. Në të njëjtën frymë është zhvilluar edhe takimi me drejtorët e 6 drejtorive në Prokurorinë e Përgjithshme. Ndryshe nga ç'mund të mendohej, Ina Rama nuk ka paralajmëruar reformë, por ka kërkuar bashkëpunimin e tyre për t'ia marrë dorën e për të pasur sukses në misionin e vështirë që ka marrë përsipër të kryejë.

Në zyrën e mbledhjeve të Prokurorisë së Përgjithshe, kryeprokurorja Rama ka vazhduar për një orë takimin me gjashtë drejtorët, duke iu shprehur atyre dëshirën për bashkëpunim në punën e tyre të përditshme. "Secili nga drejtorët bëri prezantimin e punës, pasi kryeprokurorja Rama vjen nga gjyqësori, duke i dhënë asaj mundësinë e njohjes së organizimit të prokurorisë",-bëjnë me dije burimet. Mësohet se kryefjala e kryeprokurorës Rama gjatë gjithë bisedës së saj ishte dëshira e mirë për bashkëpunim dhe vazhdimi i punës së tyre në krye të këtyre drejtorive. Pas takimit me drejtorët e drejtorive, kryeprokurorja Rama është larguar nga Prokuroria e Përgjithshme po me të njëjtën makinë me të cilin ka ardhur, për t'u rikthyer me kohë të plotë mëngjesin e së hënës. Ina Rama u emërua kryeprokurore në orët e para të mëngjesit të së enjtes, ndërkohë që në Kuvendin e Shqipërisë ajo mori 83 vota. Emri i saj u prezantua nga zv.ministri Oketa, ndërkohë që u përzgjodh pas seleksionimit të disa kandidaturave, gjatë orëve të para të mëngjesit. Sfida e magjistrates 35-vjeçare në krye të Prokurorisë është lufta kundër korrupsionit dhe krimit të organizuar.

LARGIMI

Lamtumirë Apelit

TIRANË- Mëngjesin e saj të parë si kryeprokurore e kaloi sërish në Gjykatën e Apelit për Krimet e Rënda. Në hyrje kishin dalë kolegët e saj të punës, të cilët me përzemërsi i uruan detyrën e re dhe më pas, Rama i dha lamtumirën zyrës së saj. Ka qëndruar për disa orë mbi dosje, për t'i dorëzuar më pas të gjitha tek kolegët. Me ndihmën e disa punonjësve të këtij institucioni bëri të mundur grumbullimin e sendeve personale, në disa pako prej letre, duke i bërë gati për zyrën e re, atë të Kryeprokurores së Shqipërisë. Ajo është parë të dalë nga Gjykata aty rreth mesditës, po ka preferuar të mos shkojë fill në Prokurori. E pamësuar ende me shoqërinë jo dhe aq të këndshme të kamerave, Ina Rama e ka vijuar ditën me disa takime me miq e të njohur, për të shkuar më pas në zyrën e saj të re, në Prokurorinë e Përgjithshme.

Prokurorja e Përgjithshme i dërgon KLD-së dorëheqjen e saj si gjyqtare. Juristët: "de jure" e dypunësuar

Ina Rama, për 24 orë edhe gjyqtare edhe kryeprokurore

TIRANË- Koha e shkurtër gjatë së cilës u zgjodh nuk i dha mundësinë t'i bënte të gjitha. Gjatë 24 orëve, Ina Rama ka qenë edhe gjyqtare e Apelit të Krimeve të Rënda, edhe Prokurore e Përgjithshme. De jure, vazhdon të jetë.. Megjithatë, dorëheqja nga posti i gjyqtares ka qenë ndër të parat shkresa ku ajo ka hedhur firmën, mëngjesin e djeshëm. Burime nga Këshilli i Lartë i Drejtësisë bëjnë me dije për "Shekullin" se kryeprokurorja Rama ka firmosur një shkresë, ku i kërkon Këshillit të Lartë të Drejtësisë dorëheqjen si gjyqtare. Ky zarf me dorëheqjen e saj ka mbërritur në kryesekretarinë e Këshillit, duke u protokolluar dhe në mbledhjen e parë do të votohet për largimin e saj nga detyra e gjyqtares. Disa juristë kanë komentuar dje për "Shekullin" se Rama nuk mund të zgjidhej në krye të organit të akuzës, pa hequr dorë nga pozicioni i gjyqtares, por surpriza e emërimit të saj i ka harruar për pak kohë procedurat standarde. Emri i saj ka dalë fitimtar në orët e para të mëngjesit, ndërsa pak orë më pas, deputetët janë mbledhur për ta votuar. Megjithatë, fill pas dekretit të presidentit Topi, detyra e saj si gjyqtare mund të quhet de fakto e suprimuar. Në KLD mësojmë se nuk do të ketë asnjë mbledhje jashtë radhe, për të liruar Ina Ramën nga veladoni i gjyqtares. Kërkesa për dorëheqje e saj është protokolluar, ndërsa pritet të miratohet në KLD gjatë mbledhjes së parë që do të zhvillohet në vazhdim. Ndërkohë, në ambientet e prokurorisë, dje ajo ka qenë më e diskutuara. Më të privilegjuar në debatet e shumta kanë qenë prokurorët e Krimeve të Rënda, të cilët e njihnin shefen e tyre falë përballjes në sallat e gjyqeve, ndërsa pjesa tjetër pak dinte për të

Titulli: Re: Politike ...... Sat Nov 24, 2007 5:47 pm

24 nentor 2007

Edi Rama jeton me rroge. Ja si kane ndryshuar financat e kreut te PS :

Pasuria e deputetëve, ministrave dhe kryetarëve të partive ka ndryshuar mjaft gjatë vitit 2006 dhe kjo është reklektuar në deklarimet e tyre përkatëse pranë Inspektoriatit të Deklarimit të Pasurive. Kështu, kryetari i PS-së, Edi Rama ka deklaruar për vitin e kaluar këto ndryshime në pasurinë e tij financiare: të ardhura nga paga neto dhe mbledhjet e KRT 1.567.112 lek. Ndërkohë që Rama ka deklaruar si detyrime një kredi me shumë të shlyer 158.408 lek dhe shumë të mbetur 1.539.275 lek. Ndërsa në vitin 2005 të ardhurat llogariten në pagë dhe shpërblim vjetor 1.656.572 lek + 46.000 lek të reja. E ndërsa pasuria e Ramës nuk ka ndonjë shtesë të veçantë, ajo e Gjinushit është majmur në mënyrë të dukshme për shkak të vjeljes së qerave të shtëpive. Konkretisht kryetari socialdemokrat ka deklaruar këtë shtesë pasurie në vitin 2006: kursime 12.900 euro + 10.000 dollarë. Të ardhura nga paga vjetore 1.523.115 lek, të ardhura nga qeraja e banesave 1.620.000 lek + 630.000 lek. Ndërkohë në vitin 2005 të ardhurat e tij kanë qenë: Nga paga vjetore 1.465.269 lek dhe nga qeraja e banesave 1.620.000 lek. Ndërkohë, deputeti i LSI-së, Nikollaq Neranxi ka deklaruar këto ndryshime të pasurisë për vitin 2006: shtëpi banimi me sip 150 m2, 150 mijë euro, benz-Mercedes 55 mijë euro, të ardhurat nga paga si deputet 1.451.449 lek, të ardhurat nga biznesi familjar 2.160.00 lek, të ardhurat nga qiradhënia 240 mijë lek. Ndërkohë, Neranxi ka deklaruar si detyrime financiare një kredi për blerje makine tek Tirana Bank 26 mijë euro.

E DJATHTA

Pasuria e ministrit të Jashtëm, Lulzim Basha është majmur mjaftueshëm në vitin 2006. Të ardhurat e tij si ministër kanë qenë 1.907.700 lek, plus pagën si nënkryetar i KRRTRSH 80 mijë lek dhe pagën e bashkëshortes 49.512 euro. Ndërkohë si detyrime, ministri i Jashtëm ka deklaruar qeranë vjetore për banesën 4800 euro, rente për hipotekën e shtëpisë në Hollandë: vlera e shlyer 8771 euro, vlera e mbetur 200.482 euro. Ndërkohë ndryshimet e pasruisë në vitin 2005 janë këto: të ardhura nga paga si ministër 588.180 lek dhe paga e bashkëshortes 12 mijë euro. Ndërkohë, deputeti demokrat Ndriçim Babasi ka deklaruar fitime në pasurinë e tij nga firma "Babasi co" 1.8 milion lek, qera banesash dhe zyrash 2.300 euro + 7.300 euro. Ndërsa në vitin 2005, të ardhurat nga paga si deputet llogariten 1.404.397 lek, fitime nga firma "Babasi co" 772.200 lek dhe fitime nga qeratë e banesave dhe zyrave 4 mijë euro

Titulli: Re: Politike ...... Sat Nov 24, 2007 5:49 pm

24 nentor 2007

Kryeprokurorja, shoqe kursi me vajzen e kryeministrit :Argita Berishen

Ina Rama, kryeprokurorja e parë në historinë e organit shqiptar të akuzës, rezulton të jetë pjesë e brezit të ri të juristëve, që kanë mbaruar Fakultetin Juridik (në vitin 1995), në një kohë me vajzën e Kryeministrit të vendit, Argita Berishën. Madje, zëra nga opozita parlamentare shprehen se Ina Rama, përveç faktit që ka qenë në një kurs me Argitën, kanë pasur bashkë edhe lidhje të ngushta shoqërore. Zgjedhja e gjyqtares Rama në postin e kryeprokurores, ka ardhur pak ditë pasi në një tjetër post mjaft të rëndësishëm të institucioneve të Drejtësisë, siç është ai i ministrit të Drejtësisë, është zgjedhur një tjetër jurist i brezit të ri, që gjithashtu njihet për shoqërinë me Argita Berishën, Elkelejd Alibeaj. Por ndërkohë që ky i fundit ka qenë pjesë e stafit të afërt të Kryeministrit para se të zgjidhej në postin e ministrit të Drejtësisë, për kryeprokuroren e re, Ina Rama nuk dihet se kush e ka propozuar që të zëvendësojë Theodhori Sollakun.

Kush është

Ina Rama, edhe pse me një karrierë jo shumë të gjatë në gjyqësorin shqiptar, ka një kurrikulum të pasur dhe mjaft pozitiv. Ajo ka lindur më 21 nëntor të vitit 1972, në qytetin e Durrësit dhe vetëm një ditë para se të dekretohej në postin e kryeprokurores së vendit ka festuar 35-vjetorin e saj. Në vitin 1995 ka mbaruar studimet në Fakultetin Juridik me notë mestare 9,4. Deri në vitin 1999 ka punuar si ndihmës gjyqtare në Gjykatën e Durrësit, për të filluar më pas shkollën e Magjistraturës, të cilën e ka përfunduar në vitin 2001, periudhë gjatë së cilës ka kryer edhe stazhin si gjyqtare në Gjykatën e Durrësit. Në vitin 2002 emërohet gjyqtare në Gjykatën e Lushnjes, ku punon deri në fund të vitit 2004. Fillimi i vitit 2005 do ta gjejë Ramën si gjyqtare në Gjykatën e Apelit për Krime të Rënda dhe në prill të po atij viti ka filluar të kryejë edhe funksionet e anëtarit të Kolegjit Zgjedhor. Ndërkohë, në janar të vitit 2007, Ina Rama fiton statusin e ekspertes në programin e trajnimit vazhdues për gjyqtarët, e realizuar nga Shkolla e Magjistraturës. Gjithashtu, Ina Rama ka kryer edhe disa kurse dhe seminare trajnuese. Ndërkohë që nga dita e djeshme, në kurrikulumin e Ramës do të shtohet edhe posti i kryeprokurores së vendit.

Hetimi

Emri i Ina Ramës figuron në listën e 7 gjyqtarëve të Gjykatës së Lushnjes, të cilët kishin konsumuar shkelje gjatë ushtrimit të detyrës. Emrat e gjyqtarëve u konstatuan nga një ekip kontrolli i Ministrisë së Drejtësisë, në kohën kur kjo e fundit drejtohej nga ish-ministri Aldo Bumçi. Qëllimi i këtij kontrolli ishte verifikimi i punës së Gjykatës së Lushnjes për periudhën 2004-2005, kohë gjatë së cilës në krye të kësaj gjykate ka qenë anëtari i KLD-së, Artan Gjermeni, ndaj të cilit në atë kohë kishin filluar procedurat e shkarkimit. Por pavarësisht raportit të inspektorëve të Ministrisë së Drejtësisë, shkeljet e pretenduara që ishin konsumuar nga Ina Rama, nuk u vërtetuan dhe nuk u morën parasysh nga KLD-ja

Titulli: Re: Politike ...... Sat Dec 01, 2007 5:41 pm

Lohan: “Partite te permiresojne klimen e bashkepunimit”

Progres, por edhe nevoje per nje angazhim me te frytshem sidomos ne fushen e bashkepunimit politik. Shefi i Delegacionit te Komisionit Europian ne Shqiperi, ambasadori Helmuth Lohan, deklaroi dje, ne fjalen e mbajtur ne konferencen “Rezultate te Marreveshjes se Ndermjetme ne Tregtine midis Komunitetit Europian dhe Shqiperise”, se ecuria e deritanishme e zbatimit te normave qe burojne nga kjo marreveshje eshte pozitive. Duke vleresuar disa aspekte te arritjeve te Shqiperise, Lohan ka nenvizuar se permbushja e detyrimeve te kesaj marreveshjeje gjithsesi nuk ploteson kuadrin e gjere te procesit te integrimit. Sipas tij, reformat kryesore mbeten ende per t’u vene ne jete, çka e ben te domosdoshem koordinimin politik mes forcave te ndryshme, larg nismave amatoreske dhe veprimeve te njeanshme. “Axhenda e Integrimit Europian te Shqiperise eshte shume me e gjere sesa Marreveshja e Ndermjetme. Ne kete drejtim shpresoj qe reformat kyçe te vazhdojne me vendosmeri vitin e ardhshem. Me vendosmeri, por jo me nxitim. Me vendosmeri dhe ne nje klime dialogu dhe shpirti bashkepunimi me te gjitha ato forca politike, qe ndajne objektivin e Integrimit Europian te Shqiperise. Komisioni Europian do te vazhdoje te monitoroje procesin dhe te raportoje pas nje viti. Por, monitorimi nuk duhet te jete detyre vetem e Komisionit Europian. Parlamenti shqiptar luan nje rol te rendesishem ne percaktimin dhe vleresimin e ritmit te progresit gjate gjithe vitit”, - deklaroi ai. Interpretimi politik i ketij sugjerimi lidhet natyrshem me klimen aktuale ne vend, e cila po verifikon nje ndarje te forte mes dy kampeve, nje prishje te konsensusit per reformat per shkak te zgjidhjes se forte qe shumica e djathte preferoi ne rastin e prokurorit te Pergjithshem.

1 dhjetor 2007

» Hillary Clinton dhe efekti ''lot'' ne politike
» SHBA-Rusi ne nje kohe ndryshimesh politike