Politike ......

Titulli: Re: Politike ...... Sat Dec 01, 2007 5:42 pm

Reforma elektorale, partite e vogla ne bllok kunder PD-se dhe PS-se

Partite e vogla parlamentare, te djathta e te majta, jane bashkuar dje lidhur me propozimet qe kane te bejne me permiresimin e sistemit ekzistues duke u afishuar keshtu si nje pakice bllokuese ne Komisionin e Posaçem te Reformes

Dy partite e medha humbasin ekskluzivitetin e vendimmarrjes persa i perket reformes zgjedhore. Partite e vogla parlamentare, te djathta e te majta, kane krijuar dje nje bllok unik lidhur me propozimet baze qe kane te bejne me permiresimin e sistemit ekzistues duke u afishuar keshtu si nje pakice bllokuese ne Komisionin e Posaçem te Reformes, i cili deri tani mbahet nen kontrollin e plote te dyshes PS-PD. Ajo qe e ben edhe me imponues unifikimin e partive te vogla eshte fakti se me mbledhjen e djeshme ato kane prezantuar nje oferte konkrete qe lidhet me sistemin, oferte e cila ne thelb, edhe pse sjell disa ndryshime, nuk cenon parimet dhe modelin ekzistues qe eshte sanksionuar ne Kushtetute. I vetmi ndryshim esencial i tij eshte shmangia ligjore e mundesive per nje votim taktik me kombinim te votes mes subjektit e kandidatit, nje metode qe njihet gjeresisht si “Dushku”.
+++++++++++++++++++++++++++++++++++++++++++++
Sistemi gjerman

Socialdemokrati Skender Gjinushi shprehu me kete rast se formula me e afert qe ruan integritetin e Kushtetutes, duke pranuar disa ndryshime, eshte ajo qe vjen nga sistemi gjerman e qe unifikon voten per kandidatin me ate per partine. “Eshte e nevojshme te vazhdojme konsultimet mes partive tona per nje reforme qe te mos jete monopol i dy partive. Duhet nje sistem i paster zgjedhor dhe per kete ka nje preference per sistemin gjerman, qe duket si me i pershtatshem, por konsultimet vazhdojne. Sistemi gjerman eshte nje sistem ne esence proporcional, por qe konkurrohet me individe”, - tha ai. Nderkaq, nje sqarim me te detajuar te kesaj formule ka dhene kreu i PDS-se, Paskal Milo, i cili vleresoi faktin se modeli gjerman ruan te drejten e konkurrimit per te gjitha partite, duke hapur listat e kandidateve hyrja e te cileve ne Kuvendin e Shqiperise do te sjelle edhe perqindjen per partite nepermjet renditjes numerike te secilit sipas numrit te votave. "Partite politike pergjithesisht jane te prirura drejt mbeshtetjes se sistemit gjerman me liste te hapur, i cili i ruan te dy keto prerogativa, pra ruan konkurrimin e partive me nje liste, unifikon voten e partise me voten e individit dhe le listen e hapur qe sipas votes qe kane marre keta individe te caktuar te behet dhe rreshtimi perfundimtar. Ky sistem le te hapur edhe listen e 140 deputeteve qe deri tani ka qene e mbyllur, pra nuk ka me tavan ne çeshtjen e percaktimit te numrit te pergjithshem te deputeteve ne Kuvend", - tha ai.
Kandidati dhe partia
Praktikisht, nje propozim i tille eshte hedhur edhe para zgjedhjeve te vitit 2005 nga kreu demokrat Sali Berisha, i cili kerkoi qe me nje amendament te ruhej sistemi aktual por qe vota per individin te llogaritej njekohesisht si nje vote edhe per partine qe ai perfaqeson ne fleten e votimit. Rrezimi i kesaj ideje solli edhe Megadushkun e korrikut 2005, i cili tanime po kerkohet te korrigjohet nga te vegjlit edhe per shkak te shmangies se nje pragu te larte, i cili eshte i vetmi mjet presioni ndaj tyre. Keshtu, me idene ne fjale eshte pajtur edhe Tritan Shehu, nenkryetar i PDR-se, i cili vleresoi se eksperiencat e deritanishme diktojne ndryshime. "Duhet te ruhet ideja e pergjithshme e nje rezultati sa me proporcional, por te bazuar ne grumbullimin e votave nga deputetet direkt per te cilet voton elektorati", - tha ai. Ne te njejten linje jane shprehur edhe perfaqesuesit e republikaneve si dhe te Levizjes Socialiste per Integrim, te cilet, me formulen aktuale, garantojne nje gare emrash duke integruar ne te edhe siglen e partise ne nje votim qe e zbut por nuk e skualifikon plotesisht aspektin politik te procesit te votimit.

1 dhjetor 2007

Titulli: Re: Politike ...... Sat Dec 01, 2007 6:08 pm

Hiqet tarifa per receten, perfitojne 500 mije pensioniste

ISKSH-ja konkretizon heqjen e tarifes se 100 lekeve per pensionistet dhe per disa kategori te tjera te shoqerise.
Nga ky vendim perfitojne 500 mije pensioniste te siguruar.
Ky vendim ka kohe qe eshte diskutuar dhe eshte miratuar nga Keshilli i Ministrave, i cili me ne fund u vendos te zbatohet ne te gjitha farmacite e vendit sipas kategorive perkatese. Ky institucion, permes ketij vendimi, perjashton nga pagesa e kesaj tarife te gjitha kategorite qe perfitojne 100 per qind barna te rimbursueshme. Tashme efektet e ketij vendimi kane nisur qe nga dita e djeshme dhe kategorite qe perfitojne gjate ketyre diteve mund ta ndiejne efektin financiar.

Kategorite
Kategorite qe perfitojne nga ky vendim; pensionistet, femijet 0-12 muajsh, invalidet e plote, ata te luftes, veteranet, te verberit dhe jetimet. Kategoria e pensionisteve qe perfiton nga ky vendim jane ata qe marrin 100 per qind barna te rimbursueshme. Por ky vendim nuk do te zbatohet per personat e siguruar qe marrin receta me rimbursim te pjesshem. Kjo kategori perben 15 per qind te personave per te cilet tarifa do te mbetet, pasi ajo eshte nje mase e duhur ne drejtim te uljes se abuzimeve. ISKSH-ja do te mbuloje te gjitha efektet financiare qe rrjedhin nga zbatimi i ketij vendimi. Per te vene ne zbatim kete vendim, drejtoresha e ISKSH-se, Elvana Hana, pak muaj me pare ka realizuar nje takim me pensionistet, te cilet e kane mirepritur kete hap te ISKSH-se.

Tarifa per receten
Pagesa e tarifes per receten ne masen e 100 lekeve ka pasur qellim per te ulur numrin e abuzimeve me barnat e rimbursueshme nga ana e mjekeve dhe farmacisteve. Sipas ISKSH-se, vendosja e tarifes per receten eshte rekomandim i Bankes Boterore qe sherben per minimizimin ne nje shkalle te larte te abuzimeve me barnat e rimbursueshme. Kategoria e pensionisteve ze mbi 80 per qind te rimbursimit ne total. Sipas te dhenave statistikore, per periudhen janar-korrik 2007 vetem kjo kategori ka marre mbi 910.000 receta, me nje vlere rimbursimi nga ISKSH-ja ne shumen 940 milione lekeve te reja. Nje numer i madh i pensionisteve tashme nuk do te nxjerrin nga xhepat e tyre tarifen e 100 lekeve.

1 Dhjetor 2007

Titulli: Re: Politike ...... Sat Dec 01, 2007 7:14 pm

PD e PS: Sistemi i të "vegjëlve" parashikon rritje pragu
01-12-2007

Ndërsa partitë e vogla, argumentojnë se një sistem i tillë është zbatuar në 1992

TIRANË- Dy partitë e mëdha, PD dhe PS janë të gatshme të mbështesin kërkesën e aleatëve të vegjël për të përzgjedhur sistemin zgjedhor gjerman, si një nga katër variantet e propozuara nga OSBE-ODIHR. Megjithëse në mënyrë jozyrtare, burime pranë dy selive të dy partive kryesore konfirmojnë se, ato janë për të mbështetur çdonjërin nga katër variantet e propozuara, përfshi këtu edhe atë gjerman. Por megjithatë duket se kjo gatishmëri e partive të mëdha i mbetet strikt zbatimit me korrektësi të këtij lloj sistemi. Kështu, të njëjtat burime bëjnë të ditur se, propozimi i ardhur nga tryeza e partive të vogla parlamentare nuk i përmbahet me përpikmëri atyre përcaktimeve që bën sistemi gjerman. Në këtë mënyrë, sipas PS-së dhe PD-së, problemi duket se ekziston tek pragu elektoral. Përfaqësues të këtyre dy forcave, të specializuar në fushën e çështjeve zgjedhore, theksojnë se sistemi elektoral gjerman përmban një prag elektoral në nivelin e 5%-shit dhe jo 2.5 për qind, sa kërkojnë aleatët e vegjël nga të dyja krahët e politikës.

Kështu, dy partitë e mëdha theksojnë se, vetë logjika mbi të cilën është ndërtuar sistemi gjerman ka përcaktuar si të nevojshme vendosjen e një pragu elektoral në nivelin e 5 përqindëshit. Megjithatë rritja e pragut elektoral nga partitë e mëdha duket se nuk është një qëllim në vetvete, por një kërkesë e cila lind nga detyrimet e zbatimit të sistemit gjerman, gjithmonë nëse ky do të shihej si më i zbatueshmi në kushtet e Shqipërisë. Por një logjikë e tillë duket se nuk bind partitë e vogla, krerët e të cilave kanë theksuar dje se çështja e pragut elektoral nuk ka të bëjë me llojin e sistemit. Sipas tyre, sistemi i përzgjedhur dje nga tryeza e partive të vogla nuk është gjerman i pastër, por një shartim me sistemin aktual shqiptar. Ndërkohë përfaqësues të partive të vogla kanë theksuar dje për gazetën se praktikimi i një sistemi të tillë nuk bëhet për herë të parë në vendin tonë, pasi ai është zbatuar një herë në vitin 1992.

Titulli: Re: Politike ...... Sat Dec 01, 2007 7:16 pm

Partitë e vogla: Sistemi zgjedhor të ndryshojë, pragu jo
01-12-2007

Partitë e vogla mblidhen në një tryezë. Propozojnë sistem të përafërt me sistemin e përzier, por nuk duan të rrisin pragun

TIRANË-Partitë e vogla kanë gjetur "gjuhën" e përbashkët për të përkrahur sistemin zgjedhor gjerman. Në një takim të zhvilluar dje në mesditë në kryesinë e Kuvendit, kreu i PSD-së, Skënder Gjinushi, ai PDS-së, Paskal Milo, deputeti i LSI-së, Ndre Legisi, nënkryetari i PAD-së, Arben Demeti, kryetari i PDK-së, Nard Ndoka, Sekretari i Përgjithshëm i PR-së, Aleksandër Garuli dhe nënkryetari i PDR-së, Tritan Shehu, kanë rënë dakord që të mbështesin sistemin elektoral proporcional të individualizuar, që do të thotë që krahas partive, siç e parashikon ky sistem, të garohet edhe me lista individësh. Edhe pse kjo i ngjan në fakt një sistemi të përzier, modeli gjerman nga është huazuar, cilësohet si i tillë, pra proporcional. "Është një sistem në esencë proporcional, por që konkurrohet me individ, pra proporcional i individualizuar, i ka të gjitha anët pozitive dhe të mazhoritarit dhe të proporcionalit",- u shpreh pas takimit kryetari i PSD-së, Skënder Gjinushi. Ndërkohë takimi kishte të bënte me afrimin qëndrimeve të partive të vogla, përveç dy partive të mëdha, në Parlament, drejt një sistemi zgjedhor i cili megjithëse cilësohet si sistemi gjerman, i afrohet shumë sistemit aktual shqiptar, që është i përzier.

Por sistemi i përzgjedhur nga të vegjlit, përmban një përzierje të barabartë midis proporcionalit dhe mazhoritarit. Kështu, sipas këtij varianti, parashikohet që gjysma e vendeve në Kuvend të zgjidhen në mënyrë të drejtpërdrejtë nga elektorati dhe gjysma të plotësohen nga proporcionali, ku partitë të konkurrojnë me lista të hapura. Ai përmban disa elementë të rinj, ku më kryesorja dhe që përbën risi për Shqipërinë është se "tavani" i pjesëmarrjes në Kuvend lihet i hapur, në mënyrë që numri i deputetëve të rritet edhe më shumë sesa 140 që është aktualisht. Kjo nënkupton që çdo parti do të ketë aq për qind të vendeve në Parlament, sa është dhe përqindja e votave që i ka dhënë elektorati.

Gjithashtu ky lloj sistemi përmban dhe një element tjetër të ri, që synon eliminimin e mundësisë së zbatimit të skemës së Dushkut. Në vijim të kësaj logjike kërkohet që të votohet në një fletë votimi, pra emrit të kandidatit do t'i bashkëngjitet dhe emri i subjektit politik që e mbështet, ndryshe nga zgjedhjet e kaluara në Shqipëri, ku votoje në dy fletë votimi, në një fletë për kandidatin dhe në një fletë për subjektin politik. Në këtë mënyrë, vota e kandidatit do të jetë e unifikuar me votën e partisë që e kandidon. Konkurrimi parashikohet të jetë me një raund dhe do të fitojë kandidati që merr më shumë vota. Ndërsa votat e partive do të mblidhen në rang Republike dhe pas llogaritjeve do të përcaktohet mbështetja e një partie në rang kombëtar. Ndërsa për pragun elektoral partitë e vogla propozojnë që të mbetet në nivelet aktuale, pra 2.5%.

Titulli: Re: Politike ...... Sat Dec 01, 2007 7:19 pm

Lohan: Më shumë përpjekje për reformat
01-12-2007

Helmut Lohan
"Komisioni Evropian do vazhdojë të monitorojë procesin"

TIRANË- Ambasadori i Komisionit Evropian në Tiranë, Helmut Lohan deklaroi dje se, nevojiten më shumë përpjekje lidhur me zbatimin e Marrëveshjes së Ndërmjetme, ndërmjet Komunitetit Evropian dhe Shqipërisë. Duke folur dje në konferencën mbi rezultatet e Marrëveshjes së Ndërmjetme për tregtinë dhe çështjet që kanë të bëjnë me tregtinë ndërmjet Komunitetit Evropian dhe Shqipërisë, Ambasadori Lohan, krahas arritjeve pozitive solli ndërmend edhe njëherë progres-raportin për Shqipërinë, ku renditeshin edhe një sërë reformash që Shqipëria duhet të përmbushte. "Progres Raporti vë në dukje gjithashtu disa fusha, në të cilat nevojiten më shumë përpjekje:

Përgatitjet mbeten në fazën fillestare, sa i përket angazhimeve të rëndësishme që ka ndërmarrë Shqipëria në Marrëveshjen e Ndërmjetme në fushën e të drejtave të pronësisë kulturore, industriale dhe tregtare",- tha dje, Lohan. Ambasadori i Komisionit Evropian u shpreh se axhenda e integrimit evropian të Shqipërisë është shumë më e gjerë sesa Marrëveshja e Ndërmjetme. "Në këtë drejtim, shpresoj që reformat kyçe të vazhdojnë me vendosmëri vitin e ardhshëm. Me vendosmëri, por jo me nxitim. Me vendosmëri, dhe në një klimë dialogu dhe shpirti bashkëpunimi, me të gjitha ato forca politike që ndajnë objektivin e integrimit evropian të Shqipërisë. Komisioni Evropian do të vazhdojë të monitorojë procesin dhe të raportojë pas një viti. Por, monitorimi nuk duhet të jetë detyrë vetëm e Komisionit Evropian. Parlamenti shqiptar luan një rol të rëndësishëm në përcaktimin dhe vlerësimin e ritmit të progresit gjatë gjithë vitit",- tha ai.

Titulli: Re: Politike ...... Fri Dec 07, 2007 10:21 pm

PSD:"S'ka reforme, por puce institucionale"
E Premte, 07 Dhjetor 2007

"Sot, ne Shqiperi, nuk mund te flitet me per reforma e Kushtetute, por per puce institucionale". Ky konstatim u be dje nga kreu socialdemokrat, Skender Gjinushi. Kesisoj, duke mos kursyer akuzat ndaj qeverisjes aktuale, kryetari i PSD-se u shpreh se "veprimet e njepasnjeshme dyvjecare, antikushtetuese ne goditje te institucioneve te pavarura, duke filluar me KKRT-ne e perfunduar me Akademine e Shkencave, tregojne qarte se kjo qeveri nuk ka qellim reformat, por antireformat, kontrollin total politik e antiligjor mbi institucionet dhe jeten e vendit". Sipas tij, kush flet per reforma, qofte edhe nga institucionet nderkombetare, apo per bashkepunim me kete Kryeminister e qeveri, vetem mashtron opinionin publik, vetem kerkon te ligjeroje kete realitet antikushtetues.

Titulli: Re: Politike ...... Fri Dec 07, 2007 10:23 pm

Qytetaret, 78 per qind s'besojne te qeveria
E Premte, 07 Dhjetor 2007

Qeveria e ka humbur mbeshtetjen e qytetareve ne lidhje me luften kunder korrupsionit. Ky eshte edhe konkluzioni qe nxjerrin perfaqesuesit e "Transparency International" ne Shqiperi. Keshtu, sipas sondazhit te bere publik dje, 78% e qytetareve theksojne se masat e qeverise nuk e kane luftuar korrupsionin. "Pesimizem shprehet ne 78% te personave qe thone se masat e qeverise nuk kane ndikuar, apo kane qene te paefektshme ne reduktimin e korrupsionit. Ndersa vetem 1 ne 5 shqiptare mendon se puna e qeverise ka qene e efektshme", theksohet ne raport. Ky opinion bie ndesh me qendrimin e shqiptareve nje vit me pare, te cilet ishim me optimiste per luften qe qeveria do t'i bente ketij fenomeni. "Vitin e kaluar, ne kete sondazh, Shqiperia ishte vendi qe i jepte mbeshtetjen me te madhe qeverise ne perpjekjet anti-korrupsion ne te gjithe rajonin. Sivjet mbeshtetja per perpjekjet anti-korrupsion te qeverise eshte dyfish me e ulet", dilet si konkluzion nga perfaqesuesit e IT-se.

Titulli: Re: Politike ...... Fri Dec 07, 2007 10:24 pm

"Shqiperia, ne krah te Xhibutit e Burkino Fasos
E Premte, 07 Dhjetor 2007

"Transparency International" publikoi ne Shqiperi ne muajin shtator edhe raportin qe kjo organizate ka hartuar per nivelin e korrupsionit ne 180 vende te botes per vitin 2007. Ne kete renditje sa me i larte te jete koeficienti, aq me pak i korruptuar eshte vendi dhe Shqiperia vleresohet me koeficientin 2,9% nga 10% qe eshte koeficienti i vendeve, ne te cilat nuk ekziston korrupsioni. "Per 2007, Shqiperia ka nje permiresim ne renditje si dhe ne koeficientet e vleresimit. Vendi yne renditet ne kuotat nga vendi i 100 deri ne te 105 dhe vleresohet me koeficientin 2,9", theksuan perfaqesuesit e TI-se per vendin tone ne muajin shtator. Sipas raportit, Shqiperia renditet ne te njejtat kuota me Argjentinen, Bolivine, Burkina Faso, Djibuti dhe Egjiptin, vende keto qe kane nje koeficient korrupsioni 2,9%. Duke u krahasuar me vendet e rajonit, Shqiperia renditet me koeficientin me te ulet per korrupsionin. Keshtu, Italia, e cila qendron ne krye te vendeve te rajonit, ka nje koeficient korrupsioni prej 5,2%. Nga ana tjeter e parafundit ne liste vjen Maqedonia, e cila ka nje koeficient korrupsioni prej 3,3%, d.m.th., 0,4% me te larte se Shqiperia.

Titulli: Re: Politike ...... Sat Jan 12, 2008 3:44 pm

Alibeaj: Cdo muaj takim me te perndjekurit politike
E Shtune, 12 Janar 2008

Ministri i Drejtesise, Enkelejd Alibeaj, u premton ish-te perndjekurve takim cdo te hene, muaj per muaj.
Ky deklarim eshte bere dje nga ministri i Drejtesise gjate nje takimi me perfaqesues te gjashte shoqatave te ish-te denuarve politike te regjimit komunist.
Qellimi i ketij takimi, ishte arritja e nje bashkepunimi mes Ministrise dhe perfaqesuesve te te perndjekurve politike, duke tentuar te vendose mbi baza institucionale kete bashkepunim. Pikerisht behet fjale per arritjet brenda afateve te zbatimit te ligjit per demshperblimin e ish-te denuarve politike te regjimit komunist. Ministri i Drejtesise u kerkoi perfaqesuesve te shoqatave qe t’i bejne te njohur ligjin, kerkesat e tij si dhe anen praktike te zbatimit te ketij ligji per te gjithe shtresen e ish-te denuarve politike te regjimit komunist qe ata perfaqesojne. Nderkohe qe Ministria e Drejtesise po punon per nxjerrjen sa me te shpejte te te gjitha akteve nenligjore, qe do te ndihmoje ne zbatimin e procesit te regjistrimit te kerkesave te ish-te denuarve politike. Alibeaj mirepriti edhe kerkesen e perfaqesuesve te shoqatave, te cilet duan te jene aktive ne kete proces me nje perfaqesues te tyre. Perfaqesuesit e te perndjekurve shprehen konsideratat per vullnetin e ministrit dhe u deklaruan te kenaqur per rrugen qe do te ndiqet nga ana e institucionit per zbatimin sa me korrekt te ligjit. Ministri i Drejtesise shprehu vullnetin e tij maksimal per zbatimin ne kohe te ketij ligji, i cili me ne fund arrin te rregulloje ose t’i jape zgjidhje nje prej shqetesimeve me te medha te qeverise shqiptare, denimin e krimeve te regjimit totalitar komunist dhe garantimit per ta te nje jete me te mire.

Titulli: Re: Politike ...... Sat Jan 12, 2008 3:45 pm

Topi: Vizat, veprim i nxituar
E Shtune, 12 Janar 2008

Presidenti Bamir Topi e cilesoi dje nje veprim te nxituar te pales maqedonase vendosjen e regjimit te vizave per shtetasit shqiptare. Ne reagimin e tij te pare per kete ceshtje, kreu i shtetit tha se ky eshte nje shqetesim i madh, si per qytetaret shqiptare ashtu dhe per ata maqedonas. “Une mendoj qe eshte nje veprim i nxituar i pales maqedonase, sepse ka nje klime paradoksale. Nderkohe qe Brukseli lehteson regjimin e vizave me Shqiperine, cuditerisht Maqedonia hedh ide per te forcuar regjimin e vizave”, tha Topi. Presidenti vuri ne dukje se gjate levizjes se lire te njerezve midis Shqiperise dhe Maqedonise ka pasur vetem te mira. Sipas tij, njerezit kane komunikuar me lirisht, biznesi eshte zhvilluar me shume dhe turizmi me shume.

“Besoj se keto hapa retrograde qe vijne nga segmente te caktuara te politikes maqedonase, natyrisht qe nuk do te kene shansin qe te implementohen, sepse kuptohet qe edhe Shqiperia edhe Maqedonia jane pjese e politikave evropiane, te cilat do t’i japin padyshim dhe detyrimin qe kufijte te vijne duke e liberalizuar levizjen e tyre dhe jo te hermetizohen, sikurse ka ndodhur ne kohen e izolimit”, vijoi Topi. Presidenti rikonfirmoi se politika shqiptare, institucionet dhe vete presidenca do te jene te angazhuar fuqishem qe kjo ceshtje te rikthehet ne normalitet. Nga ana tjeter, kreu i shtetit shqiptar, vuri ne dukje se dy shtetet kane bere progres gjate viteve te fundit dhe marredheniet kane ardhur duke u forcuar. Megjithate, Presidenti Topi ngriti shqetesimin per sa u perket marredhenieve ekonomike. Sipas tij, duket sikur dy vendet nuk po gjejne nje bashkepunim substancial, por kane mbetur me shume si territore transit.
*********************************************
Thane:

Taulant Balla-PS:

“PS ka ndjekur me shqetesim deklarimet e perfaqesuesve te MPJ-se se Maqedonise lidhur me vendosjen e nje regjimi vizash per shtetasit shqiptare. Kjo bie ndesh me frymen e bashkepunimit dypalesh. Dy vendet tona jane te angazhuara per levizjen e lire te njerezve dhe te mallrave, si kushti themelor i bashkepunimit edhe ne fusha te tjera dhe si nje model i mirekuptimit”.

Ilir Meta-LSI:

“Rikthimi i nje regjimi vizash nga Maqedonia per Shqiperine, nuk eshte gje tjeter vecse nje tregues i papjekurise politike. Ky akt i qeverise maqedonase nuk ka asnje justifikim se ku te mbeshtetet. Ministria e Jashtme shqiptare duhet te jete transparente per kete ceshtje, por ne te njejten kohe nuk duhet t’i pergjigjet Maqedonise me te njejten monedhe”.

Skender Gjinushi-PSD:

“Faji dhe pergjegjesia eshte nga pala maqedonase, sepse ne cdo rast nuk justifikohet rikthimi i nje regjimi vizash per dy shtete fqinje, kur Shqiperia i eshte gjendur Maqedonise, duke i hapur dyert edhe gjate problemeve te medha, apo edhe gjate krizes kosovare. Shqiperia ka qene faktori kryesor i stabilitetit te Maqedonise. Ajo duhet te pergjigjet me te njejten monedhe”.

Titulli: Re: Politike ...... Sat Jan 12, 2008 3:46 pm

Bonus per shkurtimin e afateve
E Shtune, 12 Janar 2008

Berisha pret shiritin e rruges qe pershkon tere bregdetin e Jonit prej 37 kilometrash qe do te sjelle dhe shkurtimin e distances me bregdetin, duke e sjelle kete me afer qytetareve shqiptare dhe turisteve. Ne te njejten kohe, Kryeministri premtoi lehtesira per firmat e ndertimit, te cilat do te shkurtojne afatet e ndertimit te veprave publike. Keto deklarata kreu i qeverise, Berisha, i beri gjate inaugurimit te fillimit te punimeve per rrugen Kardhiq-Delvine. “Miqesisht, ju bej thirrje ta shkurtoni me kater muaj kete afat dhe qeveria do te kete bonuse per ju. Mos harroni, e gjithe Shqiperia pret me padurim te vije ne Sarande me rrugen me te shkurter te mundshme, sikunder dua t'u siguroj se menjehere do te tenderohen te gjitha lotet e tjera dhe financimi ekziston plotesisht per cdo kilometer te kesaj rruge”, deklaroi Berisha. Sipas tij, qeveria disponon te gjitha fondet per ndertimin e plote te rruges brenda nje kohe te shkurter.

Kryeministri, gjate takimit qe pati ne Kardhiq me banore te zones, thekoi se ndodhej mes tyre per ta nisur vitin e ri me perurimin e fillimit te punimeve per nje rruge kaq te rendesishme. Berisha theksoi se rruga eshte e nje rendesie te vecante, jo vetem per banoret e fshatrave dhe te qyteteve perreth, por per te gjithe Shqiperine dhe se me ndertimin e saj, Saranda do te afrohet me shume me te gjitha skajet e vendit dhe vecanerisht me Tiranen. Rruga me gjatesi prej 37 kilometrash, eshte investim i buxhetit te shtetit dhe parashikohet te perfundoje ne pranvere te vitit 2009. Rruga, e cila do te shkurtoje distancen me bregdetin me rreth 30 km, nisi dje punimet per lotin e pare me nje gjatesi prej 7,1 km dhe vlere prej 600 milione lekesh.

Kryeministri Berisha, shoqerohej ne kete aktivitet nga ministri i Puneve Publike, Transportit dhe Telekomunikacionit, Sokol Olldashi, kryetari i Bashkise se Sarandes, Edmond Gjoka, kryetari i komunes se Kardhiqit, Dragush Logli, si dhe drejtues te pushtetit lokal dhe perfaqesues te kompanive te ndertimit, qe do te marrin pjese ne ndertimin e rruges. Prej kohesh, Kryeministri Berisha ka kerkuar nga ministri i Puneve Publike, Sokol Olldashi, qe te standardizohen te gjitha firmat e ndertimit qe marrin persiper te hyjne ne tender per te ndertuar vepra publike. Sipas Berishes, shume nga keto kompani kane abuzuar me ndertimin e rrugeve dhe duke mos pasur kapacitete te plota per ndertimin e tyre, kane shtyre afatin e perfundimit te tyre.

» Hillary Clinton dhe efekti ''lot'' ne politike
» SHBA-Rusi ne nje kohe ndryshimesh politike