Lajme nga Bisnesi....

Titulli: Lajme nga Bisnesi.... Thu Oct 04, 2007 5:24 pm

banka e Shqiperise rrit ne 6 perqind normen e interesit

Data e Publikimit: 26/09/2007

Banka e Shqiperise rrit ne 6 per qind normen baze te interesit duke shenuar kesisoj nje rekord te ri. Vendimi i keshillit mbykqyres te bankes u komunikua nga guverantori i Bankes se Shqiperise, Ardian Fullani. Sipas Fullanit vendimi i paraprin perballimit te presioneve inflacioniste gjithmone ne rritje si pasoje e rritjes se shfrenuar te cmimeve dhe risqeve per ekonomine si pasoje e rritjes se nivelit te kreditimit nga bankat

Titulli: Re: Lajme nga Bisnesi.... Thu Oct 04, 2007 5:25 pm

Kursi i EURO-s arrin rekord të ri

Pas uljes së kursit të fondeve federale nga Banka e bankënotave e SHBA, kursi i EURO-s është rritur sërish. Të enjten, monedha e përbashkët evropiane qe për herë të parë që prej futjes së saj e barabartë me më shumë se 1,40 dollarë. Në këtë mënyrë, produktet nga Evropa shtrenjtohen edhe më tej. A paraqet kjo një rrezik për ekonominë gjermane të orientuar nga eksporti?

Me nivelin 1,40 dollarë tani është shënuar një nivel psikologjik, por jo më tepër, thotë Martin Hyfner. Ai ka qenë për një kohë të gjatë kryeekonomist në banka të mëdha gjermane dhe zhvillon sot konsultime me sipërmarrje për çështje ekonomike, para së gjithash për kurset e këmbimit: "Shumë vetë thonë se kufiri prej 1,40 është një nivel vendimtar. Por sigurisht që këtë nuk mund ta pohosh në këtë mënyrë të përgjithësuar. Kur ne ndodhemi në kuotën 1,45 përqind, atëherë do të fillojnë një numër i madh sipërmarrjesh të ndiejnë vështirësi. Dhe unë mendoj se me arritjen e kuotës 1,50 duhet tërhequr patjetër frena e emergjencës."
Bildunterschrift: Großansicht des Bildes mit der Bildunterschrift: Monedhat e Euro-s ndodhen mbi kartëmonedhat e dollarit. 20 shtator 2007
Ekonomia gjermane e përgatitur për një euro të fortë

Ekonomisti Hyfner nuk sheh ende ndonjë shkak për t'u shqetësuar. Sepse për mendimin e tij, ekonomia gjermane e eksportit është e përgatitur për një euro të fortë. Nga njëra anë, me anë të bizneseve me afata kohore në tregun e devizave- një mënyrë e zakonshme në bizneset ndërkombëtare për t'u siguruar nga lëkundjet në kursin e këmbimeve. Por nëse EURO-ja vazhdon të jetë e fortë për një kohë të gjatë, me kalimin e kohës kjo kushton para, thotë Hyfner: "Kjo natyrisht që i rrit shpenzimet për sipërmarrjet. Teprojnë më pak para për pagat dhe për dividentet- dhe në këtë mënyrë zvogëlohet hapësira e veprimit për kurset e aksioneve. Nuk po vijnë kohë të lehta, por këto mund t'i durojmë."
Bildunterschrift: Großansicht des Bildes mit der Bildunterschrift: Import-Export
Euro e fortë, rrogat mbetet në të njëjtin nivel?

Pra, mund të nisemi nga fakti se forca e EURO-s mund të shfrytëzohet si argument kundër kërkesave për rrogat që shtrojnë sindikatat- edhe nëse blloqet e porosive janë plot dhe eksporti përjeton bum.Ekonomia gjermane e ka përmirësuar në një masë të konsiderueshme produktivitetin e saj vitet e fundit dhe në këtë e mënyrë e ka forcuar pozicionin e saj në garën ndërkombëtare. Në disa tregje, ky avancim minimizohet për shkak të Euro-s së fortë.
Bildunterschrift: Großansicht des Bildes mit der Bildunterschrift: Presidenti amerikan Bush, i shoqëruar nga sekretarët, ai për çështjet e thesarit Henry Paulson, dhe për çështjet e buxhetit Alphonso Jackson duke folur për krizën e pasurive të patundshme, 31 Gusht 2007 Por Hyfneri thekson se jo të gjitha sipërmarrjet kanë të njëjtat probleme: "Natyrisht që gjendja e sipërmarrjeve të veçanta është shumë e ndryshme. Një sipërmarrje që punon kryesisht në SHBA ose në zonën e Dollarit preket më shumë se një sipërmarrje, e cila e zhvillon aktivitetin e saj kryesisht në Evropë. Por në përgjithësi mund të thuhet se deri tani nuk është arritur një kufi që duhet të na shqetësonte."

Importet bëhen më të lira

Eksportë në zonën e dollarit, pra në SHBA dhe në vende që e kanë lidhur monedhën e tyre me dollarin, përfaqësojnë vetëm 15 përqind të të gjitha eksporteve. Pjesa më e madhe e mallrave të eksportuara, më shumë se 60 përqind, shkon në zonën e Euros, pra nuk preket prej kurseve të këmbimit. Euro-ja e fortë ka edhe një anë pozitive. Importet gjermane, të cilat duhet të paguhen me euro, bëhen më të lira. Çmimi i lartë i naftës, përmes Euros së forcuar në njëfarë mënyre amortizohet.

Titulli: Re: Lajme nga Bisnesi.... Sat Dec 01, 2007 7:23 pm

Biznesi i kërkon qeverisë amnisti fiskale
01-12-2007

Dhoma e Tregtisë dhe Industrisë, ka kërkuar nga ana e qeverisë që të marrë një reformë amnistie
Biznesi i ka kërkuar qeverisë që të aplikojë një amnisti fiskale. "Ne jemi partnerë të padiskutueshëm dhe të vendosur në luftën e qeverisë për formalizimin e ekonomisë dhe reduktimin e evazionit fiskal. Në kuadër të kësaj lufte, jemi të mendimit se, ndoshta ka ardhur koha që qeveria të konsiderojë opsionin e një "amnistie fiskale" për të ashtuquajturën "ekonomia gri" duke lehtësuar nga kjo barrë edhe ato segmente të komunitetit të biznesit, të cilat duan t'i bashkohen bizneseve transparente e serioze, jo të pakta në këtë vend",- ka deklaruar Kryetari i Dhomës së Tregtisë dhe Industrisë, Gjokë Uldedaj. Deklarata e Uldedajt, është bërë gjatë konferencës së mbajtur dje, me rastin e 1-vjetorit të Nënshkrimit të Marrëveshjes së Ndërmjetme Shqipëri-BE. Ideja për një amnisti fiskale është hedhur edhe nga ana e institucioneve shtetërore vite më parë. Ka qenë vetë presidenti Meidani që në vitin 1999 ka hedhur këtë ide, e mbështetur edhe nga një pjesë e zyrtarëve të lartë dhe specialistëve të ekonomisë.

Ndërsa, Kryetari i Dhomës së Tregtisë dhe Industrisë së Tiranës, Gjokë Uldedaj, deklaron se në kuadër të zhvillimeve të fundit politiko-ekonomike në vend, amnistia mund të jetë një opsion për t'u marrë në konsideratë nga ana e qeverisë. Por debati më i madh për amnistinë fiskale lidhet me faktin nëse ajo do të jetë një amnisti e pjesshme apo e plotë, ndërsa një pjesë e specialistëve të ekonomisë mbeten skeptikë lidhur me faktin nëse një amnisti do të ishte e drejtë apo ajo, do të përdorej politikisht nga qeveria. Në vitin 2002, profesori i Ekonomisë në Universitetin Amerikan të Uashingtonit, Vladimir Kvint, i sugjeroi në atë kohë ish-qeverisë socialiste të drejtuar nga Nano të shpallte amnistinë fiskale në vend. Kvint kishte vlerësuar se, si pasojë e kësaj, në Shqipëri do të ktheheshin rreth 6 miliardë dollarë kapitale, gjë që do të dyfishonte Prodhimin e Brendshëm Bruto që kishte vendi asokohe. Vetëm një vit më vonë, në 2003-in, qeveria italiane e drejtuar nga Berluskoni ndërmori amnisti fiskale, që përfundoi me ligjërimin e një kapitali prej 63 miliardë eurosh në shtetin fqinj. Specialistët vlerësojnë se një pjesë nga këto fonde ishin para që zotëroheshin nga shqiptarët.

Një nga kërkesat e tjera të sipërmarrjes vendëse drejtuar qeverisë ka qenë zbatimi i shanseve të barabarta me biznesin e huaj, në procesin e privatizimit. "Qeveria duhet të shpejtojë procesin e privatizimit, duke i dhënë shanse të barabarta si operatorëve vendas ashtu edhe të huaj, për të marrë pjesë në privatizimin e ndërmarrjeve strategjike, si INSIG, KESH, ARMO, Albpetrol, etj. Të mos hezitojmë të ftojmë në këto procese edhe sipërmarrjen vendase, e cila mendoj se ka krijuar kapacitete menaxhimi të ngjashme me kompani të huaja, disa herë edhe më cilësore se këto të fundit",- tha Uldedaj. Kërkesa e bërë nga ana e biznesit vendës, vjen pas diskriminimit që i është bërë biznesit vendës në procesin e privatizimit gjatë këtyre viteve. Me anë të ligjit për privatizimin, në një pjesë të madhe të privatizimeve strategjike, investitorët vendës kanë qenë të përjashtuar me ligj nga gara.

Titulli: Re: Lajme nga Bisnesi.... Sat Dec 01, 2007 7:24 pm

BE: Kontrabandë e lartë në dogana
01-12-2007

Pas një viti të zbatimit të Marrëveshjes Interim, Bashkimi Europian deklaron se ka një nivel të lartë kontrabande në doganat shqiptare
Raporti: Kontrabanda dhe zbatimi diskriminues i legjislacionit doganor në doganat shqiptare

Doganat shqiptare vuajnë nga një nivel i lartë kontrabande, ndërsa administrata doganore nuk i ka kushtuar vëmendje krimit të organizuar, drogës dhe pastrimit te parave. Raporti për doganat vjen nga Bashkimi Europian, në një kohë që në harkun kohor të një viti, Shqipëria është duke zbatuar Marrëveshjen Interim me BE. Një pjesë të këtyre problemeve të hasura në doganat shqiptare gjatë këtij viti, janë vënë në dukje edhe nga ana e Ambasadorit të KE-së në Tiranë, Helmut Lohan, gjatë konferencës së djeshme me përfaqësues të qeverisë dhe biznesit. Bashkimi Europian ka vendosur edhe një sërë objektivash për t'u arritur nga qeveria në vazhdim. Marrëveshja Interim, me futjen në fuqi në Dhjetor të vitit 2006, solli një sërë detyrimesh për vendin. Kjo marrëveshje do të jetë në fuqi deri në momentin që të 27 vendet e BE do të kenë ratifikuar Marrëveshjen e Stabilizim-Asociimit, e cila do të heqë përfundimisht të gjitha barrierat doganore me vendet e BE-së. Por BE vëren se në këtë drejtim vendi ka shumë për të bërë.

Në raport progresin që është edhe dokumenti bazë për vlerësimin e Komisionit Europian, kërkohet përafrimi me praktikat e BE-së, në veçanti në lidhje me procedurat e thjeshtuara, të transitit dhe informacionin detyrues mbi tarifat. Sipas raportit, në dogana vërehen probleme të mëdha, që kanë sjellë vështirësi serioze dhe kosto shtesë për biznesin. Në dogana vazhdon që ketë një mosdhënie të informacionit tatimor dhe vlerësohet se ka një menaxhim jo efikas të kuotave tarifore.

Sipas raportit, një pjesë e madhe e problemeve në portat hyrëse dhe dalëse të vendit, ka ardhur për shkak të ndryshimeve të shpeshta të stafit doganor. Stafi doganor vazhdon që të jetë në pjesën më të madhe të tij i pakualifikuar, pasi ndryshimet e shpeshta që bazohen në përkatësinë politike vazhdojnë. BE kërkon nga ana e qeverisë që për të mbrojtur karrierën e punonjësve të doganave, që do të ndikojë në mënyrë të drejtpërdrejtë edhe në arritjen e standardeve, duhen marrë disa masa. Së pari, duhet që oficerëve doganorë t'u jepet statusi i nëpunësit civil, në mënyrë që ata të kenë një mbrojtje më të madhe, në momentet kur ka një rotacion politik të pushtetit. Nga ana tjetër, një masë e tillë do të ndikojë në mënyrë të drejtpërdrejtë në sigurimin e një niveli të barabartë pagash. Një nga pikat doganore që vlerësohet se ka edhe një efektivitet më të ulët, mbetet ajo e Tiranës. Raporti kërkon që të ketë një përmirësimi të infrastrukturës doganore sidomos dega Tiranë.

» Lajme nga futbolli ...
» Lajme Sociale ....
» Lajme nga kultura...
» Lajme Nga Vendi
» Lajme Te ndryshme