Lajme Sportive Shqiptare

Titulli: Lajme Sportive Shqiptare Thu Aug 30, 2007 12:41 am

Lini Ktu Lajmin Me Te Fundit Ne arenen Shqiptare Te Futbollit

Titulli: Re: Lajme Sportive Shqiptare Sat Sep 01, 2007 12:58 am

Meto: Kjo Apoloni nuk do të njohë pengesa

Për mesfushorin e Apolonisë, Agim Meton, kampionati i ardhshëm do të zhvillohet nën diktatin e Apolonisë. Lojërat e mira të zhvilluara në miqësore, përforcimet e ekipit dhe eksperienca e tij, e bëjnë shumë optimist futbollistin në fjalë, i cili ka mendimin se Apolonia do të kthehet shumë shpejt mes më të mirëve. Meto shënoi në miqësoren e së mërkurës me Tomorin, ku Apolonia fitoi 2-0. Pas kësaj miqësoreje, mesfushori i ri fierak është dukur më optimist, gjë që e vërteton kjo intervistë e tij për "Sportin shqiptar".

‑ Meto, jeni rikthyer në "shtëpi", pas asaj aventure të shkurtër me Bylisin. Ç'mund të na thoni?
- Po, jam kthyer dhe jam shumë i kënqur për këtë fakt. Shkova te Bylisi në formë huazimi dhe luajta gjysmë faze me këtë ekip. Tani jam në ekipin tim, ku gjithmonë kam dashur të luaj. Mendoj se është shumë domethënëse për qytetin tënd dhe t'u dhurosh kënaqësi tifozëve të skuadrës. Edhe në ndeshjet miqësore kemi mjaft tifozë në shkallët e stadiumit dhe shpresojmë që në kampionat sigurisht të ketë më shumë. Është një lidhje shumë e rëndësishme ajo ndërmjet lojtarëve dhe sportdashësve, sepse kemi nevojë për njëri-tjetrin.

‑ Çfarë ndryshimi shihni në ekip nga momenti që jeni larguar?
- Tani kemi një ekip shumë solid. Janë afruar lojtarë me të ardhme dhe mënyra sesi po punohet tregon qartë se kemi një objektiv madhor, superligën. Jemi të përgatitur mjaft mirë nga ana fizike, ndërkohë që kemi mbështetje nga drejtuesit tanë. Dua të them se kemi një trajner, i cili kërkon më të mirën nga lojtarët dhe është vërtet pasionant në punë.

‑ Duke ditur se do të ketë shumë rivalitet në skuadër, si e shihni rolin tuaj?
- Është e qartë edhe këtë e kam mirë parasysh, ndaj them se jemi të kompletuar si ekip. Mendoj se vendin e titullarit e ka gjithmonë ai që bind trajnerin dhe që jep më të mirën. Gjithsesi, kjo është një gjë shumë e rëndësishme për ekipin, sepse të gjithë ne lojtarëtmundohemi të japin maksimumin. Personalisht, do të jem gjithmonë nën urdhrat e trajnerit.

‑ Ju jeni futbollist i ri, por e njihni shumë mirë ambientin e klubit. Sa mundësi mendoni se ka Apolonia që të jetë kampione?
- Synimi ynë kryesor është të jemi kampionë të kategorisë së parë, sepse ngjitjen në superligë them se nuk do ta diskutojmë. E them këtë, sepse e kemi bërë punën që kërkon ky objektiv. Skuadra ka ego në fushë, ndërkohë që rivalët tanë do të jenë paktë.

Trajneri Haxhiu vazhdon të jetë kërkues
Fierakët fituan 2-0 në miqësoren me Tomorin në Berat, duke konfirmuar formën e tyre të mirë. Ekipi është drejt konturimit, megjithatë ka shfaqur një nivel të kënaqshëm. Meto dhe Spaho kanë shënuar për Apoloninë, që arriti kështu një tjetër fitore në ndeshjet miqësore. Megjithatë, trajneri Gert Haxhiu mendon se skuadra e tij ende nuk ka arritur në atë nivel, që sipas tij do ta bëjë dominuese në kampionat. Në Berat ekipin e ka ndjekur nga afër edhe presidenti Koço Kokëdhima, i cili në fund është përshëndetur me lojtarët.

Titulli: Re: Lajme Sportive Shqiptare Sat Sep 01, 2007 1:02 am

Besa nuk reziston dot, humbet 3-0 dhe në Bullgari

Liteks - Besa 3-0

Liteks: Todorov, Bandalovkski, Pl.Nikolov (Kambon 84'), Cicero, Venkov, Tom, Sandrinjo, Gençev, Dudu, Popov (Beto 60'), Bibishkov (Hazurov 65'). Trajner: F.Spasov.

Besa: Dura, Arapi, Lila, Xhihani, Nuhiji (Alikaj 88'), Okshtuni, Hoxha, Krasniqi, Veliaj, Kaja, Ramadani. Trajner: S.Dumitresku.

Shënues: Gençev 12', Beto 69', Dudu 79'

Kartonë të verdhë: Arapi, Ramadani, Gençev

Besa është mundur me të njëjtin rezultat nga Liteksi edhe në stadiumin e Loveçit. Kavajasit pësuan 3 gola, aq sa dy javë më parë në "Qemal Stafa", kështu janë larguar nga Kupa UEFA pa shënuar as golin e nderit në turin e dytë eleminator. Rezultati i ndeshjes së parë nuk linte shpresë për ndonjë surprizë të mundshme dhe kavajasit e kishin të qartë këtë gjë. Ata udhëtuan me autobus drejt Bullgarisë dhe pa 3 futbollistët afrikanë, të cilët nuk u pajisën me dokumentacionin e duhur, si dhe pa Dragushën e skualifikuar. Në këto kushte, 90-minutëshi i djeshëm ishte një formalitet për ta. Liteksi e nisi me gol ndeshjen, duke kaluar në avantazh në minutën e 12-të, me anë të Gençev. Bullgarët mund ta kishin dyfishuar rezultatin pak minuta më pas, por gjuajtja e Dudusë nuk ishte e saktë. Për ekipin shqiptar provuan të bënin diçka Xhihani dhe Veliaj, por gjuajtjet e tyre ishin të pasakta. Pjesa e parë u mbyll 1-0, ndërsa në 45 minutat e dyta Liteksi shënoi dhe 2 gola të tjerë. Beto, i cili zuri vendin e Popovit në minutën e 60-të, e devijoi topin për në rrjetë, pas gjuajtjes së Tomit. Ndërsa në minutën e 79-të, Sandrinjo pasoi saktë për Dudunë, i cili shënoi dhe golin e 3-të, duke qenë vetëm pak metra larg vijës fatale. Besa nuk mundi të bënte asgjë përballë Liteksit në këtë ndeshje, duke e pranuar forcën e ekipit bullgar.
Drejtori teknik i Besës, Kreshnik Agolli, sqaron vendimin e UEFA-s për qendërmbrojtësin kosovar
Dragushës i lejohet aktivizimi në kampionat
Drejtori teknik i Besës, Kreshnik Agolli, e ka quajtur lajthitje të FSHF-së, interpretimin që kjo e fundit i bëri vendimit të UEFA-s për futbollistit Alban Dragusha. Për "Sportin shqiptar", Agolli tregoi vendimin e marrë për kosovarin, i cili, sipas tij, ka të drejtën të aktivizohet në kampionatin shqiptar dhe është i dënuar vetëm për kompeticionet e UEFA-s. "Më vjen shumë keq që FSHF-ja ka disinformuar opinionin sportiv në lidhje me vendimin që ka marrë UEFA për futbollistin e Besës, Alban Dragusha. Sipas faksit zyrtar që ka ardhur në klubin "Besa" më 27 gusht, thuhet shprehimisht: "Alban Dragusha është i pezulluar 2 vjet nga kompeticionet e UEFA-s." Pra, sipas vendimit, Dragusha nuk mund të luajë në kompeticionet e Ligës së Kampioneve dhe Kupës UEFA deri më 3 korrik 2009. Interpretimi i FSHF-së është veçse një lajthitje, sepse nuk parashikohet në rregullore dhe ajo nuk ka të drejtë ta shtrijë masën e dënimit. Në bazë të vendimit të dhënë, Dragusha ka të drejtën të aktivizohet në kampionatin shqiptar,"- sqaroi Agolli për vendimin e UEFA-s. Mbrojtësi i Besës u pezullua për shkak të përdorimit të substancave të ndaluara dhe gjatë kontrollit anti-doping rezultoi pozitiv.

ALB D1 FT Besëlidhja Lezhë 1-2 (1-1) Partizani
ALB D1 FT Flamurtari Vlore 3-1 (1-0) Skenderbeu Korce
ALB D1 FT Kastrioti Kruje 2-0 (1-0) Elbasani
ALB D1 FT SK Tirana 2-0 (1-0) Shkumbini
ALB D1 FT Vllaznia 0-1 (0-0) Dinamo Tirana

Titulli: Re: Lajme Sportive Shqiptare Tue Nov 20, 2007 2:51 am

Duka: Lojtarët u treguan mendjemëdhenj në fushë
19-11-2007

Pas ndeshjes nuk ka folur me asnjë lojtar. Një humbje të tillë nuk e kishte parashikuar, për më tepër paraqitjen e dobët të skuadrës pas tre ndeshjeve shumë të mira. Presidenti i FSHF-së Armand Duka e konsideron kolektiv fajin për humbjen e së shtunës me Bjellorusinë, por sipas tij, gjithçka ka ardhur për shkak të mendjemadhësisë së lojtarëve. Nuk dëshiron të përmendë emra, as kur i kujton Lorik Canën apo ndonjë tjetër. Veçse, ajo ndeshje duhet të shërbejë si mësim: jo më mendjemadhësi në fushë!
President, humbje 2-4 dhe veç kësaj një ndeshje shumë e dobët me Bjellorusinë. Cili është komenti juaj?
Natyrisht, është e kotë ta fshehim, ka qenë ndeshja më e dobët në këtë edicion nga ana jonë. Nuk e di, por besoj se faji qëndron te fakti se të gjithë u futën në fushë sikur e kishin fituar ndeshjen. Pas atyre ndeshjeve të mira me Holandën, me Bullgarinë, vjen një humbje e tillë. Një lloj vetëkënaqësie dhe mendjemadhësie që mendoj se na ndëshkoi. Ndërsa për tifozët, nuk dua t’u dal kundër, por ata duhet të mbështesin skuadrën, pasi ndodhin momente të këqija.
Tifozët gjithsesi ndodh të irritohen apo jo?
Shiko, unë mendoj se humbja erdhi për këto shkaqe që thashë. Ndodh që skuadra të kalojë një moment të dobët dhe besoj se për neve erdhi pikërisht në këtë ndeshje. Ndërsa bjellorusëve kjo u ndodhi me Luksemburgun. Ndoshta edhe publiku është mësuar vetëm me fitore...
Ok, por sa mund të ndikojë humbja në kontratën me Bariç?
Ne kemi zhvilluar një edicion shumë të mirë eleminatoresh dhe një ndeshje nuk mund të përcaktojë gjithçka. Për më tepër që nuk mendoj se duhet të gjejmë fajtorë individët. Për mua, faji ishte kolektiv, duke nisur nga mua, administrata e FSHF, trajneri e lojtarët.
Ç’faj mund të ketë presidenti i Federatës për këtë...
Një temë me vete ajo e Lorik Canës, padyshim një ndeshje e dobët e tij dhe në fund një deklaratë ku ndaheshin tifozët kosovarë dhe ata shqiptarë...
Nuk e kam dëgjuar, por besoj e ka thënë ngaqë edhe vetë ai ka qenë shumë i mërzitur. Nuk mund të fajësosh vetëm atë, ishte e gjithë skuadra shumë dobët. Madje, mund të them se mund të kishim pësuar gola të tjerë. Ç’është më e keqja bjellorusët po dukeshin sikur ishin Anglia në ato momente.
Mendoni se do ketë pezullime pas këtij takimi?
Nga mua? Absolutisht jo.
Nuk e di këtë, por nuk besoj. Loriku është një lojtar shumë i mirë dhe besoj se kjo ka ardhur pak nga mendjemadhësia, gjë që është parë edhe në ndeshjet e mëparshme. Por, ne nuk duhet absolutisht ta humbasim këtë lojtar, duhet ta fitojmë. Në këto momente është e rëndësishme që skuadra të mos përçahet.

Titulli: Re: Lajme Sportive Shqiptare Sat Dec 08, 2007 3:31 am

Mirçea Sandu: “Ju mishëruam, fitonim edhe 10-1”

Në kulmin e polemikave mbi shit-blerjen e ndeshjes Rumani-Shqipëri ka ndërhyrë plot ironi edhe presidenti i federatës rumune, Mirçea Sandu. Ai ka thumbuar jo pak homologët shqiptarë, futbollistët e Kombëtares dhe gjithë tifozët kuqezinj, duke deklaruar se humbja mund të ishte edhe më e turpshme. Sipas tij, takimi Rumani-Shqipëri mund të kishte përfunduar edhe 10 me 1, por duke parë rënien e dukshme të lojës nga ana e kombëtares shqiptare dhe mbetjen me nëntë futbollistë për gati 30 minuta, trajneri Viktor Piturka dha urdhër që të mos shënonin më gola. “Po të mos ishte për trajnerin tonë, Viktor Piturka, i cili urdhëroi djemtë e tij që të tregoheshin të mëshirshëm, ajo ndeshje do të kishte përfunduar me rezultatin 10 me 1, ju garantoj për këtë. Mjafton të shikosh furinë e futbollistëve tanë në minutat e para të pjesës së dytë dhe ngadalësimin e lojës sulmuese pas golit të gjashtë për të kuptuar se falëm mjaft gola të tjerë në atë ndeshje”, ka deklaruar për mediat rumune presidenti Mirçea Sandu.

Kreu i federatës rumune ka ndërhyrë edhe për sa i përket deklaratave të fundit për shitje të kësaj ndeshjeje nga ana e futbollistëve shqiptarë. Sipas tij, UEFA ka të drejtë të hetojë, por ai nuk beson në një gjë të tillë, të paktën jo për kombëtaren e tij. “Nuk besoj këtë gjë. Gjithsesi UEFA ka të gjitha mekanizmat për të hetuar mbi çdo ndeshje. Për sa i përket futbollistëve tanë, ata ishin përgatitur për të festuar sa më mirë kualifikimin për në “EURO 2008” dhe përveç fitores nuk mund të kërkonin gjë tjetër”, ka përfunduar Mirçea Sandu.

Titulli: Re: Lajme Sportive Shqiptare Sat Dec 08, 2007 3:32 am

Lajmet e fundit nga merkato
7/12/2007

Abilaliaj ne janar drejt Ukraines:
Sulmuesi i Partizanit dhe i Shpresave Arber Abilaliaj do te udhetoje ne janar drejt Urkaines per nje prove te skuadra e Kryvbas. Prova do te jete 1-javore per vlonjatin qe akoma nuk ka provuar nje aventure jashte Shqiperise. Ne kete skuader ai do te gjeje edhe kater shqiptare te tjere.

Dede ne kampionatin Kinez?
E cuditshme por e vertete. Mbrojtesi i Tiranes dhe i Kombetares Nevil Dede ka marre nje oferte nga nje klub i kategorise se pare Kineze. Oferta eshte e mire por distanca e madhe nga Shqiperia eshte problem. Nuk dihet akoma nese tiranasi do ta pranoje oferten.

Haxhi drejt nje ekipi te madh:
Altin Haxhi do te largohet nga skuadra e Ergotelis. Atij i eshte bere nje oferte joshese nga nje ekip i madh jashte Greqise, por mbrojtesi i majte nuk preferon ta beje te ditur emrin akoma, pa u zgjidhur akoma detajet e kontrates se afruar.

Shkarkohet Velo nga Skenderbeu pas 6 ditesh:
Trajneri vlonjat Shkelqim Velo qe sapo u emerua si trajner i ri i Skenderbeut para 6 ditesh, eshte shkarkuar nga kryetari i bashkise se Korces, Niko Peleshi me kerkesen e donatoreve. Sipas Velos shkarkimi ka ardhur pasi ai nuk ka pranuar te behet pjese e pazareve qe donatoret e skuadres korcare bejne rregullisht.

Bajko zyrtarisht trajneri i Beselidhjes:
Neptun Bajko do te drejtoje Beselidhjen. Ai eshte kthyer perseri ne drejtimin e nje skuadre te Superliges pasi deri tani ishte drejtori teknin i Shkumbinit. Bajko do te zevendesoje Ridvan Kullin qe po mbante perkohesisht kete post se bashku me ate te drejtorit teknin te lezhjaneve.

Babaj prane transferimit ne Azerbajxhan:
Mesfushori i Elbasanit Shpetim Babaj mund te transferohet ne Azerbajxhan ne janarin e vitit 2008. Jane dy skuadra te ketij vendi qe i kane bere oferte por ajo me joshese ka qene nga FK Baku.

Titulli: Re: Lajme Sportive Shqiptare Sat Dec 08, 2007 3:33 am

Arapi ne janar te Silkeborg IF ne Ligen e Dyte ne Danimarke 7/12/2007

Javën e kaluar, me lejen e drejtuesve të Besës, mbrojtësi shtatlartë durrsak i Besës, pjesëtar i skuadrës Kombëtare U-21, Renato Arapi, ishte për një test në Danimarkë, në skuadrën Silkeborg, që është aktualisht në vendin e dytë në renditje në kampionatin e kategorisë së dytë. Duke qenë se kjo skuadër vendin e mbrojtësit të majtë e kishte problematik, Arapi, sikurse tregon në intervistën për gazetën tonë, është pritur atje mjaft mirë. Edhe në ditët e testimin, paraqitja e tij është pëlqyer shumë nga stafi teknik i Silkeborg. Drejtuesit e klubit i kanë kërkuar futbollistit nënshkrimin e një kontrate dyvjeçare, efektet e së cilës fillojnë në ditët e para të janarit 2008. Duhet theksuar se, në tre vite që luan te Besa, Arapi ka arritur të afirmohet, ndaj joshja nga Silkeborgu dhe kërkesa për të ngjitur shkallët e mjeshtrisë sportive ishin arsyet që futbollisti, edhe pse me keqardhje, do ta lërë skuadrën kavajase dhe do të bëhet pjesë e klubit danez.

- Arapi, pas një ecurie të suksesshme te Besa dhe në kombëtaren U-21, vjen një ofertë tashmë e konkretizuar, për të luajtur në Danimarkë...

- Kur luajtëm në Ishujt Faroe U-21 dhe fituam 5-0, drejtuesit e Silkeborg ishin në stadium. Edhe para kësaj ndeshjeje, por veçanërisht pas saj, drejtuesit e kësaj skuadre intensifikuan kontaktet me menaxherin tim. I kërkuan ngutshëm një testim njëjavor, të cilin e kreva me shumë sukses.

- Mbërriti dhe kontrata e parë e karrierës suaj përtej kufinjëve...

- Për këtë hap të rëndësishëm në karrierën time, dua të falënderoj drejtuesit e KF Besa, trajnerët e mi dhe në veçanti presidentin Nexhat Bizhdili, që më ka trajtuar me shumë ngrohtësi. Kontrata vjen në një moment, kur kjo përvojë e parë jashtë vendit do të jetë plotësisht e përballueshme nga unë, por do të më ndihmojë dhe që të ngjis më tej shkallët e mjeshtërisë.

- Deri në janarin e 2008-es do të luani te Besa dhe katër ndeshje të mbetura të kampionatit, duke filluar nga kjo fundjavë me Flamurtarin...

- Me ardhjen e trajnerit Starova, dëshiroj që Besa të gjejë edhe në Vlorë suksesin, në një transfertë që do të jetë pa diskutim e vështirë. Shpresoj se këto katër ndeshje do të jenë të mabara për mua dhe për skuadrën. Dëshiroj që para largimit Besën ta lë në vendin e parë në renditje. Më vjen keq që do të largohem në një sezon, kur skuadra kavajase do të mund të realizojë edhe fitoren e një titulli kampion. Por duhet ta pranoj me çiltërsi, se ky rast që m’u paraqit kurrsesi s’duhej humbur.

- Ndonjë të veçantë tjetër për skuadrën tuaj të re dhe qytetin?

- Kishte njerëz shumë futbolldashës. Qyteti kishte afro 600 mijë banorë, njihej për një traditë të mirë futbollistike. Megjithatë, duhet të pranoj se i mbetem borxhli Besës dhe fansave të saj, për gjithçka kanë bërë për mua.

Titulli: Re: Lajme Sportive Shqiptare Sat Dec 08, 2007 3:35 am

Istrefi, talenti qe mahnit stafin e Manchester City
7/12/2007 17:30:14

Është i vogël por edhe gjigant. Nuk mund të thuash ndryshe kur Gëzim Istrefi, talenti i madh shqiptar, është vetëm 15 vjeç dhe ka një shtatlartësi 1 metër e 87 centimetra. Por, më shume sesa ky tregues, krejtësisht i veçantë, është talenti i tij i madh si futbollist. Që në këtë moshë, ai ka arritur të bëhet objekt i dëshirave të skuadrës angleze Mançester Siti.
Shqiptari 15-vjeçar, që aktivizohet me skuadrën e kategorisë së dytë suedeze, Carlstad United, ndodhet prej disa ditësh në Angli, ku po kryen një provë në radhët e skuadrës së famshme të Mançester Sitit. Madje të shtunën luajti edhe në një ndeshje kontrolli kundër Blekpulit. Si për çdo lojtar, ndeshja e parë me fanellën e një ekipi që mban emër të madh është shumë emocionale, por për talentin shqiptar ka qenë thjesht një testim pozitiv. Madje, fitorja e thellë me rezultatin 4-1 mban padyshim firmën e Gëzim Istrefit, i cili arriti të realizonte jo më pak se tre gola dhe kontribuoi edhe në realizimin e golit të katërt, duke dhënë një asist të shkëlqyer.

Me këtë paraqitje të jashtëzakonshme, 15-vjeçari nga Kosova shpalosi gjithë talentin e tij, duke lënë gojëhapur të gjithë anëtaret e stafit drejtues të Mançester Sitit. Me një ndeshje të vetme, gjeniu shqiptar arriti të fitonte zemrat e anglezëve, duke shfaqur një pjekuri të veçantë taktike dhe një guxim te pabesueshëm në lojë për moshën e tij. Për më tepër, talenti shqiptar demonstroi se zotëron një nuhatje fantastike për të shënuar gola dhe se di të pasojë në mënyrë të përkryer. Përveç talentit, Gëzim Istrefi duket se ka edhe personalitet të dukshëm. Të dhëna këto që e sjellin shumë më përpara në krahasim me bashkëmoshataret e tij. Duket se Skandinavia është një tokë pjellore për të rritur talentë të mëdhenj shqiptarë. Përparim Hetemaj, Astrit Ajdareviç, Berat Sadiku, Rexhep Lekaj dhe tani edhe Gëzim Istrefi, jane disa nga ata “të vegjel” që po njihen si të mëdhenj. Me siguri që në kandinavi do të dalin edhe të tjerë talente të mëdhenj shqiptarë, që do të bëhen joshës për menaxherët e huaj. E ndërsa dihemi krenarë për talente të tillë, natyrshëm të del me forcë edhe pyetja: Ku janë specialistët, rekrutuesit dhe Federata Shqiptare e Futbollit?
Në ditët në vazhdim pritet që drejtuesit e Mançester Sitit t’i ofrojnë një kontratë afatgjatë djaloshit nga Mitrovica, i cili do ta provojë fatin e tij fillimisht në skuadrën e dytë, përpara se të kalojë te skuadra e parë, ku drejton trajneri i njohur suedez, Sven Goran Erikson. Nëse firma me Mançester Sitin bëhet realitet, Istrefi do të bëhej futbollisti i dytë shqiptar që do të mbronte ngjyrat e kësaj skuadre, pas Eduard Abazajt.

Gezim Istrefi
Ditëlindja: 18 dhjetor 1991
Vendlindja: Mitrovicë, Kosovë
Gjatësia: 187 cm
Roli: Mesfushor, sulmues
Këmba natyrale: e majta
Klubi: Carlstad United

Titulli: Re: Lajme Sportive Shqiptare Sat Dec 08, 2007 3:36 am

Lajmet e fundit nga merkato
7/12/2007

Magani kthehet te Shkumbini
Trajneri Gugash Magani eshte kthyer perseri te Shkumbini. Ai u largua pas humbjes 0-2 kunder Tiranes po ka pranuar te rikthehet pasi i eshte kerkuar kjo me ngulm nga kryetari i bashkise se Peqinit Ilir Rrusha.

Tare drejt largimit nga Lazio
Igli Tare duket se do te largohet me ne fund nga Lazio. Nese kjo nuk realizohet ne janar atehere me siguri ne fund te sezonit ai do te nderroje skuader. Chievo, ish-skuadra e Bogdanit ka shprehur interes per shtatlartin shqiptar dhe mosaktivizimi i tij te Lazio e ka shtyre Taren qe te konsideroje oferten e tyre.

Beqiri kalon te Arsenal Kiev
Mbrojtesi i Kombetares Shqiptare Elvin Beqiri do te kaloje te nje tjeter skuader Ukrainase, Arsenal Kiev. Shkodrani qe sapo u kthye nga nje demtim i gjate ka bere te ditur se pas disa javesh do te shkepuse lidhjet me Metalurg Donetsk dhe ne janar do te filloje stervitjen me skuadren e re.

Patushi dhe Dabulla rikthehen te Shkumbini
Megjithese u eshte kominikuar menjehere perjashtimi pas ndeshjes se humbur me Tiranen, Rezart Dabulla dhe Saimir Patushi do te jene perseri lojtare te skuadres peqinase. Pas nje bisede me presidentin e Shkumbinit ata do te kthehen perseri dhe do te jene te gatshem per ndeshjen e rradhes.

Stavri Nica ne drejtim te Lacit
Humbja e Lacit kunder Skraparit i ka kushtuar postin trajnerit Daiu. Zevendesuesi i tij pritet te jete durrsaku Stavri Nica qe mund te prezantohet para skuadres ne ditet e ardhshme.

Starova trajneri i Beses
Sulejman Starova do te jete pasuesi i Dimitreskut te Besa e Kavajes. Trajneri tiranas do te prezantohet sot perpara skuadres dhe pritet te filloje menjehere punen per t'ju kthyer fitoreve. Presidenti Bizhdili nuk ka humbur fare kohe pas largimit enigmatik te trajnerit rumun, duke zgjedhur nje nga trajneret shqiptare me te mire.

Titulli: Re: Lajme Sportive Shqiptare Sat Dec 08, 2007 3:37 am

Duka: Me MTKRS, e njëjta luftë me atë të vjetrën
7/12/2007

Presidenti i Federatës Shqiptare të Futbollit Armand Duka ka reaguar dje për herë të parë pas akuzave të bëra ndaj tij nga ministri i Turizmit, Kulturës, Rinisë dhe Sporteve. Në një mini konferencë shtypi, kreu i futbollit shqiptar ka hequr një paralele mes "luftës" që po bëhet tani me atë të bërë 2 vjet më parë nga ministri Leskaj. "Më duhet të them se është e njëjta luftë, veçse ndryshojnë metodat. Më përpara nisi me një kërkesë auditimi, ndërsa tani e kanë kapur me kombëtaren, pasi ajo u djeg më shumë shqiptarëve", u shpreh presidenti i FSHF-së. Sipas tij, në këtë rast nuk bëhet fjalë për shitje, por nëse Ministria ka fakte, atëherë le t'i nxjerrë. "Nuk ka pse bëhet kjo luftë mediatike, me këtë sulm. Nëse ka fakte atëherë le të dalin", u shpreh presidenti i Federatës, i akuzuari kryesor nga Ministria. Në lidhje me deklaratën e Kryeministrit Berisha, që foli për klane mafioze dhe shitje të fanelës së kombëtares, Duka tha se edhe në këtë rast vlen e njëjta gjë si në rastin e Ministrisë.

"Ne e respektojmë mendimin e tij sepse është Kryeministër i vendit, por në raste të tilla duhet të flasësh me fakte", deklaroi kreu i futbollit shqiptar.

Titulli: Re: Lajme Sportive Shqiptare Sat Dec 08, 2007 3:38 am

Tare: Hetimi i kombëtares, diçka absurde

Akuzat e kryeministrit të Shqipërisë, Sali Berisha në adresë të futbollistëve të kombëtares shqiptare, si dhe kërkesa që ka dërguar ministri i Turizmit, Kulturës, Rinisë dhe Sporteve, Ylli Pango në UEFA për hetimin e dy ndeshjeve të fundit të kuqezinjve në edicionin e eliminatoreve që sapo përfundoi, janë bërë qendra e vëmendjes për komunitetin sportiv në vendin tonë. Duke parë faktin që gjithmonë media ka aluduar për trukime të mundshme të takimeve, kjo është hera e parë që ndërmeret një nismë e tillë në mënyrë zyrtare dhe ashtu siç ka deklaruar si kreu i qeverisë shqiptare, ashtu edhe ministri i dikasterit të sportit, kësaj çështjeje do t’i shkohet deri në fund. Megjithatë, letra e dërguar në UEFA nga ana e ministrit Pango ka ndarë disi komunitetin sportiv, pasi disa shprehen se është një veprim mëse i drejtë, në një kohë që shumë të tjerë deklarojnë se një kërkesë e tillë nuk duhej të bëhej. Pas deklarimit të ish-futbollistit të kombëtares shqiptare dhe njëkohësisht specialist futbolli, Fatbardh Jerës se veprimi i Pangos është i gabuar, vjen një tjetër deklaratë nga ish-kapiteni kuqezi, Igli Tare, i cili mbeti jashtë përfaqësueses në muajin mars të këtij viti. Bjondi shtalartë që ka dhënë shumë për kombëtaren kuqezi deklaron se kërkesa për hetimin e ndeshjeve të kombëtares është diçka absurde. “Përsa i përket kërkesës për hetim që ka dërguar MTKRS në UEFA për dy sfidat e fundit të përfaqësueses shqiptare, më duke diçka absurde, pasi nuk mund të kërkohet diçka e tillë për ekipin kombëtar. Mund të them se është një veprim paksa i nxituar dhe absurd” shprehet në prononcimin e tij për gazetën, ish-sulmuesi i kuqezinjve, Igli Tare. I pyetur më pas për çështjen e trajnerit të ri të përfaqësueses sonë, nëse duhet të jetë shqiptar apo i huaj, sulmuesi shtatlartë deklaron se në Shqipëri ka shumë trajnerë të aftë që mund të drejtojnë skuadrën kombëtare. “Për çështjen e teknikut të ri të ekipit përfaqësues mendoj se nuk është e detyrueshme që trajneri që jetë medoemos i huaj. Mendoj se në Shqipëri ka teknikë shumë të aftë që mund të drejtojnë me sukses kombëtaren kuqezi. Gjithsesi, në fund të fundit, zgjedhja është vetëm e drejtuesve të Federatës Shqiptare të Futbollit” shprehet në prononcimin e tij, ish-kapiteni i përfaqësueses shqiptare, Igli Tare. Ndërkaq, përsa i përket të ardhmes së tij në sezonin e ri, mediat italiane flasin për një largim të mundshëm nga skuadra e Lacios. Mediat e vendit fqinj bëjnë të ditur se Tare ka bërë tashmë gati valixhet dhe do të largohet nga skuadra laciale. Ndër skuadrat që kërkojnë shërbimet e sulmuesit shtatlartë është edhe Kievo, me të cilën është aktivizuar në sezonin e kaluar sulmuesi Erjon Bogdani. Ndërkohë, vet Tare shprehet se ka një kontratë me skuadrën e Lacios që skadon në përfundim të sezonit dhe kërkon që ta respektojë deri në fund. Gjatë fazës së parë në Seria A që është në përfundim, si dhe në Ligën e Kampioneve, aktivizimet e sulmuesit shtatlartë kanë qenë të pakta. Ish-kapiteni kuqezi kishte oferta të shumta në merkaton e verës, si nga skuadra italiane, ashtu edhe nga ato të huaja, por preferoi që të qëndronte edhe për një vit me skuadrën kryeqytetase duke respektuar kontratën që ka me këtë skuadër. Gjatë muajve të verës u fol edhe për një shkëmbim të mundshëm midis Bogdanit dhe Tares, por kjo mbeti vetëm në letër duke mos u zyrtarizuar.

Titulli: Re: Lajme Sportive Shqiptare Sat Dec 08, 2007 3:39 am

Bariç: Grupet nuk janë arsyeja e dy humbjeve
7/12/2007

Ish-trajneri Oto Bariç ka treguar se nuk kanë qenë grupet në kombëtare ato që sollën humbjet e fundit. "Ka disa arsye pse humbëm. Rumania ishte skuadra më e mirë e grupit dhe ishte në ditën më të mirë. E dyta, unë isha i pezulluar. Mund të them se lojtarët nuk luajtën si duhet të luajë një profesionist për Kombëtaren. Arsye tjetër është që mungonin 3-4 futbollistë të rëndësishëm. Nuk luajti Cana dhe Dallku, Skela luajti i sëmurë. Në atë ndeshje luajta me lojtarë të rinj dhe të gjitha këto bënë që ajo të shndërrohej në një ditë të keqe për Kombëtaren. Kam dëgjuar të flitet për ndeshje të shitura, por mendoj se nuk është e vërtetë. Këto humbje ndodhën për arsyet e mësipërme. Edhe humbja me Bjellorusinë ndodhi për këto arsye. Kjo është e gjitha. Grupet? Ato janë kudo, në çdo ekip, por nuk janë të rrezikshme. Pyetja ime është pse nuk foli askush për grupe në Kombëtare kur ne zhvilluam ndeshje të mira dhe pësuam vetëm dy gola?", deklaroi ai për "Top Channel".

Titulli: Re: Lajme Sportive Shqiptare Sat Dec 08, 2007 3:40 am

Dyshimi i Pangos, FSHF nuk e donte vazon e 4-t
7/12/2007

Faktet reale duket e vështirë të gjenden, teksa Ministria e Turizmit, Kulturës, Rinisë dhe Sporteve ka gjetur tashmë disa pika, të cilat mendon se mund të përdoren si pjesë e hetimit në lidhje me ndeshjet e fundit të kombëtares. Gjithçka nis që nga rezultati sportiv, që kishte si objektiv arritjen e vazos së katërt. Burime të besueshme nga MTKRS, bënë të ditur se Federata nuk donte ta arrinte këtë vend, pasi dëshironte sa më shumë skuadra më të forta në grup, të cilat do të sillnin detyrimisht edhe shumë para nga e drejta televizive. Në fakt, vështirë se kjo mund të merret si provë, megjithatë dyshimi ekziston. Ndërsa një tjetër fakt mbetet koeficienti i lartë i fitores së Bjellorusisë në Tiranë, që shkonte deri në 3.6 apo 4.0. Koeificientë të lakmueshëm për çdo bastexhi dhe që Ministria beson se janë shfrytëzuar. Ndërkohë që për ndeshjen me Rumaninë, dyshohet për koeficientin e lartë për 4 apo 5 gola diferenca të fitores dhe që zakonisht shkon në 50 apo 60.

Të gjitha këto, në Ministri i quajnë si fakte për të shkuar në akuzat se ndeshjet janë shitur. Gjithsesi, duket e vështirë që të ngrihet një akuzë zyrtare ndaj drejtuesve të Federatës duke i marrë këto si prova.

Bariç
Ish-trajneri i kombëtares shqiptare ka dhënë sërish si arsye për dy humbjet e fundit, faktin e mosimpenjimit sa duhet të futbollistëve, duke mos shkuar në dyshime për shitje ndeshjesh. Në një bisedë që ka patur dje me një nga njerëzit e tij të afërt, Bariç deri diku ka mbetur i habitur dhe fjalët e vetme që ka thënë, ishin thuajse identike me momentin e largimit. "Sigurisht që nuk ka pasur një impenjim maksimal, por këtë nuk e di ngase erdhi. Për mendimin tim megjithatë nuk ka qenë punë shitjesh, megjithëse i dëgjova dhe ata njerëzit që thërrisnin në stadium dhe u interesova se çfarë thonin që atëherë. Fanela e kombëtares është e rëndë të shitet", ka thënë Bariç. Kroati megjithatë ishte viktima kryesore e dy humbjeve të turpshme, por sipas tij, ndeshjet e ekipit kombëtar janë pak ndryshe. "Duhet të jetë një grup i organizuar mirë, duhet të jenë disa lojtarë dhe jo vetëm një që ta bëjë këtë", tha Bariç pas ndeshjes me Bjellorusinë, që përfaqësuesja shqiptare e humbi në mënyrë të habitshme 2-4. Ndërkohë që edhe në Federatë insistojnë se jo vetëm nuk ka prova, por gjithçka që është folur, është ngritur mbi supozime dhe dyshime.

Titulli: Re: Lajme Sportive Shqiptare Tue Jan 15, 2008 7:40 pm

Kampi i kuq gjen buzëqeshjen e munguar
15-01-2008

Përfundon "telenovela" financiare e Partizanit, futbollistët qetësohen dhe nisin përgatitjet

Dita e djeshme ishte menduar si "dita e së vërtetës" për Partizanin, pasi për të ardhmen mendohej e mira dhe e keqja. Zgjidhja e këtyre enigmave kishte bërë që në ambientet e klubit "Partizani" të kishte një interesim të madh si nga media e shkruar dhe vizive, por edhe nga mbështetësit e skuadrës.

Seanca e djeshme stëvitore ishte planifikuar për në orën 15:00, por të interesuarit filluan që të zbarkojnë në klub një orë përpara. Lajmi që doli dje nga kampi i kuq ishte i gëzuar, pasi në orët e paradites ishin shlyer të gjitha detyrimet e prapambetura, ku sipas burimeve pranë drejtuesve është mësuar se dje presidenti Xhani ka nxjerrë nga xhepi plot 200 milonë lekë të vjetra. Ndryshe nga ditët e kaluara, dje, tek të gjithë pjesëtarët e ansamblit të kuq shikohej një shndritje të fytyrës dhe ndiheshin të karikuar për pjesën në vazhdim. Hareja në kamipn e kuq u arrit në momentin kur mbërriti presidenti i skuadrës, Albert Xhani, i cili nuk kishte se si të mungonte. Tifozët e Partizanit u gëzuan jo vetëm se skuadra e tyre nuk u shpërbë, por pas një mungese disi të gjatë panë dhe shtrënguan dorën edhe me presidentin Xhani. Megjithëse ardhja e presidentit ndodhi pas fillimit të seancës përgatitore, prania e Xhanit në klub ishte e pritshme, pasi ai gjithmonë i ka ndarë lajmet e mira me skuadrën dhe tifozët.

Titulli: Re: Lajme Sportive Shqiptare Tue Jan 15, 2008 7:43 pm

Kuqezinjtë drejt Antalias, stërvitja e parë nesër
15-01-2008

Kandidatët për në kombëtaren e parë kuqezi do të vihen sot nën urdhërat e trajnerit Ari Han

Lojtarët e thirrur për grumbullimin e kombëtares në Antalia do të nisen sot drejt Turqisë. Nga aeroporti "Nënë Tereza", vetëm 20 prej tyre nisen sot, sepse 5 të tjerët, të cilët janë lojtarë të thirrur nga ekipi i Tiranës, kanë dy ditë që janë sistemuar në Kemer dhe do t'u bashkohen kuqezinjve vetëm për seancat stërvitore. Siç dihet, kombëtarja dhe Tirana do të jenë të grumbulluar në hotelin "Limak Limra". Itinerari i lojtarëve kandidatë për ekipin kombëtar është Tiranë-Stamboll-Antalia. Pas mbërritjes në Antalia, ata do të udhëtojnë drejt qytezës turistike të Kemerit me autobus. Ndërkohë, trajneri Ari Han, bashkë me ndihmësit e tij do të udhëtojë direkt nga Holanda për në Turqi. Stërvitja e parë në Kemer do të zhvillohet nesër, në 10:00. Për sa u përket takimeve miqësore që do të luhen gjatë grumbullimit 10-ditor, pritet që vetë trajneri kuqezi të bisedojë me ekipet që ndodhen në Kemer për kryerjen e fazës përgatitore. Alternativë është kombëtarja e Arabisë Saudite, por gjithçka do të zyrtarizohet, pasi të bisedohet me drejtuesit e saj.

Lista e 25 lojtarëve kuqezinj :

Portierë :

- Ilion Lika(Elbasani)
- Enea Koliqi(Iraklis)
- Ervin Llani(Shkumbini)

Mbrojtës :

- Erion Xhafa(Tirana)
- Endri Vrapi(Tirana)
- Elvis Sina(Tirana)
- Admir Teli(Vllaznia)
- Andi Lila(Besa)
- Tefik Osmani(Partizani)
- Ansi Agolli(Vaasa)

Mesfushorë :

- Blendi Shkëmbi(Partizani)
- Elis Bakaj(Partizani)
- Paulin Dhëmbi(Partizani)
- Gjergji Muzaka(Partizani)
- Klodian Duro(Tirana)
- Jahmir Hyka(Tirana)
- Gilman Lika(Vllaznia)
- Bekim Kuli(Dinamo)
- Emiljano Veliaj(Besa)

Sulmues :

- Xhevahir Sukaj(Vllaznia)
- Daniel Xhafa(Tirana)
- Arbër Abilaliaj(Partizani)
- Migen Memelli(Gais)
- Shaban Ismaili(Shtutgart)
- Marjus Ngjela(Skënderbeu)

» Lajme Sportive Te Huaja
» Lajme nga Basketbolli .....
» Lajme nga futbolli ...
» Lajme nga Bisnesi....
» Lajme Nga Vendi